नाशिकरोड कारागृहाच्या अधिकाऱ्यांना आरोपीसोबत ‘दारू पार्टी’ भोवली; तीन अधिकाऱ्यांना कारणे दाखवा

नाशिक क्राईम न्यूज : नाशिकरोड मध्यवर्ती कारागृहातील (Nashik Road Central Jail) सुरक्षा व्यवस्था आणि प्रशासकीय शिस्तीवर प्रश्नचिन्ह निर्माण करणारी एक धक्कादायक घटना समोर आली आहे. एका गंभीर फसवणुकीच्या गुन्ह्यातील संशयित आरोपीसोबत कारागृहाच्या वरिष्ठ अधिकाऱ्यांनी दारू पार्टी (Liquor Party) केल्याचा व्हिडिओ सोशल मीडियावर (Social Media) तुफान व्हायरल (Viral Video) झाला आहे. या प्रकारामुळे कारागृह प्रशासनात प्रचंड खळबळ उडाली असून, कर्तव्यात कसूर केल्याचा ठपका ठेवत 3 तुरंग अधिकाऱ्यांना (Prison Officers) कारणे दाखवा नोटीस बजावण्यात आली आहे.

Nashik Crime News: जेल अधिकारी निवासस्थानाबाहेरील ‘तो’ व्हिडिओ व्हायरल

याबाबत मिळालेल्या माहितीनुसार, व्हायरल झालेला व्हिडिओ कारागृहाच्या अधिकारी निवासस्थानाच्या (Officers Quarters) बाहेरील परिसरातील असल्याचा दावा केला जात आहे. या व्हिडिओमध्ये कारागृहाचे तीन जबाबदार अधिकारी एका संशयित आरोपीसोबत पार्टी करताना दिसत असल्याची चर्चा रंगली आहे. हा व्हिडिओ समोर आल्यानंतर, गंभीर गुन्ह्यातील आरोपींशी कारागृह प्रशासनातील अधिकाऱ्यांचे असे लागेबंधे असण्यावर नागरिकांमधून तीव्र संताप आणि सुरक्षा व्यवस्थेबद्दल चिंता व्यक्त केली जात आहे. संबंधित अधिकारी आणि संशयित यांच्यातील आर्थिक किंवा इतर संबंधांबाबत आता दबक्या आवाजात चर्चा सुरू आहे.

Nashik Crime News: या तीन अधिकाऱ्यांवर ठेवण्यात आला ठपका

या व्हायरल व्हिडिओ प्रकरणाची गंभीर दखल घेत मध्यवर्ती कारागृह प्रशासनाने (Jail Administration) वरिष्ठ पातळीवर तपास करून आपला प्राथमिक अहवाल (Investigation Report) वरिष्ठांना सादर केला आहे. यामध्ये

1. हिरालाल भामरे (तुरंग अधिकारी)
2. जगदीश ढुमणे (तुरंग अधिकारी)
3. अशोक मलवाड (तुरंग अधिकारी)

या तिन्ही अधिकाऱ्यांवर कर्तव्यात कसूर केल्याचा थेट ठपका ठेवण्यात आला आहे. हे तिन्ही अधिकारी 2014 पासून नाशिकच्या मध्यवर्ती कारागृहात कार्यरत आहेत. प्रशासनाने या तिघांनाही नोटीस बजावून 7 दिवसांच्या आत (Within 7 Days) लेखी खुलासा (Explanation) सादर करण्याचे कडक आदेश दिले आहेत.

Nashik Crime News: कोण आहे ‘तो’ संशयित आरोपी?

ज्या व्यक्तीसोबत हे अधिकारी पार्टी करत होते, त्याचे नाव गौरव मिश्रा असे आहे. गौरव मिश्रा याच्यावर 2024 मध्ये नाशिकच्या अंबड पोलीस ठाण्यात (Ambad Police Station) फसवणुकीचा (Cheating/Fraud Case) गंभीर गुन्हा दाखल करण्यात आला होता. या गुन्ह्यात अटक झाल्यानंतर 21 नोव्हेंबर 2024 रोजी त्याची जामिनावर मुक्तता झाली होती. हा व्हायरल व्हिडिओ नेमका कधीचा आहे, याबाबत अद्याप अधिकृत खुलासा झालेला नसला, तरी या प्रकरणामुळे आता या तिन्ही तुरंग अधिकाऱ्यांवर निलंबनाची (Suspension) किंवा इतर कोणती कडक कायदेशीर कारवाई (Legal Action) होते, याकडे सर्वांचे लक्ष लागले आहे.

आणखी वाचा

Nashik News: कांद्याला कवडीमोल भाव अन् कर्जाचा डोंगर, कांदा उत्पादक शेतकऱ्याने संपवली जीवनयात्रा; नाशिकमधील हृदयद्रावक घटना

आणखी वाचा