ल्हेंडे नदीवरील तलाव कोणत्याही क्षणी ओव्हरफ्लो होऊ शकतो; आपत्तीग्रस्त नेपाळला चीनचा अलर्ट

नेपाळमधील पुराच्या मोठ्या संकटानंतर आता आणखी एक नवीन धोका निर्माण झाला आहे. चीनने नेपाळला अलर्ट दिला आहे की, ल्हेंडे नदीच्या वरच्या भागात असलेले सरोवर कोणत्याही क्षणी ओव्हरफ्लो होऊ शकते. चीनने म्हटले आहे की, सरोवरातील पाण्याचा रंग हळूहळू गडद होत आहे, ते धोक्याचे लक्षण आहे. जर सरोवर ओव्हरफ्लो झाले, तर नदीचा प्रवाह प्रति सेकंद ५०० घनमीटर इतका कमाल वेग गाठू शकतो. त्यामुळे प्रचंड विनाश होण्याची भीती आहे.

चीनने ही माहिती नेपाळच्या परराष्ट्र मंत्रालयाला दिली आहे. त्यात म्हटले आहे की, सरोवराचा रंग हळूहळू गडद होत आहे. त्यामुळे हे सरोवर कोणत्याही क्षणी ओव्हरफ्लो होऊन फुटू शकते, असा इशारा देण्यात आला आहे. या आठवड्यात नेपाळ आणि तिबेटमध्ये आलेल्या मोठ्या पूरानंतर हे सरोवर तयार झाले. एका हिमनदीला महापूर आल्याने प्रचंड ढिगारा खाली आला. या ढिगाऱ्याने नदीचा मार्ग अडवला, ज्यामुळे एक नैसर्गिक धरण तयार झाले. त्याच्या मागे पाणी साचल्याने हे सरोवर तयार झाले. चीनने ल्हेंडे नदीच्या वरच्या भागात तयार झालेल्या तलावाबाबत नवा इशारा दिला आहे. पाण्याचा काळसरपणा हे तलाव कोणत्याही क्षणी फुटण्याचा धोका दर्शवत आहे. चीनच्या म्हणण्यानुसार, जर हा तलाव फुटला, तर प्रति सेकंद जास्तीत जास्त ५०० घनमीटर पाणी नदीत वाहू शकते.

हे सरोवर चीनच्या बाजूला चोचेन नदी आणि नेपाळच्या बाजूला पुरेपू नदीच्या संगमाजवळ तयार झाले आहे. चीनच्या जलसंपदा मंत्रालयाच्या मते, सरोवरातील पाण्याची पातळी सतत वाढत आहे. शुक्रवारपर्यंत त्यात अंदाजे २५ लाख घनमीटर पाणी जमा झाले होते. धोक्याच्या पार्श्वभूमीवर, चीनने सखल भागात राहणाऱ्या लोकांना सतर्क राहण्याचा इशारा दिला आहे आणि ड्रोन व उपग्रहांच्या साहाय्याने संपूर्ण परिसरावर पाळत ठेवली जात आहे.

अहवालानुसार, तलाव फुटल्यास होणाऱ्या परिणामाचे मूल्यांकन करण्यासाठी चीनने एक पूर मॉडेल (flood model) देखील विकसित केले आहे. अंदाजानुसार, नदीतील पाण्याचा कमाल प्रवाह प्रति सेकंद ५०० घनमीटरपर्यंत पोहोचू शकतो. नैसर्गिक धरणाचा काही भाग फुटला तरी पाणी नदीच्या काठाच्या आतच राहील. याचा अर्थ असा की, पाण्याची अचानक मोठी लाट येण्याची शक्यता आहे, परंतु मोठ्या प्रमाणावर पाणी ओसंडून वाहण्याची शक्यता कमी मानली जात आहे.

शुक्रवारी तलावातील पाणी लेंड खोला आणि त्रिशुली नद्यांमध्ये वाहू लागले. दुपारपर्यंत तेथील धोका नियंत्रणात असल्याचे मानले गेले. असे असले तरी, नेपाळमध्ये चिंता कायम आहे. बुधवारच्या अचानक आलेल्या पुरात आतापर्यंत ६२६ लोकांचा मृत्यू झाला आहे. तिबेटमध्येही सात मृत्यूंची पुष्टी झाली आहे.नेपाळ अजूनही नुकत्याच आलेल्या पुराच्या विनाशकारी विध्वंसातून सावरत आहे. ल्हेंडे नदीच्या वरच्या भागात असलेले हे सरोवर आता प्रशासनाची चिंता वाढवत आहे.