वडिलांकडे चॅटींगचे पुरावे, दोन महिन्यांपासून वाद, गर्जे कुटुंबीयांनीच आमच्या गौरीला संपवलं; मुल

पंकजा मुंडे पीए अनंत गर्जे पत्नी: राज्याच्या पर्यावरण मंत्री पंकजा मुंडे (Pankaja Munde) यांच्या स्वीय सहाय्यक अनंत गर्जे (Anant Garje) यांच्या पत्नी डॉ. गौरी पालवे (Gauri Palve) यांनी राहत्या घरात गळफास घेऊन आत्महत्या केल्याची धक्कादायक घटना समोर आली आहे. वरळी येथे 22 नोव्हेंबर रोजी सायंकाळी सातच्या सुमारास ही घटना घडली. प्राथमिक तपासात हे प्रकरण आत्महत्येचे असल्याची नोंद करण्यात आली असली तरी गौरीच्या कुटुंबियांनी आता ही आत्महत्या नसून हत्या असल्याचा आरोप केला आहे.

गौरी पालवे यांचे मामा शिवदास गर्जे यांनी ‘एबीपी माझा’शी बोलताना सांगितले की, “मुलीच्या वडिलांकडे चॅटिंगचे पुरावे आहेत. दोन-तीन महिन्यांपासून तिचे आणि अनंतचे वाद सुरू होते. त्याच्या अफेअरबाबत गौरीला माहिती झाली होती, तरी तिने त्याला माफ केले. पण पुन्हा चॅटिंग सुरू असल्याचे तिने पाहिले आणि वाद वाढत गेले. तो तिला खूप टॉर्चर करत होता.”

Pankaja Munde PA Anant Garje Wife: तुम्ही जर काहीच केले नाही तर…

ते पुढे म्हणाले की, ती गळफास घेत होती मग थांबवलं नाही? तो फरार आहे. त्याचे भाऊ आणि वडील इथे बाहेर हसत आहेत. त्यांचे कुणीही इथे नाही. तुम्ही जर काहीच केले नाही तर कणखरपणे थांबायचे, पण कुणीही थांबलं नाही. जर तीने आत्महत्या केली मग हे पळाले का? असा सवाल शिवदास गर्जे यांनी उपस्थित केलाय.

Pankaja Munde PA Anant Garje Wife: गर्जे कुटुंबीयांनीच आमच्या गौरीला संपवलं

गौरीचे दुसरे मामा हृषिकेश गर्जे यांनी म्हटले की, “एका कुटुंबाने मिळून आमच्या गौरीची हत्या केली आहे. ही आत्महत्या नाही.” त्यांनी या प्रकरणाची CBI मार्फत चौकशी करण्याची मागणी केली तसेच इन-कॅमेरा पोस्टमार्टम करावे, असेही आवाहन केले. गौरी ही आत्महत्या करणारी नव्हती. ती संघर्ष करणारी मुलगी होती. आम्हाला न्याय मिळावा, असे म्हणत त्यांनी गृहमंत्री देवेंद्र फडणवीस आणि उपमुख्यमंत्री अजित पवार, एकनाथ शिंदे यांच्याकडे या प्रकरणाच्या सखोल चौकशीची मागणी केली आहे.

Pankaja Munde PA Anant Garje Wife: अनंत गर्जेंची भूमिका समोर

गौरी गर्जे यांच्या आत्महत्येवर अनंत गर्जे यांनी प्रतिक्रिया दिली आहे. ते म्हणाले की, घटना घडली त्यावेळी मी घरी नव्हतो, घरी पोहोचलो तेव्हा घराचे दरवाजे आतून बंद होते. घाबरून 31 व्या मजल्यावरून खिडकीतून उतरून मी 30 व्या मजल्यावरच्या माझ्या घरात प्रवेश केला तेव्हा गौरी गळफास घेतल्या अवस्थेत होती. गौरीला गळफास घेतलेल्या अवस्थेतून उतरवून मी रुग्णालयात नेलं, असं अनंत गर्जे यांनी म्हटले आहे.

आणखी वाचा

Mumbai crime: पंकजा मुंडेंचे पीए अनंत गर्जेंच्या डॉक्टर पत्नीने टोकाचं पाऊल उचललं, मुंबईत जीवन संपवलं

आणखी वाचा