पुण्यातील जमीन गैरव्यवहारातील मोठा मासा; पार्थ पवारांना जमीन विकणारी शीतल तेजवानी कोण?

पार्थ पवार लँड स्कॅम पुणे कोण आहे शीतल तेजवानी पुखोसे: पुण्याच्या मुंढवा भागातील वादग्रस्त जमिन खरेदी प्रकरणात (Parth Pawar Land Scam Pune) उपमुख्यमंत्री अजित पवार (Ajit Pawar) यांचे पुत्र पार्थ पवार (Parth Pawar) याचे मामेभाऊ आणि व्यावसायिक भागीदार दिग्विजय अमरसिंह पाटील यांच्यासह तिघांवर गुन्हा दाखल करण्यात आलाय. मात्र हे करताना पोलिसांनी अजब प्रकार केला आहे. अमेडिया कंपनीत 99 टक्के भागीदारी असलेल्या पार्थ पवारांवर गुन्हे दाखल झालेले नाहीत. तर केवळ एक टक्का भागीदारी असलेल्या दिग्विजय पाटलांसह तिघांवर गुन्हा दाखल केला आहे.

पुण्याचे निलंबीत तहसीलदार सुर्यकांत येवले यांच्याविरोधात देखील गुन्हा दाखल करण्यात आला आहे. संगनमत करुन शासनाचा 5 कोटी 89 लाख 31 हजार आठशे रुपयांचा मुद्रांक शुल्क बुडल्याबद्दल हा गुन्हा दाखल करण्यात आला आहे. गुन्हा दाखल झालेल्या अन्य तिघांमध्ये या जागेची पॉवर ऑफ एटर्नी असलेल्या शीतल तेजवानी (Sheetal Tejawani) आणि रविंद्र तारू यांचा समावेश आहे, मात्र दिग्विजय पाटलांचे व्यवसायिक भागीदार असलेल्या पार्थ पवारांवर गुन्हा दाखल करण्यात आलेला नाही. जर एका व्यावसायिक भागीदारावर गुन्हा दाखल करण्यात आलाय तर दुसरा भागिदार असलेल्या पार्थ पवार यांच्यावर गुन्हा का नाही असा प्रश्न उपस्थित झाला आहे. तर पार्थ पवारांना जमीन विकणारी शीतल तेजवानी कोण आहे?, जाणून घ्या…

कोण आहे शीतल तेजवानी?, वादग्रस्त इतिहास काय? (Who Is Sheetal Tejawani)

1.शीतल तेजवानी आणि सागर तेजवानी हे पती-पत्नी आहेत.

2. सागर सुर्यवंशीने शितल तेजवानीसह कुटुंबियांच्या नावे घेतली 10 कर्जे

3. 41 कोटी रुपयांची 10 कर्जे घेताना सागर-शितलने सादर केली बनावट कागदपत्रे

4. सेवा विकास बँकेच्या पुणे आणि पिंपरी चिंचवडच्या शाखांतून उचलले कर्ज

5. ज्या कारणांसाठी कर्जे घेतली तिथे ती न वापरता दुसऱ्याच व्यवसायात वापरली

6. 2019 ला सहकार सह आयुक्त राजेश जाधवरांच्या ऑडिटमध्ये शितल-सागरचा घोटाळा उघड

7. सागर सुर्यवंशीने आणि शीतल तेजवानीने घेतलेली कर्जे मुद्दाम फेडली नाही

8. 31 मार्च 2021 पर्यंत कर्जांची रक्कम 60 कोटीच्या घरात

9. जानेवारी 2023 मध्ये ईडीकडून सागर सूर्यवंशीच्या घर आणि कार्यालयावर छापा

10. सागर सूर्यवंशीच्या 45 कोटींच्या मालमत्ता जप्त, मे 2023 मध्ये स्पेशल कोर्टात खटला

11. सागर सुर्यवंशीला ऑक्टोबर 2021मध्ये आधी सीआयडीने आणि नंतर पिंपरी चिंचवड पोलिसांकडून अटक

12. जामिनावर बाहेर येताच सागर सूर्यवंशीला जून 2023मध्ये ईडीकडून अटक

1. पुण्यातल्या कोरेगाव पार्कमध्ये एकूण 40 एकर जागा

2. 1819 मध्ये जागा महार वतनदारांना दिल्याची सनद

3. 1957 मध्ये सरकारकडून बोटॅनिकल डिपार्टमेंटला जागा

4. 1962 पर्यंत संबंधित जागेवर कोणतंही केंद्र उभारण्यात आलं नव्हतं.

5. 1962 मध्ये फेरफारनंतर जागा भाडेतत्वावर भारतीय वनस्पती सर्वेक्षण केंद्राकडे

6. 40 पैकी 3 एकरमध्ये वनस्पती सर्वेक्षण केंद्र, उर्वरित जागेवर जंगल

7. 2006 मध्ये वतनदारांकडून शीतल तेजवांनींना पॉवर ऑफ अॅटर्नी

8. पॉवर ऑफ अॅटर्नीद्वारे शीतल तेजवानींकडून जागा पार्थ पवारांच्या अमेडिया कंपनीला

संबंधित बातमी:

Parth Pawar Land Scam Pune: 1 टक्के मालकी असलेल्या दिग्विजय पाटलांवर गुन्हा, 99 टक्के मालकी असलेल्या पार्थ पवारांवर गुन्हा नाही; कोण आहे दिग्विजय पाटील?

आणखी वाचा