खळबळजनक! बुधवार पेठेत तरुणीची 9 व्या मजल्यावरून उडी; चिठ्ठी लिहित म्हणाली, ‘मी कुटुंबाच्या योग्

पुणे: पुण्यातील बुधवार पेठ (Pune Budhwar Peth) परिसरात काल (गुरुवारी,ता 27) सायंकाळी एक धक्कादायक घटना घडली. संध्याकाळच्या सुमारास एका तरुणीने ९ व्या मजल्यावरून उडी मारून आत्महत्या (Pune Budhwar Peth) केल्याची घटना समोर आली होती. संबंधित तरुणीने इमारतीच्या नवव्या मजल्यावरून उडी घेत आपलं जीवन संपवलं होतं. ही तरुणी कोण आहे? तिने असं टोकाचं पाऊल का उचललं? यामागे काय कारणं  आहेत? तिच्यासोबत नक्की काय घडलं होतं? असे एक ना अनेक प्रश्न निर्माण झाले होते. मात्र आता पोलिसांनी या पीडित तरुणीची ओळख पटवली असून तिने टोकाचं पाऊल उचलण्याआधी लिहिलेली सुसाईड नोट देखील पोलिसांना सापडली आहे.(Pune Budhwar Peth)

Pune Budhwar Peth News: नेमकं काय घडलं?

याबाबत मिळालेल्या माहितीनुसार, मानसी असं 9 व्या मजल्यावरून उडी मारून आत्महत्या केलेल्या १९ वर्षीय तरुणीचं नाव आहे. सुसाइड नोटमध्ये या तरुणीने आपण असं टोकाचं पाऊल का उचलत आहे, याचं कारणही सांगितलं आहे. “मी घरातल्या लोकांच्या योग्यतेची नाही” असं नोटमध्ये लिहून त्या तरुणीने आपलं जीवन संपवलं आहे. तसेच आपण स्वत:हून हे टोकाचं पाऊल उचलत आहे, असंही तिने लिहलेलं आहे. बुधवार पेठेत अवघ्या १९ वर्षांच्या तरुणीच्या या कृत्याने खळबळ उडाली, तर तिच्या मृत्यूने हळहळ व्यक्त होत आहे.

Pune Budhwar Peth News: शेवटच्या नोटमध्ये काय लिहलंय

तरुणीने आत्महत्या करण्यापूर्वी लिहिलेल्या नोटमध्ये म्हटलं की, “मी घरातल्या लोकांच्या योग्यतेची नाही. मला या कामाचा कंटाळा आल्याने स्वतःहून हे टोकाचे पाऊल उचलून आत्महत्या करीत आहे.” मिळालेल्या माहितीनुसार, संबंधित तरुणी मागील काही दिवसांपासून याच इमारतीमध्ये वास्तव्याला होती. गुरुवारी सायंकाळी अचानक तिने टोकाचं पाऊल उचललं आहे. या घटनेनंतर परिसरात बघ्यांची मोठी गर्दी झाली होती. या घटनेनंतर परिसरात गोंधळाचे वातावरण निर्माण झाले, मात्र पोलिसांनी परिस्थिती नियंत्रणात आणत परिस्थिती हाताळली. दरम्यान या घटनेचा पुढील तपास विश्रामबाग पोलीस करत आहेत.

आणखी वाचा