खाजगी क्लासमध्ये लहान मुलांमध्ये गँगवार, शिक्षक शिकवत असतानाच विद्यार्थ्यावर हल्ला; पुण्यातील ख

खेड/पुणे: राजगुरुनगर येथे भल्या सकाळी खाजगी क्लासमध्ये लहान मुलांमध्ये गँगवार (Pune Crime News) झाल्याची धक्कादायक घटना घडली आहे. क्लासमध्येच मुलांवर चाकु हल्ला करण्यात आला आहे. क्लासमेट असलेल्या मुलानेच हा हल्ला केला आहे. शिक्षक शिकवत असतानाच क्लासमध्ये मुलाचा गळा चिरल्याची धक्कादायक घटना घडली आहे. हल्ला करणारा विद्यार्थी दुचाकीवरुन फरार झाला, या घटनेनंतर एकच खळबळ उडाली. (Pune Crime News)

या हल्ल्यामागचं कारण अद्यात अस्पष्ट आहे. रक्ताच्या थारोळ्यात पडलेल्या मुलाला उपचारासाठी रुग्णालयात दाखल करण्यात आलं आहे. हल्ला झालेल्या मुलाची प्रकृती चिंताजनक असल्याची माहिती समोर आली आहे. आता खाजगी क्लासमधील मुलांच्या सुरक्षेचा गंभीर प्रश्न निर्माण झाला आहे. राजगुरुनगर पोलीस घटनास्थळी दाखल झाले आहेत. 13 ते 14 वर्ष वयोगटातील ही मुलं आहेत. 8 वी आणि 9 वी वर्गातील मुलांचा क्लास एकाचवेळी सुरु होता. त्यावेळी ही घटना घडली आहे. (Pune Crime News)

आणखी वाचा