मुलींना मारहाण, जातिवाचक शिवीगाळ; महिला पोलिसांनी धमकीही दिली, कोथरूडमध्ये त्या दिवशी नेमकं काय

कोथरूड: पुण्यातील कोथरूड पोलिसांनी तीन मुलींना मारहाण आणि जातीवाचक शब्दात शिवीगाळ केल्याचा आरोप मुलींनी केला आहे. तुम्ही महार मांगाच्या पोरी आहात, किती मुलांसोबत झोपलेत आणि लेसबियन आहात का ? अशा घाणेरड्या शब्दात पोलिसांनी तपासाचा भाग म्हणून या मुलींना प्रश्न विचारले. याप्रकरणी या मुली आणि त्यांचे काही सहकारी आक्रमक झाल्याचं पाहायला मिळत आहे आणि त्यांनी थेट पोलिसांकडेच दाद मागायला सुरुवात केली आहे. मात्र, पोलिसांकडनं कोणतीही दाद मिळत नसल्याचा आरोप देखील याच मुलींच्या सहकाऱ्यांनी केला आहे. पुणे पोलीस आयुक्त असू देत किंवा कोणी पोलीस उपायुक्त या सगळ्यांशी संपर्क साधला तक्रारीनंतर गुन्हा दाखल करण्याची मागणी या सगळ्यांनी केली आहे. मात्र पोलिसांनी अजूनही या सगळ्यांना दाद दिली नसल्याचे ते म्हणतात.

या सगळ्या प्रकारामुळे त्यांना मोठा धक्का बसलाय आहे. यांच्या विरोधात अट्रोसिटीचा गुन्हा दाखल करण्याची मागणी केली आहे. पीडित मुलींपैकी दोन मुलींची मानसिक अवस्था ठीक नाहीये. मात्र त्यातल्या एका मुलीने घडलेल्या सगळ्या प्रकार एबीपी माझाशी बोलताना सांगितले.

नेमकं काय घडलं होतं?

संभाजीनगरची एक तरुणी सासरच्या त्रासाला कंटाळून पुण्यात एका मैत्रिणीच्या सहाय्याने या तीन मुलींच्या फ्लॅटवर राहायला आली. या मुलींनी त्या संभाजीनगरच्या मुलीला मदत केली. संभाजीनगरच्या मुलीच्या सासरच्यांनी तिच्या विरोधात मिसिंगची तक्रार दाखल केली होती. याच मुलीला शोधण्यासाठी संभाजीनगरचे पोलीस पुण्यात दाखल झाले आणि तिच्या मोबाईलच्या लोकेशन नुसार पुण्यातील कोथरूड परिसरात राहणाऱ्या या तीन मुलींच्या घरी गेले. त्यावेळी संभाजीनगरची मुलगी कामासाठी निघून गेली होती. मात्र या पोलिसांनी या मुलींकडे सगळी चौकशी करायला सुरुवात केली. मात्र हीच चौकशी करताना या तीन मुलींच्या फ्लॅटमध्ये घुसून त्यांचे कपडे चेक केले. सोबतच त्यांना अर्वाच्या भाषेत शिवीगाळ देखील केली आणि जाती वाचक भाषेत देखील त्यांना प्रश्न विचारले.

हे प्रकरण इथेच थांबलं नाही तर या मुलींनी या पोलिसांना आयडेंटिटी विचारली असता या पोलिसांनी थेट कोथरूड पोलीस स्टेशनमध्ये आम्ही तुम्हाला तिथे सगळं सांगतो असं म्हणत थेट पोलीस स्टेशनमध्ये नेलं. त्यांना तिथे मारहाण केली. त्यांच्यासोबत पुन्हा एकदा वेगवेगळ्या पद्धतीची विचारणा केली आणि या सगळ्यांमुळेच या तिन्ही मुली आता मोठ्या धक्क्यात आहेत. या पोलिसांनी कोथरूड पोलीस स्टेशनमध्ये तक्रार दाखल केली आहे. मात्र या प्रकरणी अजूनही गुन्हा नोंद न झाल्यामुळे या मुली आणि त्यांचे सहकारी काही प्रमाणात आक्रमक झाल्याचे दिसून येत आहे.

दरम्यान एबीपी माझाशी बोलताना त्या मुलीने सांगितलं की, त्या महिला पोलिस होत्या प्रेमा पाटील यांनी मुलींशी गैपवर्तन केले, त्याचबरोबर तुमच्या या वागण्यामुळे एक दिवस तुझा खून देखील होऊ शकतो असं म्हणत धमकी दिल्याचंही या तरूणीने म्हटलं आहे.

पोलिस स्टेशनमध्ये काय घडलं?

छत्रपती संभाजीनगरची एक मुलगी सासरच्या त्रासाला कंटाळून या तीन मुलींकडे एक दिवसासाठी राहायला आली होती. ती तरुणी हरवल्याची तक्रार ही संभाजीनगरमध्ये होती. पोलीस या संभाजी नगरच्या मुलीचा मोबाईल ट्रॅक करत कोथरुडपर्यंत (Kothrud News) पोहोचले. त्यावेळी या संभाजीनगरच्या मुलीचं लोकेशन कोथरुडमध्ये आढळळं. त्यांनी या तीन मुलींच्या फ्लॅटवर जाऊन चौकशी केली. यानंतर पोलिसांनी या तिघींना ताब्यात घेऊन कोथरुड पोलीस ठाण्यात नेले. येथील रिमांड रुममध्ये पोलिसांनी या तिन्ही मुलींचा शारीरिक आणि मानसिक छळ केल्याचा आरोप करण्यात आला आहे. (Pune News)

कोथरुड पोलीस ठाण्यातील पोलीस उपनिरीक्षक प्रेमा पाटील आणि छत्रपती संभाजीनगर पोलीस (Chhatrapati Sambhaji nagar news) ठाण्याचे पोलीस उपनिरीक्षक कामटे यांनी या तिन्ही मुलींना जातीवाचक शिवीगाळ केल्याचा आरोप झाला आहे. श्वेता एस या मुलीने फेसबुकवर एक व्हिडीओ पोस्ट करत हा सगळा प्रकार सविस्तरपणे सांगितला आहे. पोलिसांनी या मुलींच्या चारित्र्याबद्दल अपमाजनक शब्द वापरले, तसेच तोकड्या कपड्यांवरुन वाईटसाईट बोलले, असा आरोप श्वेता एस हिने केला आहे. पीएसआय कामटे यांनी एका मुलीला लाथाबुक्क्यांनी मारहाण आणि चुकीचा स्पर्श केल्याचाही आरोप करण्यात आला आहे. या तिन्ही मुली पुण्यात नोकरी करतात, कोथरुड परिसरात राहतात. पोलीस सगळे मिसिंग केसची चौकशी या मुलींकडे करत होते. त्यांना कोणत्याही पद्धतीची मारहाण झाली नाही. तपासाचा भाग म्हणून काही प्रश्न विचारल्याचं कोथरुड पोलिसांनी सांगितलं आहे.

कोथरुड पोलीस ठाण्यात नेमकं काय घडलं?

सोशल मीडियावर श्वेता एस व्ही या मुलीने एक व्हिडीओ पोस्ट केला आहे. या व्हिडीओत श्वेता एस या मुलीने या तीन मुलींसोबत घडलेला सगळा प्रकार सांगितला आहे. तिने म्हटले की, काल रात्री छत्रपती संभाजीनगरमधील एका केसचा तपास करण्यासाठी तेथील पोलीस कोथरुडमध्ये आले होते. त्यांनी तीन दलित मुलींना त्यांच्या घरातून ताब्यात घेतले. त्यांना चौकशीसाठी नेत असल्याचे पोलिसांकडून सांगण्यात आले. या तिघींना कोथरुड पोलीस ठाण्यातील वरच्या मजल्यावर असणाऱ्या रिमांड रुममध्ये पाच तास ठेवण्यात आले. दरम्यानच्या काळात पोलिसांनी त्यांचा शारीरिक आणि मानसिक छळ केला.

कोथरुड पोलीस ठाण्यातील पीएसआय प्रेमा पाटील या मुलींना म्हणाल्या की, तुम्ही महार-मांगाचे ना, मग तुम्ही असचं वागणार आहे, तुम्ही वाया जाणार आहात. तुमची जात अशीच आहे, तू  किती पोरांसोबत झोपल#$स, तू रां# आहेस, असे प्रेमा पाटील यांनी म्हटल्याचा आरोप आहे.

तसेच छत्रपती संभाजीनगरचे पीएसआय कामटे यांनीही मुलींशी असभ्य वर्तन केल्याचा आरोप आहे. एका मुलीने पोलिसांना उत्तर द्यायचा प्रयत्न केल्यावर पीएसआय कामटे संतापले. या मुलीला लाथाबुक्क्यांनी मारहाण करण्यात आली. तसेच कामटे यांनी मुलीला चुकीच्या पद्धतीने स्पर्श केल्याचा आरोप आहे. तुमच्या दोन्ही मैत्रिणींचे स्कार्फ सेम आहेत, मग तुम्ही लेस्बियन आहात का? तुम्ही दोघीही दिसताही तशाच. तुम्ही किती तोकडे कपडे घालता. तुम्ही रां# आहात का?  तुम्ही दारु पीत भटकत असाल. तुला बाप नाही तर तुला तर सोडूनच दिलं असेल, असे कामटे यांनी म्हटल्याचा आरोप आहे.

यावर एका मुलीने आमचं ऐकून घ्या अशी विनवणी केली. तेव्हा कामटे यांनी म्हटले की, तू अशीच वागलीस तर एक दिवस तुझा खून होईल. उद्या तुम्हाला नोकरीसाठी कॅरेक्टर सर्टिफिकेट लागेल, तुमच्यासारख्या मुलींना आम्ही कॅरेक्टर सर्टिफिकेट देणार नाही. आम्ही तुमचं करिअर बरबाद करु, अशी धमकी पीएसआय कामटेंनी मुलींना दिल्याचा आरोप आहे. पोलिसांनी हायप्रोफाईल केसचं प्रेशर आहे दाखवून या मुलींचा शारीरिक आणि मानसिक छळ गेला. यासाठी पोलिसांनी माफी मागितली पाहिजे. अन्यथा आम्ही हे प्रकरण लावून धरु, अशी मागणी श्वेता एस या तरुणीने केली आहे.

https://www.youtube.com/watch?v=faqzra5m0pa

आणखी वाचा