पुण्यात PMPLच्या डेपो मॅनेजरकडून महिला कंडक्टरकडे शरीरसुखाची मागणी, पीडितेचा आत्मदहनाचा प्रयत्न
पुणे: पुण्यातून एक धक्कादायक बातमी समोर आली आहे. पुणे महानगर परिवहन महामंडळात (PMPL) काम करणाऱ्या एका महिला बस कंडक्टरने आत्महत्या करण्याचा प्रयत्न केल्याचा धक्कादायक प्रकार समोर आला आहे. डेप्युटी चीफ मॅनेजर संजय कुसाळकर यांच्या कार्यालयातच हा आत्महत्येचा प्रयत्न झाला. कुसाळकर यांनी शारिरीक सुखाची मागणी केली आणि त्याला नकार दिल्यानं आपल्याला निलंबित करण्यात आल्याचा आरोप महिला कंडक्टरने केला होता.
नेमकं काय घडलं?
या प्रकरणी दिलेल्या माहितीनुसार, होत असलेल्या छळाला आणि त्यानंतर झालेल्या निलंबनाच्या कारवाईमुळे अस्वस्थ झालेल्या महिलेनं कुसाळकर यांच्या केबिनमध्ये स्वतःवर ज्वलनशील पदार्थ ओतून घेत आत्मदहनाचा प्रयत्न केला. पण तिथे उपस्थित असलेल्या कर्मचारी आणि सुरक्षा रक्षकांमुळे मोठी दुर्घटना टळली. या संपूर्ण घटनेमुळे कार्यालयात काहीवेळ गोंधळ निर्माण झाला होता. मिळालेल्या माहितीनुसार, डेपो मॅनेजर शरीर सुखासाठी पीडितेला त्रास होत होता. वाहक आणि एका चालकाच्या मदतीने डेपो मॅनेजर पीडितेला त्रास देत होता.
विशेष म्हणजे याप्रकरणी पीडिता महिला कंडक्टरने बंड गार्डन पोलीस स्टेशनमध्ये अर्ज याप्रकरणी अर्ज दिला होता. महिला आयोगाकडेही तक्रार दाखल केली होती. मात्र, डेपो मॅनेजर विरोधात कोणताच गुन्हा दाखल करण्यात आला नाही. यामुळे महिला कंडक्टरने मॅनेजरच्या कार्यालयात जात अंगावर पेट्रोल टाकून आत्मदहनाचा प्रयत्न केला. संजय कुसाळकर, असं त्रास देणाऱ्या डेपो मॅनेजरचं नाव आहे. महिला वाहकाचा पाठलाग करणाऱ्या आणि संजय कुसाळकरविरुद्ध समर्थ पोलीस स्टेशनमध्ये गुन्हा दाखल करण्यात आला आहे.
याप्रकरणी मिळालेल्या अतिरिक्त माहितीनुसार, संजय कुसाळकरने यापूर्वीही महिलेला त्रास दिला आहे. याप्रकरणी येरवडा पोलीस स्टेशनमध्ये बलात्काराचा गुन्हा दाखल आहे. पीडितेला त्रास देण्यासाठी डेपो मॅनेजरला एक वाहक आणि चालक मदत करत होता. वाहक सुनील भालेकर याने मानसिक त्रास दिला. भालेकर हा महिलेला फोटो व्हायरल करण्याचा त्रास द्यायचा आणि पाठलाग करायचा. सुधीर राठेड हा कॉल करून शिव्या देत होता.
दरम्यान महिला वाहकाने महिला आयोग आणि पोलिसांत तक्रार दाखल केली. वरिष्ठांकडेही याप्रकरणी वेळोवेळी तक्रार दाखल केलीय. मात्र त्याची दखल घेत जात नसल्याने महिलेने संजय कुसाळकर यांच्या केबिनमध्ये असलेलं पेट्रोल ओतून आत्महत्या करण्याचा प्रयत्न केला. विशेष म्हणजे पीएमपीएलच्या वरिष्ठांकडे डेपो मॅनेजरविरोधात तक्रार केल्यानंतर मॅनेजरनं महिला कर्मचारीला निलंबित केलं आहे.
महिला वाहकाने दिलेल्या तक्रारीनुसार, डेपो मॅनेजर संजय राजाराम कुसाळकर हा त्यांना गेल्या काही वर्षांपासून त्रास देत होता. ड्युटीवर असताना डेपो मॅनेजर वेगवेगळ्या पद्धतीने त्रास देत असे. कधी अवघड ड्युटी लावणे, उशिरा सुटणाऱ्या गाड्या देणे, इतकेच नाही तर चेहऱ्यावर रुमाल बांधून कुसाळकर हा त्यांचा पाठलाग देखील करायचा. पाठलाग करत थांबवून महिला कर्मचाऱ्याकडे शरीर सुखाची मागणी करायचा. माझी इच्छा पुर्ण केली तर त्रास होणार नाही. लोडच्या गाड्या करायची गरज नाही, असं डेपो मॅनेजर सांगायचा असंही या महिला कर्मचाऱ्याने आपल्या तक्रारीत म्हटलं आहे.
अधिक पाहा..
Comments are closed.