विधानसभेला वडिलांच्या प्रचारामुळे चर्चेत; गोल्ड मेडलिस्ट, उद्योगपती ते पुण्यातील सर्वाधिक श्रीम

पुणे: पुणे महानगरपालिका निवडणुकीच्या अनुषंगाने शहरात घडामोडींना वेग आला होता, नाराजीनाट्य, चर्चा, बैठका, युती यामुळे पालिका चर्चा चांगलीच चर्चेत आली. त्यानंतर आता पुणे महानगरपालिकेच्या तोंडावर शहरात चर्चा सुरू आहे ती म्हणजे सर्वाधिक श्रीमंत उमेदवाराची (pune mahanagarpalika richest candidate) . या यादीमध्ये सर्वात पहिले नाव म्हणजे शरद पवारांच्या राष्ट्रवादीचे पुण्यातील उमेदवार बापु पठारे यांचे सुपूत्र आणि भाजपचे उमेदवार सुरेंद्र पठारे यांचं. निवडणुकीत प्रभाग क्रमांक ४ मधून भाजपने  सुरेंद्र पठारे यांना उमेदवारी दिली आहे. ते पुण्यातील सर्वाधिक श्रीमंत उमेदवार (pune mahanagarpalika richest candidate)  ठरले आहेत. त्यांनी उमेदवारी अर्जावेळी सादर केलेल्या प्रतिज्ञापत्रानुसार त्यांच्या कुटुंबाची एकूण मालमत्ता तब्बल २७१ कोटी ८५ लाख २१ हजार ८७७ रुपये इतकी आहे.(pune mahanagarpalika richest candidate)

सुरेंद्र पठारे यांनी त्यांच्या प्रतिज्ञापत्रात नमूद केल्याप्रमाणे, पठारे कुटुंबाच्या मालमत्तेमध्ये स्थावर मालमत्तेचा मोठा वाटा असून त्याचे मूल्य २१७ कोटी ९३ लाखांहून अधिक आहे. यामध्ये जमिनी, व्यावसायिक इमारती आणि निवासी मालमत्ता यांचा समावेश आहे. त्याचबरोबर सार्वजनिक वित्तीय संस्था व इतर देणी मिळून ४६ कोटी ५९ लाखांपेक्षा जास्त कर्ज त्यांच्यावर असल्याचेही नमूद करण्यात आलेले आहे. याशिवाय त्यांच्याकडे महागातील गाड्या देखील आहेत, बीएमडब्ल्यू, मर्सिडीज आणि इनोव्हा क्रिस्टा यांसारख्या आलिशान वाहनांचाही त्यांच्या मालमत्तेत समावेश आहे.

उच्चशिक्षित असलेले सुरेंद्र पठारे यांनी COEP मधून इंजिनिअरिंगचे शिक्षण पूर्ण केले असून ते गोल्ड मेडलिस्ट राहिले आहेत. शिक्षणानंतर त्यांनी विविध व्यवसायांमध्ये यशस्वी वाटचाल करत स्वतःची ओळख निर्माण केली. आता ते पहिल्यांदाच महानगरपालिकेच्या निवडणूक रिंगणात उतरले आहेत. विशेष म्हणजे, त्यांची पत्नी ऐश्वर्या पठारे या देखील प्रभाग क्रमांक ३ मधून भारतीय जनता पक्षच्या उमेदवार आहेत.

सुरेंद्र पठारे हे शरद पवारांच्या राष्ट्रवादी काँग्रेसचे आमदार बापू पठारे यांचे चिरंजीव आहेत.विधानसभा निवडणुकीमध्ये बापू पठारे यांच्या विजयामध्ये सुरेंद्र पठारे यांच्या नियोजनबद्ध प्रचाराचा मोठा वाटा होता, अशी चर्चा राजकीय वर्तुळात होती. काही दिवसांपूर्वीच सुरेंद्र पठारे यांनी भाजपमध्ये प्रवेश केल्यानंतर पुण्यात भाजपला आपला पाया आणखी भक्कम करता येईल अशी चर्चा होती.

दोन नंबरवरती दिवंगत आमदार रमेश वांजळे यांच्या कन्या सायली वांजळे

पुण्यातील सर्वांत श्रीमंत उमेदवारांच्या यादीत दुसरं नाव आहे खडकवासला विधानसभा मतदारसंघाचे दिवंगत आमदार रमेश वांजळे यांच्या कन्या सायली वांजळे यांचं,  कौटुंबिक मालमत्ता ७७ कोटी ६५ लाख रुपये आहे. तर दिवंगत खासदार गिरीश बापट यांच्या सूनबाई स्वरदा बापट यांची कौटुंबिक मालमत्ता ११ कोटी २२ लाख रुपये इतकी असल्याची माहिती समोर आली आहे. या पार्श्वभूमीवर, पुन्हा एकदा पुण्यातील सर्वाधिक श्रीमंत उमेदवार ठरल्याने सुरेंद्र पठारे हे राजकीय चर्चेच्या केंद्रस्थानी आले आहेत.

आणखी वाचा