पुणे : राज्यातील वाढती गुन्हेगारी आणि महिलांवरील अत्याचार मोठी गंभीर समस्या बनली असून पुणे शहरातील गुन्हेगारीही पोलिसांपुढे मोठं आव्हान बनलं आहे. त्यामुळे, पुणे पोलिसांकडूनही सातत्याने सतर्कता बाळगली जाते. आता, शहरातील पंचतारांकित हॉटेल बॉम्बने (Bomb) उडवायची धमकी देण्यात आल्याने एकच खळबळ उडाली होती. पुणे शहरातील कोरेगाव पार्कमधील प्रसिद्ध पंचतारांकित हॉटेल संदर्भात ही घटना घडली होती. हॉटेल रिकामे करा, हॉटेलमध्ये बॉम्ब ठेवलाय असा फोन हॉटेलच्या लँडलाईनवर आल्याने एकच धावपळ उडाली होती. पोलीस (Police) आणि बॉम्बशोधक पथकाने तात्काळ हॉटेलची तपासणी केल्यावर हा ‘फेक कॉल’ असल्याचे स्पष्ट झाले. त्यामुळे, हॉटेलमधील सर्व कर्मचारी आणि ग्राहकांनीही सुटकेचा निश्वास टाकला. दरम्यान, शुक्रवारी दुपारी 12.30 वाजण्याच्या सुमारास ही घटना घडली.
पोलिसांनी दिलेल्या माहितीनुसार , शुक्रवारी एका मोबाईल नंबरवरून पुण्यातील कोरेगाव पार्क भागात असलेल्या पंच तारांकित हॉटेलच्या अधिकृत लँडलाईन फोनवर कॉल आला. मोबाईलवरुन संबंधित व्यक्तीने “हॉटेलमध्ये बॉम्ब ठेवला आहे, तात्काळ हॉटेल रिकामे करा” अशी धमकी देण्यात आली होती. हॉटेल प्रशासनाने तात्काळ याची माहिती पोलिसांना दिली. अवघ्या काही वेळातच पोलीस आणि बॉम्ब शोधक व नाशक पथक हॉटेलवर दाखल झाले. हॉटेलची कसून तपासणी करण्यात आली. त्यानंतर हा खोटा व बनावट कॉल असल्याचे समोर आले, हा खोडसाळ प्रकार कोणी केला आणि का? याचा अधिक तपास पोलीस करत आहेत.
दरम्यान, हॉटेल व्यवस्थापनाला एका अज्ञात व्यक्तीने फोन करुन हॉटेल बॉम्बने उडवून देण्याची धमकी दिली होती. याप्रकरणी, पुण्यातील कोरेगाव पार्क पोलीस ठाण्यात अज्ञात व्यक्ती विरोधात गुन्हा दाखल करण्यात आला आहे. याप्रकरणी हॉटेलचे सिक्युरीटी मॅनेजर यांनी फिर्याद दिली आहे. त्यानुसार, कोरेगाव पार्क पोलीस ठाण्यात ९८३२२५२५१७ या मोबाईल क्रमांक धारकावर गुन्हा दाखल झाला आहे.
हेही वाचा
आणखी वाचा
Comments are closed.