मुलानेच केलं बापाचं अपहरण, मानेवर सुरा ठेवत मागितले एक लाख रुपये, रत्नागिरी हादरलं

रत्नागिरी : संगमेश्वर तालुक्यात बाप आणि मुलाच्या नात्याला काळीमा फसणारी घटना समोर आली आहे. 80 वर्षीय वडिलांचे पैशासाठी अपहरण (मुलगा अपहरण वडील) करणाऱ्या मुलाला चिपळूण पोलिसांनी गजाआड केलं? स्वतःच्या बापाचे अपहरण करून त्याने एक लाख रुपयांच्या खंडणीसाठी त्यांना जीवे मारण्याची धमकी दिली. श्रीकांत दत्तात्रय मराठे (वय 45, रा. चोरपऱ्या, ता. संगमेश्वर) असं मुलाचं नाव आहे. या घटनेने संपूर्ण जिल्हा हादरला आहे.

अपहरणाची ही घटना मंगळवारी, 14 ऑक्टोबर रोजी दुपारी 3.30 वाजता उघडकीस आली. मुलाने त्याच्या वडिलांचे पहाटेच्या सुमारास अपहरण केले. त्याने आपल्या जन्मदात्या वडिलांना पैशासाठी मानेवर सुरा ठेवून पळवून नेले. नंतर व्हॉटसअॅपवर हात-तोंड बांधलेला फोटो पाठवून एक लाख रुपयांची खंडणी मागितली.

या प्रकाराची देवरूख पोलीस ठाण्यात तक्रार त्याच्या आईने, सौ. सुनिता दत्तात्रय मराठे (वय 74) यांनी दाखल केली. त्यांच्या दिलेल्या फिर्यादीवरून संपूर्ण प्रकरणाचा धक्कादायक उलगडा झाला.

रत्नागीरी खंडणी प्रकरण: घटना कशी घडली?

मिळालेल्या माहितीनुसार, सेवानिवृत्त शिक्षक दत्तात्रय मराठे (वय 80) यांना पेन्शन मिळते. पैशाच्या मागणीवरून वारंवार वाद घालणारा मुलगा श्रीकांत याने सोमवार रात्री 11 वाजता घरातच गोंधळ घातला. आई आणि नातीसमोरच त्याने वडिलांच्या मानेवर सुरा ठेवला आणि धाक दाखवत त्यांना जबरदस्तीने टू-व्हिलरवर बसवून देवरुख शहरातील सह्याद्रीनगरच्या दिशेने पळून गेला. एक लाख रुपये द्या नाहीतर वडिलांना ठार मारतो अशी धमकी त्याने कुटुंबीयांना दिली.

मुलगा अपहरण वडील देवरुख केस: खंडणीचा फोटो आणि धमक्या

पहाटेपर्यंत काहीच संपर्क न झाल्याने कुटुंब चिंतेत होते. सकाळी नातीच्या मोबाईलवआणि अपहरण झालेल्या वडिलांच्या मोबाईलवरून व्हॉटसअॅप कॉल आला. त्यात वडिलांचा हात-पाय आणि तोंड प्लॅस्टिक टेपने घट्ट बांधलेला फोटो दिसला. श्रीकांतने त्या फोटोसोबत एक लाख रुपयC. खंडणी मागितली आणि नकार दिल्यास 'मी आता मागे हटणार नाही' अशी धमकी दिली.

रत्नागीरी ईxturetion प्रकरण: आईचे धाडस, पोलिसांचा तत्पर तपास

या घटनेनंतर आई सुनिता मराठे यांनी धाडस दाखवत थेट देवरूख पोलीस ठाणे गाठले आणि मुलाच्या विरोधात तक्रार दाखल केली. पोलिसांनी तत्पर कारवाई करत चिपळूण परिसरातून श्रीकांत मराठेला ताब्यात घेतले.

सध्या देवरूख पोलीस पुढील तपास करत असून, आरोपीवर खंडणी, अपहरण आणि जीवे मारण्याच्या धमकीचे गुन्हे दाखल करण्यात आले आहेत.

आणखी वाचा