सोशल मीडियावर माझ्या ‘त्या’ AI व्हिडीओंना 43 मिलिनय व्ह्यूज, प्रतिमा मलीन झाली; रुपाली चाकणकरां

रुपाली चाकणकर : सोशल मीडियावर व्हायरल होत असलेल्या काही व्हिडीओंमुळे माझी प्रतिमा मलीन होत आहे.  हे व्हिडीओ प्रत्येक राज्यात व्हायरल झाले आहेत. त्यामुळे आमच्या प्रतिष्ठेचे नुकसान होत आहे. याप्रकरणी न्यायालयाने हस्तक्षेप करावा, अशी मागणी अजित पवारांच्या राष्ट्रवादी काँग्रेसच्या (NCP) नेत्या रुपाली चाकणकर यांनी केली. रुपाली चाकणकर (Rupali Chakankar) यांनी दिल्ली उच्च न्यायालयात अशोक खरात प्रकरणात (Ashok Kharat Case) व्हायरल झालेल्या व्हिडीओसंदर्भात एक याचिका दाखल केली होती. या याचिकेवर शुक्रवारी सुनावणी पार पडली. आता या प्रकरणाची पुढील सुनावणी 23 जुलैला होणार आहे. (Maharashtra Politics news)

अशोक खरात प्रकरणात 100 महिलांचे लैंगिक शोषण झाले आहे. त्यावेळी माझ्या अशील महाराष्ट्र महिला आयोगाच्या अध्यक्ष होत्या. या प्रकरणानंतर माझ्या अशिलाने महिला आयोगाच्या अध्यक्षपदाचा राजीनामा दिला.  याप्रकरणात सोशल मीडियावर मोठ्या प्रमाणात एआय व्हिडीओ तयार करून व्हायरल करण्यात आले. या व्हिडीओंना 43 मिलियन व्ह्यूज मिळाले. प्रत्येक राज्यात हे व्हिडीओ व्हायरल केले आहेत, असे रुपाली चाकणकर यांच्या वकिलांनी सांगितले. या सुनावणीसाठी रुपाली चाकणकर स्वत: न्यायालयात उपस्थित होत्या. या प्रकरणातील प्रतिवादी असणाऱ्या पक्षाच्या वकिलांनी,  हे व्हिडीओ कुठं आहेत हे व्हिडीओ आम्हाला मिळाले नाहीत असा प्रतिवाद केला. यानंतर रुपाली चाकणकर यांच्या वकिलांच्यामार्फत AI व्हिडीओंना न्यायालयाला माहिती देण्यात आली. या व्हिडीओंमुळे आमच्या प्रतिष्ठेला नुकसान होते , असे रुपाली चाकणकर यांच्याकडून न्यायालाय सांगण्यात आले.  त्यावर या प्रकरणाची पुढील सुनावणी 23 जुलैला होईल, असे सांगितले.

नाशिकमधील भोंदूबाबा अशोक खरात याने दैवी शक्ती असल्याचा दावा करुन अनेक महिलांवर त्याच्या ऑफिसमध्ये लैंगिक अत्याचार केले होते. याचे सीसीटीव्ही फुटेज बाहेर आल्यानंतर एकच खळबळ उडाली होती. अशोक खरात हा रुपाली चाकणकर यांचा गुरु असल्याचे समोर आले होते.  रुपाली चाकणकर आणि अशोक खरात यांचे अनेक फोटो आणि मोबाईलवरील संभाषणाची माहिती समोर आली होती. या सगळ्यामुळे रुपाली चाकणकर आणि अजितदादा गटाची प्रचंड बदनामी झाली होती. त्यामुळे रुपाली चाकणकर यांनी सुनेत्रा पवारांना भेटून राज्य महिला आयोग अध्यक्षपद आणि राष्ट्रवादीच्या महिला प्रदेशाध्यक्षपदाचा राजीनामा दिला होता.

आणखी वाचा

रुपाली चाकणकरांनी धाडली नोटीस, ‘महाराष्ट्र एपस्टिन फाइल्स’ च्या दिग्दर्शकाची पहिली प्रतिक्रिया; म्हणाले, आमच्यावर दड’पण’

Deepali Sayyed On Rupali Chakankar: भोंदू खरातवरील सिनेमात लूकची प्रचंड चर्चा; रूपाली चाकणकरांना टीझर पाठवणार? दीपाली सय्यद स्पष्टच म्हणाल्या..