राहुल गांधींचे २० वर्षात ५४ विदेश दौरे, फंडींग कुठून आलं?खा. संबित पात्रांचा सवाल

Sambit Patra on Rahul Gandhi | सध्या देशभरात पंतप्रधान नरेंद्र मोदीनी केलेल्या आवाहनाची चर्चा सुरु आहे. मध्यपुर्वेतील युद्धजन्य स्थिती आणि उर्जेचा तुटवडा या मुद्द्यावर इंधनाचा वापर मर्यादित करा असे आवाहन पंतप्रधान मोंदींनी केले होते. त्यांच्या या आवाहनावर लोकसभेचे विरोधी पक्षनेते राहुल गांधी यांनी प्रचंड टीका केली होती. त्यांच्या याच टीकेचा धागा पकडत भाजप नेते संबित पात्रा यांनी राहुल गांधी यांना थेट प्रश्न करत निशाणा साधला आहे.

पत्रकार परिषदेत संबित पात्रा काय म्हणाले?

गुरुवारी नवी दिल्लीत झालेल्या पत्रकार परिषदेत भाजप खासदार संबित पात्रा यांनी राहुल गांधींच्या परदेश दौऱ्यांवर प्रश्नचिन्ह उपस्थित केले. ते म्हणाले की, भारतातील सर्वात मोठ्या विरोधी पक्षाचे मुख्य नेते राहुल गांधी जवळपास २२ वर्षांपासून खासदार आहेत. या २२ वर्षांत त्यांनी (राहुल गांधींनी) किती वेळा परदेश दौरा केला आहे, असा प्रश्न भाजप नेते खा. ,संबित पात्रा यांनी विचारला.

राहुल गांधींचा ५४ वेळा परदेश दौरा

संबित पात्रा म्हणाले की, आतापर्यंत जाहीर झालेल्या आणि सार्वजनिक केलेल्या माहितीनुसार, राहुल गांधींनी ५४ वेळा परदेश दौरे केले आहेत. राहुल गांधींनी भेट दिलेल्या देशांमध्ये अमेरिका, इटली, युनायटेड किंगडम, जर्मनी, व्हिएतनाम, कंबोडिया, सिंगापूर, बहरीन, मालदीव, कतार आणि संयुक्त अरब अमिराती यांचा समावेश आहे. ३ मे २०२६ रोजी पोस्ट केलेल्या आणि सोशल मीडियावर आलेल्या एका अघोषित दौऱ्याच्या फुटेजनुसार, राहुल गांधींनी मस्कत आणि ओमानलाही भेट दिली आहे.

राहुल गांधींनी माहिती लपवली?

या पत्रकार परिषदेत संबित पात्रा म्हणाले की, राहुल गांधी यांनी यापैकी बहुतेक दौरे अधिकृतपणे केले आहेत. यामध्ये पत्रकार परिषद दौरे, संसदीय कामकाज आणि छायाचित्रांचा समावेश आहे. हे सर्व सार्वजनिक दौरे आहेत, परंतु त्यासाठी मिळणारा निधी सार्वजनिक नाही. संबित पात्रा यांनी प्रश्न उपस्थित केला की, राहुल गांधींनी बरीच माहिती लपवली आहे का? परदेश दौऱ्यांवर जाण्यापूर्वी त्यांनी सरकारी परवानगी घेतली नाही. ते अनेकदा एसपीजीला टाळत असत. राहुल गांधी गुप्त दौऱ्यांवर जातात का? त्यांना परदेशी संस्थांकडून निधी मिळतो का?”

राहुल गांधींच्या संपत्तीवर पात्रांचा सवाल