फलटणमधील डॉक्टर तरूणी ‘त्या’ रात्री हॉटेलवर का गेली? कारण आलं समोर

सातारा : फलटण येथील उपजिल्हा रुग्णालयात कार्यरत असलेल्या डॉक्टर तरूणीच्या आत्महत्या प्रकरणात (satara phaltan doctor death) मोठी माहिती समोर आली आहे. या प्रकरणातील आरोपी प्रशांत बनकर आणि डॉक्टर तरूणी यांच्यात वाद झाल्यानंतर डॉक्टरने हॉटेलवर (satara phaltan doctor death) जाण्याचा निर्णय घेतला होता. मानसिक तणावात असलेल्या डॉक्टर तरूणीने हॉटेलवर गेल्यानंतर आत्महत्या केल्याची माहिती समोर आली आहे. डॉक्टर तरूणी ज्या ठिकाणी राहत होती, तिच्या फ्लॅटला लॉक लावल्याने तिने हॉटेलवर जाण्याचा निर्णय घेतल्याची माहिती एका वृत्तसंस्थेने  सूत्रांच्या हवाल्याने दिली आहे.(satara phaltan doctor death)

आरोपी प्रशांत बनकर याला पोलिसांनी काल (ता, २६) पहाटेच्या सुमारास अटक केली आहे. त्याच्या शोधासाठी पोलिसांची चार पथकं रवाना झाली होती. अखेर प्रशांत बनकर याला पोलिसांनी बेड्या ठोकल्या आहेत. तब्बल 24 तासांनी बनकर याला अटक केली आहे. तर या प्रकरणातील दुसरा एक आरोपी PSI गोपाळ बदने बनकरच्या अटकेनंतर रात्री उशिरा पोलिस ठाण्यात हजर झाला आहे.(satara phaltan doctor death)

Phaltan Doctor death: डॉक्टर तरूणी हॉटेलवर जाण्याअगोदर नेमकं काय घडलं?

मिळालेल्या माहितीनुसार, आरोपी प्रशांत बनकर यांच्या घरातील वरच्या मजल्यावरती डॉक्टर महिला राहत होती. महिला ज्या ठिकाणी राहत होती, तिच्या फ्लॅटला कुलूप लावल्याने अनर्थ घडला. आत्महत्येपूर्वी आरोपी प्रशांत बनकर आणि डॉक्टर तरूणी यांच्यामध्ये वाद झाला होता. या वादानंतर प्रशांत बनकरने तू आमच्या इथे राहायचं नाही आणि यायचं नाही असं म्हटल्याचं सांगितलं जातंय. ऐनवेळी कुठं जायचं म्हणून महिला डॉक्टरने लॉजवर राहण्याचा निर्णय घेतला. मानसिक तणावात असणाऱ्या डॉक्टर तरूणीने यासंदर्भात पीएसआय गोपाल बदने आणि प्रशांत बनकर यांना वारंवार कॉल केले होते, अशी माहिती माहिती एका वृत्तसंस्थेने  सूत्रांच्या हवाल्याने दिली आहे.

Phaltan Doctor death: वाद झाल्यानंतर नेमकं काय झालं?

गेल्या आठ महिन्यांपासून डॉक्टर तरूणी प्रशांत बनकरच्या घरात भाडेकरू म्हणून राहत होती. २३ तारखेला पहाटे १.३० वाजता महिला डॉक्टरने फलटण येथील मधूदीप हॉटेल मध्ये “चेक इन” केलं होतं. यावेळी डॉक्टरने हॉटेलची रूम २ दिवसांसाठी बुक केली होती. प्राथमिक तपासात हॉटेल मधुदीप येथे जात असताना डॉक्टर तरूणीसोबत कोणी नव्हतं. डॉक्टर, पीएसआय बदने आणि बनकर यांच्यात अनेक कॉल झाले. दिवसभरात दार न उघडल्यामुळे संशय आल्यामुळे २३ तारखेला संध्याकाळी ४ वाजता हॉटेल व्यवस्थापनाने दार उघडले त्यावेळी डॉक्टर तरूणीचा मृतदेह आढळला.

Phaltan Doctor death: फलटण महिला आत्महत्या प्रकरणातील आरोपीचा घटनाक्रम

– आत्महत्येला 36 तास उलटून गेले होते आरोपींचा शोध सुरू होता आरोपींचा सुगावा पोलिसांनाच लागत नसल्यामुळे उलट सुलट चर्चा सुरू झाल्या.
– शनिवारी सकाळी प्रशांत बनकर याला अटक करण्यात आली.
– त्यानंतर त्याला अतिरिक्त जिल्हा न्यायालयात हजर करण्यात आलं यावेळी पोलिसांकडून सात दिवसाची पोलीस कोठडी मागण्यात आली होती मात्र आरोपींच्या वकिलांच्या युक्तिवादामुळे त्याला चार दिवसांची पोलीस कोठडी मिळाली.
– शनिवारी संध्याकाळी 11च्या सुमारास उपनिरीक्षक गोपाल बदने हे स्वतःहून पोलिसांना शरण आला.
– गोपाल बदने याला वैद्यकीय तपासणीसाठी रात्री दीडच्या सुमारास उपजिल्हा रुग्णालयांमध्ये नेण्यात आलं.
– यावेळी मुख्य आरोपी पोलीस उपनिरीक्षक गोपाळ बदने याने एबीपी माझा बोलताना म्हटले आहे माझा कोर्टावर आणि कायद्यावर विश्वास आहे पोलीस प्रशासनावर देखील विश्वास आहे असं वक्तव्य गोपाल बदने यांनी केलं त्यानंतर त्यांना फलटण शहर पोलीस ठाण्यात ठेवण्यात आले.
– आज रविवारी गोपाल बदने याला सकाळी 11 नंतर कोर्टामध्ये पोलीस हजर करतील यामध्ये कोर्ट काय भूमिका घेणार हे देखील पाहणं महत्त्वाचं ठरणार आहे..
– महिला डॉक्टर आत्महत्या मधील दोन्हीही मुख्य संशयित आरोपी पोलिसांच्या ताब्यात आहेत.

Satara Crime News: नेमकं प्रकरण काय?

सरकारी रुग्णालयातील डॉक्टर तरूणीने एका हॉटेलमध्ये गळफास घेऊन आत्महत्या केली. ही घटना गुरुवारी रात्री साडेदहाच्या सुमारास घडली. या घटनेने संपूर्ण महाराष्ट्र हादरला आहे. आत्महत्येपूर्वी डॉक्टर तरूणीने स्वतःच्या हातावर ‘माझ्या मरण्याचे कारण पोलिस उपनिरीक्षक गोपाळ बदने असून, ज्याने चारवेळा माझ्यावर अत्याचार केला, तसेच प्रशांत बनकर याने चार महिने शारीरिक व मानसिक छळ केला,’ असे लिहून ठेवले आहे. याप्रकरणी फलटण शहर पोलिस ठाण्यात पोलिस उपनिरीक्षक गोपाळ बदने आणि प्रशांत बनकर यांच्यावर मानसिक व शारीरिक त्रास, तसेच लैंगिक अत्याचार गुन्हा दाखल झाला आहे. याप्रकरणी पोलिस अधिकाऱ्याला निलंबित केले आहे, दोन्ही आरोपींना अटक करण्यात आली आहे.

संबंधित महिला डॉक्टर फलटणमधील एका हॉटेलमध्ये राहत असलेल्या खोलीचा दरवाजा ठोठावूनही तो उघडला गेला नसल्याने कर्मचाऱ्यांना संशय आला. त्यांनी लगेच पोलिसांना याबाबत माहिती दिली. पोलिसांनी दरवाजा उघडून पाहिल्यानंतर महिलेने गळफास घेतल्याचे आढळून आले. फलटण शहर पोलिसांनी मृतदेह ताब्यात घेऊन पंचनामा करून उपजिल्हा रुग्णालयातवशवविच्छेदनासाठी पाठविला.

Satara Doctor Case: डॉक्टर तरुणी एक वर्षापासून बनकर यांच्या घरी राहत होती

तर फलटणमधील डॉक्टर तरुणीच्या आत्महत्या प्रकरणांमध्ये प्रशांत बनकर याला अटक करण्यात आली आहे. अटक केलेल्या प्रशांत बनकर यांच्या घरातील वरच्या खोलीत डॉक्टर तरूणीचं वास्तव्य होतं. या डॉक्टर तरुणीला शारीरिक आणि मानसिक त्रास दिल्याचा आरोप त्याच्यावरती करण्यात आला आहे. तर दुसरीकडे प्रशांत बनकर हा निर्दोष असल्याचा त्याच्या कुटुंबीयांकडून सांगण्यात आलं आहे. डॉक्टर तरुणी राहत असलेल्या रूमला सील करण्यात आले आहे. डॉक्टर तरुणी ज्या घरात राहत होती त्या घरातील तरुण प्रशांत बनकर याला ताब्यात घेण्यात आलं आहे. या सर्व प्रकरणात प्रशांत बनकरच्या भावाने एबीपी माझाशी बोलताना सांगितलं की, आत्महत्या केलेली डॉक्टर तरुणी ही गेल्या एक वर्षापासून बनकर यांच्या घरी राहत होती. माझा भाऊ पुण्याला असतो तो खूप कमी वेळा घरी येतो. याचा संपूर्ण तपास व्हावा. तपासात संपूर्ण बाबी समोर येतील. खरं काय आहे आणि खोटं काय आहे ते समजेल असं प्रशांत बनकरच्या भावाने म्हटलं आहे.

Satara Doctor Case: गोपाळ बदने याचं नाव देखील आम्ही कधी ऐकलं नाही

तर प्रशांत बनकरच्या आईने एबीपी माझाशी बोलताना सांगितलं की, माझ्या मुलाने त्या डॉक्टर तरुणीला कसलाही त्रास दिलेला नाही. हातावर पेनाने कोणी लिहिलं की डॉक्टर मॅडमनी लिहिलं याचा संपूर्ण तपास व्हावा. आम्हाला शंका आहे. डॉक्टर मॅडमनी आमच्या मुलाचं नाव कसं काय घेतलं. डॉक्टर मॅडम आमच्या मुलाला दादा म्हणायच्या तो इथे राहत पण नव्हता. तो फक्त शनिवारी रविवारी यायचा आणि कामाचा लोड असल्यामुळे तो इतर कोणत्याही गोष्टीत लक्ष देत नव्हता. गोपाळ बदने याचं नाव देखील आम्ही कधी ऐकलं नसल्याचं बनकरच्या आई-वडिलांनी म्हटलं आहे. आत्महत्या करण्याच्या आदल्या दिवशी सकाळी आम्ही त्यांना बघितलं होतं त्या मला सांगून गेल्या होत्या, काकू मी आधी राहत होते तिथे नाश्ता करण्यासाठी चालले आहे, असं त्यांनी मला सांगितलं. तिथेच त्यांनी दुसऱ्या ठिकाणी जेवण केलं होतं मी त्यांना फोन केला होता जेवायला कधी येता म्हणून, तर त्या मला म्हणाल्या दुसऱ्या एका काकूंनी मला जेवायला बोलावलं आहे. त्या गेल्या आठवड्यात जरा टेन्शनमध्ये दिसत होत्या, आम्ही त्यांना स्वतःहून विचारलं तर त्या कधी सांगत नव्हता. काही वेळाने त्या परत आधी सारख्या नॉर्मल असायच्या. या प्रकरणाची सखोल चौकशी व्हावी अशी मागणी बनकर परिवाराने केली आहे. तर आपला मुलगा निर्दोष असल्याचं त्यांनी म्हटलं आहे.

आणखी वाचा