वैभव सूर्यवंशीच्या खेळण्यावर बंदी? श्रीलंकेत जे घडलं त्यामुळे BCCI टेन्शनमध्ये; आयसीसी मोठी कार

वैभव सूर्यवंशी श्रीलंका अ ने भारत अ चा पराभव केला. आयर्लंड दौऱ्यापूर्वी श्रीलंकेत खेळत असलेला 15 वर्षीय युवा फलंदाज वैभव सूर्यवंशी सध्या एका मोठ्या वादात अडकला आहे. आयपीएल 2026 मधील वादळी कामगिरीमुळे चर्चेत आलेला वैभव यावेळी त्याच्या बॅटिंगमुळे नाही, तर मैदानावरील गैरवर्तनामुळे वादाच्या भोवऱ्यात सापडला आहे. श्रीलंका अ विरुद्धच्या सामन्यानंतर भारत अ संघाचा हा फलंदाज अडचणीत येण्याची शक्यता निर्माण झाली आहे. सामना संपल्यानंतर घडलेल्या एका घटनेमुळे त्याच्यावर शिस्तभंगाची कारवाई होण्याची दाट शक्यता आहे.

सुपर ओव्हरमधील पराभवानंतर वाढला तणाव

तिंरगा मालिकेतील या महत्त्वाच्या सामन्यात भारत अ संघाला विजयासाठी सुपर ओव्हरमध्ये 17 धावा करायच्या होत्या. मात्र, श्रीलंकेचा वेगवान गोलंदाज कुगाथास मथुलनच्या अचूक गोलंदाजीसमोर भारतीय संघाला 9 धावाच करता आल्या आणि भारताने हा सामना गमावला. वैभव सूर्यवंशीला सुपर ओव्हरच्या पहिल्या चेंडूवर स्ट्राईक मिळाली नव्हती. त्याने एकूण 3 चेंडूंचा सामना करत एक चौकार मारून 6 धावा केल्या, पण त्याचा हा प्रयत्न संघाला विजय मिळवून देण्यासाठी अपुरा ठरला.

🚨 वैभव सूर्यवंशी यांच्यावर ५ वर्षांची बंदी घालण्यात यावी 🚨

– वयाची फसवणूक करणारा वैभव सूर्यवंशी याने मैदानावरील श्रीलंकेच्या खेळाडूला खेळादरम्यान धक्काबुक्की केली.

– पूर्णपणे दयनीय वर्तन. खेळापेक्षा कोणताही खेळाडू मोठा नसतो. आयसीसीने त्याच्यावर कठोर कारवाई करावी. pic.twitter.com/1YoSpeK6KI

— अब्दुल्ला (@अब्दुल्लाहहह_५६) १५ जून २०२६

सामना संपताच श्रीलंकेचे खेळाडू सेलिब्रेशन करू लागले. याच दरम्यान वैभव सूर्यवंशी आणि त्याचा सहकारी खेळाडू सूर्यांश शेडगे मैदानातून बाहेर जात असताना, श्रीलंकेच्या गोटातून काहीतरी टिप्पणी करण्यात आली. यावर वैभव प्रचंड संतापला. टीव्ही कॅमेऱ्यात कैद झालेल्या दृश्यांनुसार, रागाच्या भरात वैभवने एका श्रीलंकन खेळाडूला धक्का दिला. यानंतर मैदानावरील वातावरण अचानक तापले आणि दोन्ही संघांचे खेळाडू समोरासमोर आले. मैदान सोडतानाही वैभव विरोधी संघाच्या खेळाडूंना इशारे करत आणि वाद घालत असल्याचे दिसून आले.

आयसीसी (ICC) कडून कोणत्या कारवाईचा धोका?

सध्या मॅच रेफ्री प्रदीप जयप्रगाश यांच्याकडून कोणतीही अधिकृत शिक्षा जाहीर करण्यात आलेली नाही. परंतु, क्रिकेटच्या नियमांनुसार जर या घटनेची गंभीर दखल घेतली गेली, तर वैभवला दंड, डिमेरिट पॉइंट्स किंवा निलंबन (बंदी) सारख्या मोठ्या कारवाईला सामोरे जावे लागू शकते.

क्रिकेटमध्ये खेळाडूंमधील शारीरिक वाद अत्यंत गंभीर मानला जातो. अशाच एका प्रकरणात 2024 च्या बॉर्डर-गावसकर ट्रॉफी दरम्यान विराट कोहलीला विरोधी खेळाडूशी भिडल्यामुळे लेव्हल-1 च्या उल्लंघनाचा दोषी मानले गेले होते. त्यावेळी त्याच्यावर मॅच फीच्या 20 टक्के दंड आणि एक डिमेरिट पॉइंट लावण्यात आला होता. परंतु, वैभवचे प्रकरण फक्त शाब्दिक वादापुरते मर्यादित नसून, व्हिडिओमध्ये त्याने खेळाडूला धक्का दिल्याचा स्पष्ट प्रकार समोर आला आहे. त्यामुळे त्याच्यावरील संभाव्य कारवाई अधिक कडक असू शकते.

काय सांगतो ICC चा नियम 2.12?

आयसीसीच्या आचारसंहितेचा Article 2.12 हा खेळाडू, सपोर्ट स्टाफ किंवा अंपायर यांच्याशी अयोग्य शारीरिक संपर्क साधण्याशी संबंधित आहे. या नियमांतर्गत, जाणूनबुजून किंवा निष्काळजीपणाने केलेला कोणताही शारीरिक संपर्क हा शिस्तभंगाच्या श्रेणीत येतो. कारवाई करताना मॅच रेफ्री हे पाहतात की, हा धक्का जाणूनबुजून दिला गेला होता का, तो टाळता येऊ शकला असता का, आणि त्यात किती ताकदीचा वापर केला गेला. या सर्व बाबी तपासूनच शिक्षेचे स्वरूप ठरवले जाते.

हे ही वाचा –

Vaibhav Sooryavanshi : मैदानात धक्काबुक्की, शिवीगाळ… पण बाहेर येताच वैभव सूर्यवंशीने कुणाचे पाय धरले? कोणीच न पाहिलेला Video समोर, नेमकं काय घडलं?