एशिया चषक 2025 साठी टीम इंडिया पथक: शुभमन गिलला आशिया कप 2025 साठी भारतीय संघात उपकर्णधार म्हणून घेण्यात आलं. मुंबईतील बीसीसीआय मुख्यालयात झालेल्या बैठकीनंतर मुख्य निवडकर्ता अजित आगरकर आणि टी20 संघाचा कर्णधार सूर्यकुमार यादव यांनी पत्रकार परिषद घेत संघाची घोषणा केली. अक्षर पटेललाही संघात स्थान मिळालं आहे. मात्र, त्यांच्याकडून उपकर्णधारपद काढून घेतल्याने माजी क्रिकेटपटू मोहम्मद कैफ नाराजी व्यक्त करत आहेत.
🚨 पहा #Teamindiaसाठी पथक #ASIACUP 2025 🔽 pic.twitter.com/3vppxyq5So
– बीसीसीआय (@बीसीसीआय) ऑगस्ट 19, 2025
गिलला उपकर्णधार बनवल्यानंतर दिग्गज संतापला…
यंदा इंग्लंडविरुद्धच्या 5 सामन्यांच्या टी20 मालिकेत अक्षर पटेल उपकर्णधार होता. भारताने ही मालिका 4-1 ने जिंकली होती. त्या मालिकेत अक्षरने 6 विकेट घेतले होते. दुसरीकडे शुभमन गिल गेल्या वर्षभरापासून टी20 आंतरराष्ट्रीय सामने खेळलेले नव्हता. मात्र, आशिया कपमधून त्याने पुनरागमन करताच त्याला उपकर्णधारपद देण्यात आलं. कैफला हे पसंत पडलं नाही. त्याने आशा व्यक्त केली की अक्षरला आधीच याची माहिती देण्यात आली असेल.
कैफने आपल्या ट्वीटमध्ये लिहिलं की, “मला आशा आहे की अक्षर पटेलला उपकर्णधारपद काढून घेण्याची माहिती आधीच दिली गेली असेल. असं नको की त्याला पत्रकार परिषदेत कळलं असेल. अक्षरची काहीही चूक नाही, त्यामुळे त्याला स्पष्टीकरण मिळणं आवश्यक आहे.”
मला आशा आहे की अक्सर पटेल यांना त्याच्या उप-कर्णधारातून आगाऊ काढून टाकण्याविषयी माहिती देण्यात आली आणि पत्रकार परिषदेतून त्यांना त्याबद्दल माहिती मिळाली नाही. अ‍ॅक्सरने कोणतीही चूक केली नाही म्हणून तो स्पष्टीकरणास पात्र आहे. @akshar2026
– मोहम्मद कैफ (@मोहममादकाइफ) ऑगस्ट 19, 2025
अक्षर पटेलची अलीकडची कामगिरी
अलीकडच्या काळात अक्षर पटेलची कामगिरी चांगली राहिली आहे. तो टी20 संघाचा महत्त्वाचा खेळाडू मानला जातो. केवळ गोलंदाजी आणि फलंदाजीच नव्हे, तर उत्कृष्ट क्षेत्ररक्षणामुळेही तो संघात स्थान पक्का करतो. 2024 च्या टी20 वर्ल्ड कपमध्ये भारताला विजेतेपद मिळवून देण्यात त्याचा मोलाचा वाटा होता. इंग्लंडविरुद्धच्या उपांत्य सामन्यात त्याने 4 षटकांत 23 धावांत 3 गडी बाद केले आणि ‘मॅन ऑफ द मॅच’ ठरला होता.
तसंच अंतिम सामन्यात दक्षिण आफ्रिकेविरुद्ध त्याने अवघ्या 31 चेंडूत 47 धावा करून भारताला मजबूत स्थितीत नेलं होतं. त्या शानदार कामगिरीनंतर त्याला टी20 संघाचा उपकर्णधार नेमण्यात आलं. पण शुभमन गिलच्या पुनरागमनानंतर त्याच्याकडून हे पद काढून घेण्यात आलं.
आशिया कपमधील भारताचे वेळापत्रक
10 सप्टेंबर – विरुद्ध यूएई (दुबई)
14 सप्टेंबर – विरुद्ध पाकिस्तान (दुबई)
19 सप्टेंबर – विरुद्ध ओमान (अबू धाबी)
आशिया कप 2025 साठी भारतीय संघ – (Team India Squad For Asia Cup 2025)
फलंदाज : सूर्यकुमार यादव (कर्णधार), शुभमन गिल (उपकर्णधार), अभिषेक शर्मा, तिलक वर्मा, रिंकू सिंग.
अष्टपाई: हार्दिक पांड्या, शिवम दुबे, क्षरा पटेल.
यष्टिरक्षक : संजू सॅमसन, जितेश शर्मा.
गोलांडज: जसप्रीत बुमराह, वरुना चक्रवर्ती, अर्शदिप सिंह, कुलदीप यादव, हर्षित राणा.
हे ही वाचा –
आणखी वाचा
Comments are closed.