मथुरा येथील चित्रगुप्त पीठाने श्रीकृष्ण जन्मभूमीसाठी 6 डिसेंबर रोजी कारसेवेची घोषणा केली आहे. सच्चिदानंद महाराजांनी श्रीकृष्ण जन्मभूमी येथे ठाकूरजींना अन्नदान करण्याची योजनाही जाहीर केली. या घोषणेनंतर कायदा व सुव्यवस्था राखण्यासाठी प्रशासनाने विशेष सुरक्षा व्यवस्था केली आहे. मुख्यमंत्री योगी आदित्यनाथ यांनी कारसेवेसाठी परवानगी दिली असल्याचे चित्रगुप्त पीठाधीश्वर स्वामी सच्चिदानंद महाराजांनी सांगितले. त्यांना श्रीकृष्णासाठी एक भव्य मंदिर बांधायचे आहे. मंदिरासाठी संत पुढील महिन्यात म्हणजेच सप्टेंबरमध्ये जन्मभूमीकडे कूच करतील.
श्रीकृष्ण जन्मभूमी कारसेवेच्या घोषणेनिमित्त उत्तर प्रदेशातील मथुरा येथील चित्रगुप्त पीठात एका धार्मिक कार्यक्रमाचे आयोजन करण्यात आले आहे. मथुरेत श्रीकृष्ण जन्मभूमी मंदिराच्या बांधकामासाठी आणलेल्या दगडांची पूजा आणि हवन विधी रविवारी सकाळी 10 वाजण्याच्या सुमारास चित्रगुप्त पीठ आश्रमात सुरू झाला. हे गुलाबी दगड राजस्थानहून आणण्यात आले होते. आज एक विशेष यज्ञ सुरू झाला असून मंदिराचे बांधकाम पूर्ण होईपर्यंत तो सुरू राहील, असे चित्रगुप्त पीठाधीश्वर स्वामी सच्चिदानंद महाराजांनी सांगितले.
Comments are closed.