दरम्यान, राष्ट्रवादी काँग्रेसचे ज्येष्ठ नेते आणि अन्न व नागरी पुरवठा मंत्री छगन भुजबळ आणि ज्येष्ठ नेते आणि वैद्यकीय शिक्षण मंत्री हसन मुश्रीफ यांनी मंगळवारी मुख्यमंत्री देवेंद्र फडणवीस यांना लेखी निवेदन दिले होते.
या अनुषंगाने बुधवारी, 15 जुलै रोजी सामान्य प्रशासन विभागाने याबाबतचे अधिकृत परिपत्रक जारी केले असून, यासोबतच अजितदादांच्या जनसेवा आणि महाराष्ट्राच्या विकासातील योगदानाचा गौरव राज्य सरकारने केला आहे.
परिपत्रकात दिलेल्या माहितीनुसार दिवंगत अजितदादा पवार यांची जयंती 22 जुलै 2026 (बुधवार) रोजी राज्यभरात साजरी करण्यात येणार आहे. या दिवशी मंत्रालयांसह राज्यातील सर्व शासकीय, निमशासकीय कार्यालयांमध्ये दादांच्या छायाचित्राला पुष्प अर्पण करून आदरांजली वाहण्यात येणार आहे. याशिवाय सर्व शाळा, महाविद्यालयांमध्ये त्यांची जयंतीही साजरी करण्यात येणार आहे.
विभागीय आयुक्त आणि जिल्हाधिकाऱ्यांना आपापल्या क्षेत्रातील सर्व यंत्रणांमध्ये या कार्यक्रमाचे योग्य नियोजन करून अंमलबजावणी करण्याच्या सूचना देण्यात आल्या आहेत.
29 डिसेंबर 2025 आणि 31 डिसेंबर 2025 च्या शासकीय राजपत्रात दिलेल्या सूचनेनुसार 2026 मधील राष्ट्रीय वीर/महान व्यक्तींच्या जयंती आणि राष्ट्रीय दिनाच्या कार्यक्रमांच्या आयोजनाबाबत सर्व शासकीय/उपशासकीय कार्यालयांना कळविण्यात आले आहे. दिवंगत अजित अनंतराव पवार यांचा 2020-2020 2020 या वर्षात नव्याने आयोजित कार्यक्रमात समावेश करण्यात आला आहे.
Comments are closed.