सोने दराच्या घसरणीला ब्रेक, चांदीच्या दरात 1745 रुपयांची वाढ, जाणून घ्या सोने चांदीचे नवे दर

नवी दिल्ली : सोने आणि चांदीचे दर गेल्या काही दिवसांपासून घसरण सुरु होती. आज सोने आणि चांदीचे दर वाढले आहेत. चांदीचे दर 1745 रुपयांनी वाढले आहेत.तर, सोन्याच्या दरात किरकोळ वाढ झाली. 24 कॅरेट सोन्याचे दर 8 ऑगस्टच्या उच्चांकापेक्षा स्वस्त आहे. 8 ऑगस्टला 24 कॅरेट सोन्याचा दर 101406 रुपये प्रति तोळा होता. त्यानंतर त्याच्यामध्ये 2440 रुपयांची घसरण झाली आहे. जीएसटीसह 24 कॅरेट सोन्याचा दर 101934 रुपये तोळा आहे.

24 कॅरेट सोन्याच्या दरात 20 रुपयांची वाढ झाली आहे. चांदीचा दर 112939 रुपये किलोवर पोहोचला आहे. जीएसटीसह चांदीचा दर 116327 रुपये किलोवर आहे. आयबीजेएनुसार बुधवारी चांदीचा जीएसटीशिवायचा दर 111194 रुपये प्रति किलो आहे. सोन्याचा दर 98946 रुपये 10 ग्रॅम आहे.

23 कॅरेट सोन्याचा दर : आज 23 कॅरेट सोन्याच्या दरात देखील 20 रुपयांची वाढ झाली असून सोनं 98570 रुपयांवर पोहोचलं आहे. जीएसटीसह एका तोळ्याचा दर 101527 रुपये झाला आहे. हे मेकिंग चार्जशिवायचा दर आहे.

22 कॅरेट सोन्याच्या दरात 18 रुपयांची वाढ झाली आहे. 22 कॅरेटचा एका तोळ्याचा दर 90653 रुपये असून जीएसटीसह हा दर 93372 रुपये इतका आहे.

18 कॅरेट सोन्याचा दर प्रति तोळा 15 रुपयांनी वाढला आहे. एक तोळे सोन्याचा दर 15 रुपयांनी वाढून 74222 रुपयांवर पोहोचला, जीएसटीसह हा दर 76325 रुपयांवर पोहोचला आहे.

2025 मध्ये सोन्याच्या दरात 23226 रुपयांची वाढ झाली तर चांदीच्या दरात 26922 रुपयांची वाढ झाली आहे. 31 डिसेंबरला एका तोळ्याचा सोन्याचा दर 75740 रुपये तर चांदीचा एक किलोचा दर 86017 रुपये होते.

देशातील 10 शहरातील सोन्याचा दर

नवी दिल्ली आणि लखनौ मध्ये 22 कॅरेट सोन्याचा दर 92450 रुपये आहे, तर 24 कॅरेट सोन्याचा दर 100900 रुपये इतका आहे. तर,हैदराबाद, कोलकाता, पुणे, मुंबईबंगळुरु, चेन्नईमध्ये 22 कॅरेट सोन्याचा दर 92300 रुपये आहे, तर 24 कॅरेट सोन्याचा दर 100750 रुपये इतका आहे. इंदौर, अहमदाबाद मध्ये 22 कॅरेट सोन्याचा दर 92350 रुपये आहे, तर 24 कॅरेट सोन्याचा दर 100800 रुपये इतका आहे.

आणखी वाचा