गोंडिया क्राइम न्यूज: ‘आरटीओ ई-चालान’वर क्लिक करताच बँक खात्यातून तब्बल 5 लाख रुपये उडाल्याचे कार्यक्रम भंडारा शहरात घडली आहे. आरटीओच्या नावाने बनावट ई-चालान पाठवून नागरिकांना लुटण्याचा सायबर लुटारूंनी नवा फंडा अवलंबला असल्याचे यातून समोर आलं आहे? परिणामीपैशाचे व्यवहार करताना सुरक्षित वेबसाईटवरूनच करा, असे आवाहन पोलीस अधीक्षक गोरख भामरे यांनी नागरिकांना केलं आहे?
लिंक उघडताच मोबाइल हॅक; काही क्षणातच 5 लाख रुपये ऑनलाइन ट्रान्सफर
गोंदिया शहरातील सराफा लाइन, दुर्गा चौक येथे राहणारे विवेक अग्रवाल (वय 49) या सराफा व्यापाऱ्याच्या खात्यातून तब्बल 5 लाख रुपये ऑनलाइन ट्रान्सफर करून सायबर फसवणुकीचा प्रकार उघडकीस आला आहे. अग्रवाल यांच्या मोबाइलवर ‘आरटीओ ई-चालान एपीके’ या नावाची लिंक आली. त्यांनी ती लिंक उघडताच मोबाइल हॅक झाला. काही क्षणातच त्यांना एचडीएफसी बँक गोंदिया शाखेतील त्यांच्या चालू खात्यातून 5 लाख रुपये आयएमपीएसद्वारे काढण्यात आल्याचा मेसेज आला. बँकेत चौकशी केली असता, संबंधित रक्कम ओडिशा राज्यातील पुरी शहरातील एचडीएफसी बँकेच्या खात्यावरून ट्रान्सफर झाल्याचे स्पष्ट झाले. त्यानंतर अशुतोष नायक नावाच्या व्यक्तीने दुपारी 3.37 वाजता चेकद्वारे संपूर्ण रक्कम विड्रॉल केली असल्याचे नोंदीत दिसून आले.
पोलिसांचे नागरिकांना आवाहन
या घटनेनंतर अग्रवाल यांनी त्वरित बँकेला माहिती दिली व पोलिसांत तक्रार नोंदवली. सायबर फसवणुकीच्या या गंभीर प्रकारामुळे व्यापाऱ्यांमध्ये चिंता पसरली आहे. या फसवणुकीबाबत अग्रवाल यांनी पोलिसांत तक्रार दाखल केली आहे. शहर पोलिसांनी भारतीय न्याय संहिता 2023 कलम 318 (4) व माहिती तंत्रज्ञान कायदा कलम 66 (डी) अंतर्गत गुन्हा नोंदविला आहे. तर नागरिकांनी पैशाची व्यवहार करत असताना सुरक्षित ॲप किंवा वेबसाईटवरून व्यवहार करावे, असे आवाहन देखील त्यांनी नागरिकांना केले आहे.
खड्ड्यात बुडून तरुणाचा मृत्यू, भंडाऱ्याच्या मच्छेरा गावातील घटना
घरी असलेल्या पाळीव जनावरांसाठी चारा आणायला गावातील शेतशिवारात गेलेल्या तरुणाचा खड्ड्यात बुडून मृत्यू झाला. ही घटना भंडाऱ्याच्या सिहोरा पोलीस ठाण्याच्या हद्दीतील मच्छेरा गावात घडली. विशाल धावडे (28) असं मृत तरुणाचं नावं आहे. मच्छेरा गावाच्या हद्दीत डांबर प्लांट लावण्यात आला आहे. या प्लांटच्याजवळ कृत्रिम खड्डा खोदण्यात आल्यानं तिथं पावसाचं पाणी साचलं असून खड्ड्यांचा अंदाज नसल्यानं विशालचा त्यातील पाण्यात बुडून मृत्यू झाला. सिहोरा पोलीस अधिक तपास करीत आहे.
हेही वाचा
आणखी वाचा
Comments are closed.