शीतल तेजवानी आणि दिग्विजय पाटीलवर ‘त्या’ प्रकरणात गैरसमजुतीने गुन्हे, पुणे पोलिसांचा अजब कारभार

पुणे : पार्थ पवार (Parth Pawar) यांच्या कंपनीसाठी पुण्यातील (Pune) मुंढवा येथील 40 एकर जमीन अनियमितपणे खरेदी केल्याचा धक्कादायक प्रकार उघडकीस आल्यानंतर संबंधित प्रकरणी गुन्हा दाखल करण्यात आला आहे. विशेष म्हणजे याप्रकरणी उच्च पातळी समिती नेमण्यात आली असून महिनाभरात या प्रकरणाचा सखोल तपास करण्यात येणार आहे. तत्पूर्वी आता पुणे पोलिसांनी जमीन घोटाळ्याप्रकरणी दाखल केलेल्या गुन्ह्यातील आरोपी शीतल तेज आणि दिग्विजय पाटील यांना बोपोडी जमीन घोटाळ्यात स्वच्छ चीट दिली आहे. गैरसमजुतीतून बोपोडी प्रकरणात त्यांची नावे गुन्ह्यात नोंद करण्यात आल्याचं पोलिसांनी (पोलीस) म्हटलं आहे. त्यामुळे, पोलिसांचा अजब कारभारही चव्हाट्यावर आला आहे.

पुण्यातील बोपोडीतील जमीन घोटाळा प्रकरणात शीतल तेज आणि दिग्विजय पाटील यांचा संबंध नसल्याच पुणे पोलीसांनी जाहीर केलं आहे. गैरसमजुतीतून त्यांची नावे गुन्ह्यात नोंद करण्यात आल्याचं पुणे पोलिसांनी म्हातले. त्यामुळे, या जमीन घोटाळ्यातील नेमकं आरोपी किंवा चुका करणार कोण? असा प्रश्न आता उपस्थित होत आहे. दरम्यान, पुणे पोलिसांकडून जरी शीतल तेज आणि दिग्विजय पाटील यांना स्वच्छ चीट देण्यात आली आहे. मात्र मुंढवा इथल्या जमीन घोटाळ्यात शीतल तेज आणि दिग्विजय पाटील यांची चौकशी करण्यात येईल, असेही पोलिसांनी म्हटलं. आतापर्यंत किंवा जमीन घोटाळ्यतील आरोपींना अटक का करण्यात आलेली नाही या प्रश्नावर पुणे पोलीसांनी कागदपत्रे तपासासाठी मागवली आहेत एवढंच उत्तर दिलय.

पुण्यातील मुंढवा इथल्या जमीन व्यवहाराबद्दल आधी पिंपरी चिंचवड पोलीस आयुक्तालयाच्या अंतर्गत येणाऱ्या बावधन पोलीस ठाण्यात दिग्विजय पाटील, शीतल मेजवानी आणि रविंद्र तरू या़ंच्या विरोधात गुरुवारी गुन्हा दाखल करण्यात आला होता. दुसऱ्या दिवशी म्हणजे शुक्रवारी पुणे पोलिसांनी देखील यात उडी घेत नऊ जणांविरोधात गुन्हा दाखल केला होता‌. पुणे पोलिसांनी दाखल केलेला गुन्हा बोपोडी आणि मुंढवा या दोन जमीन घोटाळ्यांची संबंधित असल्याचं पुणे पोलिसांचं म्हणणं होतं. मात्र, आता या यातील फक्त मुंढव्याच्या प्रकरणात शीतल तेज आणि दिग्विजय पाटील यांची चौकशी होईल, असं पुणे पोलिसांनी सांगितलं आहे. पुणे पोलीस आर्थिक गुन्हे शाखेचे पोलीस उपायुक्त विवेक मासाळ यांनी याबाबत माहिती दिली. त्यामुळे, गुन्हा दाखल करणारे पोलीसच आता गैरसमजुतीचं कारण पुढे करत असल्याने पोलिसांच्या कारभारावरच प्रश्नचिन्ह उपस्थित होत आहे.

पार्थ पवार जमीन प्रकरण नेमकं काय? (Parth Pawarपुणेजमीन घोटाळा)

1800 कोटींची जमीन पार्थ पवारांच्या कंपनीने केवळ 300 कोटींमध्ये घेतली तसंच यासाठी स्टँप ड्युटी म्हणून केवळ 500 रूपये मोजल्याचा आरोप करण्यात आला होता. महत्वाचं म्हणजे पार्थ पवारांनी कोरेगाव पार्कात आयटी पार्क आणि डेटा सेंटर उभारण्याची तयारीही चालवली, एक लाखाचे भांडवल असलेल्या कंपनीला हे कसे काय शक्य होते, असा सवालही या निमित्ताने विरोधकांकडून उपस्थित केला. या व्यवहारासाठी उद्योग संचालनालयाने 48 तासात स्टॅम्प ड्युटीही माफ केली, तर केवळ 27 दिवसांत हा व्यवहार झाला होता. हे प्रकरण माध्यमांमध्ये आल्यानंतर संबंधित व्यवहार रद्द करण्यात आल्याची माहिती उपमुख्यमंत्री तथा पार्थ पवार यांचे वडिल अजित पवार यांनी माध्यमांसमोर येऊन दिली होती. दरम्यान, या प्रकरणावरुन राजकीय वातावरण चांगलंच तापल्याचं दिसून आलं.

बोपोडी जमीन प्रकरण काय?

बोपोडीतील साडेपाच हेक्टर जागेचं प्रकरण आहे.

राज्य सरकारच्या कृषी खात्याची ही जमीन आहे

याप्रकरणी नऊ जणांच्या विरोधात गुन्हा दाखल करण्यात आलाय. त्यामधे तहसीलदार सूर्यकांत येवले आणि दिग्विजय पाटील यांच्यासह हेमंत गावंडे या बांधकाम व्यावसायिकांचा देखील समावेश आहे. गावंडे यांच्या व्हीजन प्रॉपर्टीज आणि अमेडीया कंपनीने राज्य सरकारची एग्रीकल्चर डीपार्टमेंटची साडेपाच हेक्टर जागा हडपण्याचा प्रयत्न केल्याचा आरोप आहे.

हे तेच हेमंत गावंडे आहेत ज्यांनी एकनाथ खडसेंच्या भोसरी जमीन घोटाळ्यात व्हीसल ब्लोअरची भुमिका बजावली होती, ज्यामुळे खडसेंना राजीनामा द्यावा लागला होता‌.

मुंढवा जमीन प्रकरण काय?

मुंढवा जमीन प्रकरण हे 40 एकर जागेचं आहे.

ही जागा आधी महार वतन, मग राज्य सराकर आणि त्यानंतर  केंद्र सरकारच्या बोटॅनिकल गार्डनला दिली.

ही 1800 कोटीची जमीन पार्थ पवार यांच्या कंपनीला 300 कोटींमध्ये 500 रुपयांच्या स्टॅम्प ड्युटीवर दिली.

मुंढवा भागातील 40 एकर जागा ज्यांना वतन म्हणून देण्यात आली होती त्यांच्या वंशजांकडून शीतल तेजवानीने पॉवर ऑफ एटरनी मिळवली होती आणि त्यानंतर ती जागा पार्थ पवार यांच्या अमेडीया कंपनीला विकण्यात आली.

हेही वाचा

शरद पवारांची ‘ती’ गुगली अन् अजिंक्य नाईक बनले एमसीए निवडणुकीच्या मैदानात चॅम्पियन, इनसाईड स्टोरी

आणखी वाचा