अकलूजची 99वर्षाची सत्ता उलटविण्यासाठी मोहिते पाटील अन् भाजप आमने-सामने; राष्ट्रवादीची वेगळी चूल

सोलापूर : सातत्याने 99 वर्ष अकलूज ग्रामपंचायत आणि परिसरावर एक हाती सत्ता ठेवणाऱ्या मोहिते पाटील यांना भाजपने नगरपालिका निवडणुकीत आवाहन दिलं असून, महायुतीतील (MahaYuti)अजित पवार (Ajit Pawar) यांच्या राष्ट्रवादीने ही अकलूजमध्ये (Akluj) वेगळी चूल मांडल्याने मोहिते पाटील यांनाही निवडणूक सोपी बनली आहे. अकलूज म्हणजे मोहिते पाटील हे समीकरण गेल्या अनेक दशकापासून महाराष्ट्रात ओळखल जाते.

याच अकलूज ग्रामपंचायतची नगरपालिका झाली असून यंदा ही पहिलीच निवडणूक होत आहे. मोहिते पाटील यांना आव्हान देण्यासाठी यंदा भाजपने चांगलीच कंबर कसली असून पालकमंत्री जयकुमार गोरे (Jaykumar Gore) यांनी कमळ चिन्हावर अकलूज नगरपालिका नगराध्यक्ष आणि 26 नगरसेवक पदासाठी निवडणूक लढविली जाणार असल्याचे जाहीर केले आहे.

अजितदादांच्या राष्ट्रवादीची वेगळी चूल, अकलूजमध्ये तिरंगी लढत

अशातचभयमुक्त अकलूज आणि अकलूजचा विकास या मुद्द्यावर ही निवडणूक लढविणार असल्याचे पालकमंत्री जयकुमार गोरे सांगत आहेत. मात्र महायुतीतील जोडीदार असणाऱ्या अजित पवार यांच्या राष्ट्रवादी काँग्रेसने एक मास्टर स्ट्रोक खेळत मोहिते पाटील यांचे विरोधक डॉ. धवलसिंह मोहिते पाटील यांच्या कुटुंबाला पक्षात प्रवेश देत घड्याळ चिन्हावर अकलूज नगर पालिकेची निवडणूक लढविण्याचे घोषित केले आहे. त्यानुसार त्यांनी नगराध्यक्ष पदाचा उमेदवार देखील जाहीर केल्याने आता अकलूज मध्ये तिरंगी लढत होणार आहे.

अकलूज आणि परिसरावर मोहिते पाटलांची सलग 99 वर्ष एक हाती

अकलूज आणि परिसरावर सलग 99 वर्ष एक हाती सत्ता अबाधित ठेवणाऱ्या मोहिते पाटलांना त्यामुळे ही निवडणूक सोपी बनली जाणार असून विरोधकांची मते विभागली जाणार आहेत. मोहिते पाटील यांच्याकडून राष्ट्रवादी शरद पवार गटाचे खासदार धैर्यशील मोहिते पाटील हे अकलूज सह जिल्ह्यात महाविकास आघाडीची सत्ता आणण्यासाठी प्रयत्न करीत असून त्यांच्यासाठी आता अकलूजची निवडणूक खूप सोपी बनली आहे.

अकलूज मध्ये सत्ता परिवर्तनासाठी माजी आमदार राम सातपुते यांनी माने पाटील आणि माने देशमुख असे मोहिते पाटलांचे विरोधक भाजपमध्ये आणत आव्हान निर्माण करण्याचा प्रयत्न सुरू केला आहे. अकलूज येथील व्यापारी डॉक्टर आणि सर्वांना भयमुक्त वातावरण देण्याचे आश्वासन भाजप देत आहे. त्यामुळे अकलूज नगरपालिकेची पहिली निवडणूक आरोप प्रत्यारोप आणि मोहिते विरुद्ध पालकमंत्री जयकुमार गोरे अशी रंगणार आहे.

इतर महत्वाच्या बातम्या

आणखी वाचा