पहिल्या सामन्यात शतक, आज रोहित अन् विराट पुन्हा मैदानात उतरणार, सामना कधी-कुठे खेळवला जाणार?, A

विजय हजारे ट्रॉफी 2025-26 लाइव्ह स्ट्रीमिंग: विजय हजारे ट्रॉफी 2025-26 च्या दुसऱ्या फेरीचे सामने आज खेळले जात आहेत. पुन्हा एकदा भारतीय क्रिकेटमधील दोन दिग्गज रोहित शर्मा (Rohit Sharma) आणि विराट कोहली (Virat Kohli) या स्पर्धेत खेळताना दिसतील. पहिल्या सामन्यात रोहित शर्मासह विराट कोहलीने देखील शतक झळकावले होते. त्यामुळे दुसऱ्या फेरीतील सामन्याकडेही आता सगळ्यांचं लक्ष लागलं आहे.

पहिल्या फेरीत मुंबईकडून खेळताना, रोहित शर्माने सिक्कीमविरुद्ध 237 धावांच्या लक्ष्याचा पाठलाग करताना 155 धावा केल्या. दिल्लीकडून खेळणाऱ्या विराट कोहलीने आंध्र प्रदेशविरुद्ध 299 धावांच्या लक्ष्याचा पाठलाग करताना 101 चेंडूत 131 धावा केल्या, ज्यामध्ये 14 चौकार आणि 3 षटकारांचा समावेश होता.

रोहित आणि विराट आज कधी आणि कुठे खेळतील? (Virat Kohli)

दुसऱ्या फेरीत, विराट कोहलीचा दिल्ली संघ गुजरातविरुद्ध खेळेल. हा सामना बंगळुरूमधील बीसीसीआय सेंटर ऑफ एक्सलन्स ग्राउंड-१ येथे खेळला जाईल. रोहित शर्माचा मुंबई संघ जयपूरमधील सवाई मानसिंग स्टेडियमवर उत्तराखंडविरुद्ध खेळेल. दोन्ही सामने सकाळी 9 वाजता (IST) सुरू होतील आणि टॉस सकाळी 8.30 वाजता होणार आहे.

रोहित-विराट सामना लाईव्ह पाहता येईल? (Vijay Hazare Trophy 2025-26)

विराट कोहली आणि रोहित शर्मा यांच्यातील दुसऱ्या फेरीच्या सामन्यांचे लाईव्ह टेलिकास्ट आणि लाईव्ह स्ट्रीमिंग उपलब्ध होणार नाही. विजय हजारे ट्रॉफीच्या या फेरीत, सर्व 38 संघ एकाच दिवशी त्यांचे सामने खेळत आहेत. बीसीसीआयने फक्त दोन ठिकाणी प्रक्षेपणाची व्यवस्था केली आहे – अहमदाबादमधील नरेंद्र मोदी स्टेडियम आणि राजकोटमधील निरंजन शाह स्टेडियम. परिणामी, दिल्ली आणि मुंबईचे सामने टीव्ही किंवा डिजिटल प्लॅटफॉर्मवर दाखवले जाणार नाहीत.

दुसऱ्या फेरीतील संपूर्ण सामन्यांची यादी- (Vijay Hazare Trophy 2025-26)

गट अ-

मध्य प्रदेश विरुद्ध तामिळनाडू (सकाळी ९:००) – गुजरात कॉलेज ग्राउंड, अहमदाबाद
झारखंड विरुद्ध राजस्थान (सकाळी ९:००) – नरेंद्र मोदी स्टेडियम, अहमदाबाद
पुदुच्चेरी विरुद्ध त्रिपुरा (सकाळी ९:००) – एडीएसए रेल्वे ग्राउंड, अहमदाबाद
कर्नाटक विरुद्ध केरळ (सकाळी ९:००) – नरेंद्र मोदी स्टेडियम ब, अहमदाबाद

गट ब-

चंदीगड विरुद्ध उत्तर प्रदेश (सकाळी ९:००) – सनोसरा ग्राउंड अ, राजकोट
आसाम विरुद्ध जम्मू आणि काश्मीर (सकाळी ९:००) – निरंजन शाह स्टेडियम, राजकोट
बडोदा विरुद्ध बंगाल (सकाळी ९:००) – निरंजन शाह स्टेडियम क, राजकोट
हैदराबाद विरुद्ध विदर्भ (सकाळी ९:००) – सनोसरा ग्राउंड ब, राजकोट

गट क-

गोवा विरुद्ध हिमाचल प्रदेश (सकाळी ९:००) – जयपुरिया विद्यालय ग्राउंड, जयपूर
मुंबई विरुद्ध उत्तराखंड (सकाळी ९:००) – सवाई मानसिंग स्टेडियम, जयपूर
छत्तीसगड विरुद्ध पंजाब (सकाळी ९:००) – अनंतम ग्राउंड, जयपूर
महाराष्ट्र विरुद्ध सिक्कीम (सकाळी ९:००) – केएल सैनी ग्राउंड, जयपूर

गट डी-

हरियाणा विरुद्ध सौराष्ट्र (सकाळी ९:००) – केएससीए ग्राउंड २, अलूर
आंध्र प्रदेश विरुद्ध रेल्वे (सकाळी ९:००) – केएससीए ग्राउंड, अलूर
ओडिशा विरुद्ध सर्व्हिसेस (सकाळी ९:००) – केएससीए ग्राउंड ३, अलूर
दिल्ली विरुद्ध गुजरात (सकाळी ९:००) – सेंटर ऑफ एक्सलन्स ग्राउंड १, बेंगळुरू

प्लेट ग्रुप-

बिहार विरुद्ध मणिपूर (सकाळी ९:००) – जेएससीए इंटरनॅशनल स्टेडियम, रांची
अरुणाचल प्रदेश विरुद्ध मिझोरम (सकाळी ९:००) – जेएससीए ओव्हल ग्राउंड, रांची
मेघालय विरुद्ध नागालँड (सकाळी ९:००) – उषा मार्टिन ग्राउंड, रांची

संबंधित बातमी:

Vaibhav Suryavanshi News : 70 सेकंदाच्या व्हिडिओत 14 वर्षांच्या पोराची हायव्होल्टेज खेळी, वैभवचा कहर पाहून थरूर भारावले! थेट गौतम गंभीरला केला मेसेज

आणखी वाचा