टेम्पोची अन् दुचाकीची धडक; दोन जिवलग मैत्रिणीचा अपघातात मृत्यू; एकीचा जागीच तर दुसरीचा उपचारादर

सोलापूर: सोलापुरातील मोहोळ तालुक्यात टेम्पोने धडक (Solapur Accident News) दिल्यामुळे दोन जिवलग मैत्रिणींना जीव गमवावा लागला आहे. मोहोळ तालुक्यातील पिंपरी गावाजवळील ही संतापजनक घटनी घडली आहे. अकरावीत शिकणारी प्रज्ञा धनाजी कोकाटे आणि तिची मैत्रीण बारावीत शिकणारी स्नेहल काशिनाथ वाघमोडे अशा अपघातात मृत्यू झालेल्या मुलींची नावे आहेत.(Solapur Accident News)

प्रज्ञा ही स्कुटीवरून स्नेहलला घेऊन मोहोळवरून कुरुल गावाला जात असताना समोरून येणाऱ्या टेम्पोने जोरदार धडक दिली. यावेळी झालेल्या भीषण अपघातात जीवलग मैत्रिणींचा दुर्दैवी मृत्यू झाला आहे. या घटनेनं हळहळ व्यक्त होत आहे. या धडकेत प्रज्ञा जागीच ठार झाली तर स्नेहल धडकेत गंभीर जखमी झाल्यामुळे तिला सोलापुरातील शासकीय रुग्णालयात हलवण्यात आले उपचारादरम्यान तिचा मृत्यू झाला. प्रज्ञा ही अकरावीत नेताजी महाविद्यालयात शिकत होती तर स्नेहल ही राष्ट्रमाता इंदिरा कन्या महाविद्यालयात शिकत होती.(Solapur Accident News)

Accident News: पालघर जिल्ह्यातील जिल्हा परिषदच्या शाळेतील विद्यार्थ्यांच्या गाडीचा अपघात

पालघरच्या मोखाडा येथील चपलपाडा जिल्हा परिषद शाळेतील विद्यार्थ्यांच्या गाडीचा अपघात झाला होता. या अपघातात बारा ते पंधरा विद्यार्थी जखमी झाल्याची माहिती समोर आली होती. हे सर्व विद्यार्थी शाळेच्या क्रीडा स्पर्धेसाठी एका पिकअप गाडी मधून मागे बसून जात होते. चालकाचे गाडीवरील नियंत्रण सुटल्याने या गाडीला अपघात घडला. गाडीतील जखमी विद्यार्थ्यांना तात्काळ जवळच्या रुग्णालयात दाखल करण्यात आले होते तर, त्यापैकी काही विद्यार्थी हे नाशिकच्या एका खाजगी रुग्णालयात उपचारासाठी दाखल केले होते.नाशिकच्या खाजगी रुग्णालयामध्ये चौथीत शिकणाऱ्या मुलावर काल पायाची शस्त्रक्रिया करण्यात आली त्याची प्रकृती स्थिर असल्याची माहिती रुग्णालय प्रशासनाने दिली. इतर किरकोळ जखमी विद्यार्थ्यांना काल रात्री उपचार करुन घरी पाठवण्यात आले.

आणखी वाचा