खोपोली हत्याप्रकरणी महेंद्र थोरवेंचे गंभीर आरोप, आता सुनिल तटकरेंकडून SIT ची मागणी; गिरीश महाजन

मनेश काळोखे खून प्रकरण रायगडमधील (ईोगुो्) खोपोली नगरपालिकेच्या शिंदे सेनेच्या नगरसेविका मानसी काळोखे यांचे पती मंगेश काळोखे काल (26 डिसेंबर) सकाळी 7 वाजता निर्घृण हत्या (Manesh Kalokhe murder case) करण्यात आल्याची घटना घडली आहे. या घटनेनंतर वातावरण चांगलच तापल्याचं पाहायला मिळत आहे. रायगडच्या खोपोलीमधील मंगेश काळोखे यांच्या हत्या प्रकरणी शिवसेनेचे आमदार महेंद्र थोरवे यांनी राष्ट्रवादीवर गंभीर आरोप केले आहेत. या मागचा आका सुतारवाडीत असल्याचा आरोप करत राष्ट्रवादीचे खासदार सुनील तटकरे यांना लक्ष्य केलं होतं. यानंतर सुनील तटकरे हे थेट कर्जतमध्ये दाखल झाले आहेत. त्यांनी कार्यकर्त्यांशी संवाद साधला आहे. कार्यकर्त्यांना संयम पाळण्याचे आदेश तटकरेंकडून देण्यात आले आहेत.

मंगेश काळोखे यांच्या हत्याप्रकरणी मुख्यमंत्र्यांकडे  एसआयटी चौकशीची मागणी करणार : तटकरे

रायगडच्या खोपोली मधील मंगेश काळोखे यांच्या हत्याप्रकरणी राष्ट्रवादीवर शिवसेनेचे आमदार महेंद्र थोरवे यांनी गंभीर आरोप करत या मागचा आका सुतारवाडीत असल्याचा आरोप केला होता. त्यानंतर सुनील तटकरे यांनी कर्जतमध्ये आज पक्ष कार्यालयात राष्ट्रवादीच्या कार्यकर्त्यांची भेट घेतली. काळोखे यांच्या हत्याकांडाची आपण मुख्यमंत्री यांच्याकडे एसआयटी चौकशीची मागणी करणार आहोत, शिवाय या हत्येच्या घटनेचं सर्व सत्य बाहेर येणार असल्याचे प्रदेशाध्यक्ष खासदार सुनील तटकरे यांनी म्हटलं आहे. कोणी या घटनेत काय काय केलं ते सुद्धा बाहेर येईल असा त्यांनी विरोधकांना इशारा दिला आहे. मी योग्य वेळी सगळं काही बोलेन असही सुनील तटकरे यांनी म्हटलं आहे.

कोणाचीही हय गय केली जाणार नाही, या घटनेच्या सखोल चौकशीचे आदेश मुख्यमंत्र्यांनी दिलेत : महाजन

मंगेश काळोखे हत्याप्रकरणावर मंत्री गिरीश महाजन यांनी देखील प्रतिक्रिया दिली आहे. खोपोली मध्ये मंगेश काळोखे यांची हत्या निवडणुकांमुळे झाली की कुठल्या दुसऱ्या कारणास्तव झाली, याची माहिती अद्याप समोर आली नाही. या घटनेच्या सखोल चौकशीचे आदेश मुख्यमंत्र्यांनी दिले आहेत. या प्रकरणात जे कोणी आरोपी असतील ते पकडले जातील असे मत गिरीश महाजन यांनी व्यक्त केले. यामध्ये कोणाचीही हय गय केली जाणार नाही. आरोपींवर कठोर कारवाई केली जाईल असे महाजन म्हणाले.

शिवसेना शिंदे गटाचे आमदार महेंद्र थोरवे यांनी सुनील तटकरे हे रायगड जिल्ह्याचे आका असल्याचं वक्तव्य केलं होतं. त्यांच्या या वक्तव्यावर देखील गिरीश महाजन यांनी प्रतिक्रिया दिली आहे. नाशिकच्या पक्षप्रवेशावरुन मी स्वतःला बाहुबली समजतो असं संजय राऊत मला म्हणतात. त्यामुळे या वक्तव्यावर काय उत्तर द्यावं असे महाजन म्हणाले.

महत्वाच्या बातम्या:

Khopoli Crime: खोपोलीमधील पराभव राष्ट्रवादीच्या जिव्हारी, त्यातूनच मंगेश काळोखेंची हत्या; मंत्री भरत गोगावलेंचा खळबळजनक आरोप

आणखी वाचा