पुण्यानंतर नाशिकमध्ये उच्चशिक्षित विवाहितेला जीवे मारण्याचा प्रयत्न, आधी वाद घातला नंतर घरी बोल
नाशिक क्राईम न्यूज : पुण्यातील (Pune) इंजिनिअर विवाहितेची घटना ताजी असतानाच नाशिकमध्येही तितकाच संतापजनक प्रकार समोर आला आहे. नाशिकमध्ये (Nashik) एका उच्चशिक्षित विवाहितेला जीवे ठार मारण्याचा प्रयत्न झाल्याने एकच खळबळ उडाली आहे. कुटुंबातील वादानंतर सासरच्यांनी तिला घरी बोलावून बेदम मारहाण करत जबरदस्तीने विषारी औषध पाजल्याचा आरोप करण्यात आला आहे.
पीडित विवाहितेचे नाव महिमा मॉन्टी राजदेव असे आहे. महिमाचा एप्रिल 2025 मध्ये मॉन्टी राजदेव याच्यासोबत प्रेमविवाह झाला होता. मात्र प्रेमविवाह केल्याच्या कारणावरून सासरच्यांकडून महिमाचा सातत्याने छळ करण्यात येत असल्याचा गंभीर आरोप तिच्या माहेरच्यांनी केला आहे.
Nashik Crime News: सासरच्यांकडून मानसिक व शारीरिक त्रास
माहेरच्यांच्या माहितीनुसार, विवाहानंतर अवघ्या आठ महिन्यांपासून महिमाला सासरे, सासू आणि दिराकडून मानसिक व शारीरिक त्रास दिला जात होता. चोरीच्या संशयावरून तिच्या घरातील बेडरूममध्येही कॅमेरे लावण्यात आल्याचा धक्कादायक दावा महिमाच्या आईने केला आहे. या प्रकारामुळे महिमाला सतत दबावाखाली ठेवण्यात येत होते, असेही सांगण्यात आले.
Nashik Crime News: विषारी औषध जबरदस्तीने पाजले
काल कुटुंबातील वादानंतर महिमाला सासरी बोलावण्यात आले. तेथे तिचा नवरा मॉन्टी राजदेव याने मारहाण करत विषारी औषध जबरदस्तीने पाजल्याचा आरोप आहे. घटनेनंतर गंभीर अवस्थेत असलेल्या महिमाला जिल्हा रुग्णालयात दाखल करण्यात आले. मात्र प्रकृती अधिक चिंताजनक झाल्याने तिला खासगी रुग्णालयात हलवण्यात आले असून सध्या तिच्यावर अतिदक्षता विभागात उपचार सुरू आहेत.
Nashik Crime News: भद्रकाली पोलीस ठाण्यात तक्रार दाखल
या प्रकरणी नाशिकच्या भद्रकाली पोलीस ठाण्यात तक्रार दाखल करण्यात आली असून पोलिसांकडून अधिक तपास सुरू आहे. घटनेनंतर आरोपी नवरा पळून गेल्याची माहिती असून पोलिसांकडून त्याचा शोध सुरू आहे. उच्चशिक्षित, प्रेमविवाह केलेल्या विवाहितेवर सासरच्यांकडून झालेल्या या छळामुळे नाशिकमध्ये संताप व्यक्त केला जात आहे. आता या प्रकरणात काय कारवाई होणार? याकडे सर्वांचे लक्ष लागले आहे.
राज्य आणि देश-विदेशातील महत्त्वाच्या बातम्या; पाहा व्हिडीओ
इतर महत्त्वाच्या बातम्या
आणखी वाचा
Comments are closed.