सोनं 9,231 रुपयांनी महाग, चांदीतही मोठी उसळी, अचानक झालेल्या या दरवाढीमागे नेमकं काय आहे कारण?

आजचे सोने-चांदीचे दर: केंद्र सरकारने सोने आणि चांदीवरील प्रभावी इम्पोर्ट ड्युटी (Import Duty) 6 टक्क्यांवरून थेट 15 टक्क्यांपर्यंत वाढवण्याचा मोठा निर्णय घेतला आहे. या निर्णयानंतर देशभरातील सराफा बाजारात सोने आणि चांदीच्या दरात मोठी वाढ झाली असून, गुंतवणूकदार आणि ग्राहकांना मोठा धक्का बसला आहे. आज (13 मे रोजी) मल्टी कमोडिटी एक्सचेंज (MCX) वर चांदीचा भाव प्रतिकिलो 2,95,805 रुपयांपर्यंत पोहोचला, तर सोन्याचा (Gold-Silver Rate) दर प्रति 10 ग्रॅम 1,62,648 रुपयांवर गेला. जागतिक स्तरावरील महागाई आणि भू-राजकीय तणावाच्या पार्श्वभूमीवर मौल्यवान धातूंना आधीच मजबूत आधार मिळत असताना, सरकारच्या या निर्णयामुळे दरात आणखी तेजी आली आहे. चांदीच्या किमतीत 6 टक्क्यांचा अपर सर्किटही लागला आहे. (Gold-Silver Rate)

Gold Silver Rate Today: आजचे सोन्याचे ताजे दर

दिल्ली
24 कॅरेट – 16,804 रुपये प्रति ग्रॅम
22 कॅरेट – 14,331 रुपये प्रति ग्रॅम

मुंबई
24 कॅरेट – 16,789 रुपये प्रति ग्रॅम
22 कॅरेट – 15,390 रुपये प्रति ग्रॅम

चेन्नई
24 कॅरेट – 15,634 रुपये प्रति ग्रॅम
22 कॅरेट – 14,331 रुपये प्रति ग्रॅम

कोलकाता
24 कॅरेट – 16,789 रुपये प्रति ग्रॅम
22 कॅरेट – 15,390 रुपये प्रति ग्रॅम

बेंगळुरू
24 कॅरेट – 16,789 रुपये प्रति ग्रॅम
22 कॅरेट – 15,390 रुपये प्रति ग्रॅम

केरळ
24 कॅरेट – 16,789 रुपये प्रति ग्रॅम
22 कॅरेट – 15,390 रुपये प्रति ग्रॅम

वडोदरा
24 कॅरेट – 16,794 रुपये प्रति ग्रॅम
22 कॅरेट – 15,395 रुपये प्रति ग्रॅम

अहमदाबाद
24 कॅरेट – 16,794 रुपये प्रति ग्रॅम
22 कॅरेट – 15,395 रुपये प्रति ग्रॅम

पुणे
24 कॅरेट – 16,789 रुपये प्रति ग्रॅम
22 कॅरेट – 15,390 रुपये प्रति ग्रॅम

Gold Silver Rate Today: चांदीच्या दरातही मोठी वाढ

सरकारने इम्पोर्ट ड्युटी वाढवल्यानंतर वायदा बाजार (MCX) आणि किरकोळ बाजारात चांदीच्या किमतीत तब्बल 16,675 रुपये प्रति किलोची वाढ झाली आहे. ड्युटी वाढीच्या घोषणेनंतर MCX वर जुलै करारातील चांदीचा भाव 7.25 टक्क्यांनी वाढून 2,99,283 रुपये प्रति किलोच्या जवळ पोहोचला.

देशातील अनेक मोठ्या शहरांमध्ये चांदीने ऐतिहासिक पातळी गाठली आहे. चेन्नईमध्ये चांदीचा भाव 3,00,100 रुपये प्रति किलोपर्यंत पोहोचला आहे. तर दिल्ली, मुंबई आणि कोलकाता येथे चांदी 2,90,100 रुपये प्रति किलो दराने विकली जात आहे.

Gold Silver Rate Today: सरकारने इम्पोर्ट ड्युटी का वाढवली?

भारत आपल्या गरजेपैकी जवळपास संपूर्ण सोने आणि चांदी परदेशातून आयात करतो. या आयातीसाठी डॉलरमध्ये व्यवहार केला जातो. पश्चिम आशियातील तणावामुळे कच्च्या तेलाच्या किमतीत मोठी वाढ झाली असून, देशाचा परकीय चलनसाठा वेगाने खर्च होत आहे. डॉलरची बाहेर जाणारी रक्कम कमी करण्यासाठी सरकारने गैर-आवश्यक आयातींवर नियंत्रण आणण्याचा निर्णय घेतला आहे.

आर्थिक वर्ष 2025-26 मध्ये भारताची एकूण सोन्याची आयात 24 टक्क्यांनी वाढून 71.98 अब्ज डॉलरच्या विक्रमी स्तरावर पोहोचली आहे. त्यामुळे देशाचा व्यापार तुटीचा आकडा (Trade Deficit) 333.2 अब्ज डॉलरपर्यंत गेला असून, चालू खाते तूट (CAD) जीडीपीच्या 1.3 टक्क्यांपर्यंत पोहोचली आहे. या वाढत्या आर्थिक तणावावर नियंत्रण मिळवण्यासाठी सरकारने इम्पोर्ट ड्युटी वाढवण्याचा निर्णय घेतल्याचे सांगितले जात आहे.

आणखी वाचा