फिफा FIFA WC 2026 विश्वचषक 2026 च्या उपांत्य फेरीत इंग्लंडचा 2-1 असा पराभव करून गतविजेत्या अर्जेंटिनाने सलग दुसऱ्यांदा अंतिम फेरीत धडक मारली आहे. Spain vs Argentina Final अंतिम सामन्यात अर्जेंटिनाचा सामना स्पेनशी होणार आहे. मात्र, सामन्यादरम्यान मैदानावर केलेल्या जल्लोषादरम्यान काही अर्जेंटिनी खेळाडूंनी केलेल्या Argentina FIFA controversy वर्तनामुळे फिफा आता त्यांच्यावर कारवाई करण्याची शक्यता आहे.
अटलांटा येथे झालेल्या सामन्यानंतर, अर्जेंटिनाचा मिडफील्डर जिओव्हानी लो सेल्सो आणि डिफेंडर निकोलस ओटामेंडी यांनी मैदानावर “Las Malvinas son Argentinas” Argentina Malvinas banner असे लिहिलेला फलक प्रदर्शित केला. याचा अर्थ “लास माल्व्हिनास (फॉकलंड बेटे) अर्जेंटिनाची आहेत” असा होतो.
हा फलक फॉकलंड बेटांवर अर्जेंटिनाचा दावा असल्याचे दर्शवतो. मात्र, फिफा आणि इंटरनॅशनल फुटबॉल असोसिएशन बोर्ड IFAB च्या नियमांनुसार, सामन्यादरम्यान किंवा सामन्यानंतर मैदानावर राजकीय संदेश, घोषणा, ध्वज किंवा चिन्हे प्रदर्शित करण्यास मनाई आहे. FIFA disciplinary action त्यामुळे, फिफा या प्रकरणाची चौकशी करून संबंधित खेळाडू किंवा संघावर कारवाई करण्याची शक्यता आहे.
अर्जेंटिना फॉकलंड बेटांना ‘लास माल्व्हिनास’ म्हणून संबोधते. अर्जेंटिनाच्या पूर्व किनारपट्टीपासून सुमारे 480 किलोमीटर अंतरावर असलेली ही बेटे ‘ब्रिटिश ओव्हरसीज टेरिटरी’ (ब्रिटिश परदेशी प्रदेश) आहेत.
या बेटांवरून अर्जेंटिना आणि ब्रिटन यांच्यात अनेक दशकांपासून वाद सुरू आहे. ब्रिटनने 1774 मध्ये या बेटांवर आपला दावा सांगितला होता आणि 1833 मध्ये त्यावर पुन्हा नियंत्रण मिळवले. त्यानंतर, 1982 मध्ये या बेटांसाठी दोन्ही देशांमध्ये युद्ध झाले, ज्यामध्ये ब्रिटनचा विजय झाला. तरीही, अर्जेंटिना आजही या बेटांवर आपला दावा सांगत आहे. अर्जेंटिनी खेळाडूंनी प्रदर्शित केलेल्या फलकामुळे हा जुना वाद पुन्हा चर्चेत आला आहे. आता या प्रकरणावर फिफा काय भूमिका घेते, याकडे सर्वांचे लक्ष लागले आहे.
Comments are closed.