INDvsWI: अर्शदीप सिंग पाचव्या T20I ला मुकणार? संजू सॅमसनने दिली अपडेट, हैदराबादमध्ये शेवटच्या षटकात नेमके काय घडले

हैदराबादमध्ये बुधवारी (१४ ऑक्टोबर) भारत विरुद्ध वेस्ट इंडिज चौथा टी२० सामना खेळला गेला, ज्यामध्ये भारतीय वेगवान गोलंदाज अर्शदीप सिंगच्या खांद्याला दुखापत झाली. यामुळे तो पाचव्या आणि निर्णायक टी२० सामन्यात खेळणार की नाही, हा प्रश्न निर्माण झाला आहे. त्याच्या दुखापतीबाबत संजू सॅमसनने अपडेट दिली आहे.

वेस्ट इंडिजने चौथा सामना २४ धावांनी जिंकला. त्यामुळे पाच सामन्यांची ही टी२० मालिका आता २-२ अशी बरोबरीत आहे. बंगळुरूमध्ये होणाऱ्या मालिका निर्णायक सामन्यासाठी भारत सज्ज असून अर्शदीप वेळेत बरा होण्याची आशा सॅमसनने व्यक्त केली आहे.

चौथ्या सामन्यात भारताला वेस्ट इंडिजने २४८ धावसंख्येचे लक्ष्य दिले होते. तेव्हा भारताच्या डावातील शेवटच्या षटकात अर्शदीप दुखापतग्रस्त झाला. त्याला शामर जोसेफच्या शॉर्ट बॉलचा फटका बसला. त्यामुळे भारतीय वेगवान गोलंदाजाला मोठ्या प्रमाणात वेदना होऊ लागल्या. त्याला तपासण्यासाठी फिजिओही तातडीने मैदानात आले.

सामन्यानंतर झालेल्या पत्रकार परिषदेत विकेटकीपर-फलंदाज सॅमसनने मोठी अपडटे दिली. तो म्हणाला, “अर्शदीपने खांद्यावर बर्फ लावला असून तो लवकर बरा होईल अशी आशा आहे. त्याला हाय-स्पीड चेंडू लागला होता.”

भारताला शेवटच्या षटकात विजयासाठी ३५ धावांची आवश्यकता होती आणि भारताची केवळ एकच विकेट शिल्लक होती. तेव्हा अर्शदीप क्रीजवर होता आणि गोलंदाजी शामरने केली. त्या षटकातील पहिल्या चेंडूवर अर्शदीपने चौकार मारला. दुसऱ्या चेंडूव वाईड गेल्याने तो पुन्हा टाकला गेला, ज्यावर एकही धाव झाली नाही. तिसरा चेंडू जो वेगवान आखूड टप्प्याचा होता आणि अर्शदीपच्या डाव्या खांद्याला जोरात लागला.

चौथ्या चेंडूवर ५ वाईड मिळाले. त्यानंतर अर्शदीपला खेळणे अशक्य झाले आणि भारतीय कर्णधार श्रेयस अय्यरने तीन चेंडू बाकी असताना डगआऊटमधून सामना संपवण्याचा इशारा केला. तेव्हा भारताने १९.३ षटकात २२३ धावसंख्येपर्यंतच मजल मारू शकला.

अर्शदीप पाचव्या टी२० सामन्यात खेळणार का?
भारताला वेस्ट इंडिजविरुद्धच्या मालिकेनंतर न्यूझीलंड दौऱ्यावर जायचे आहे. तेथेही भारत पाच सामन्यांची टी२० मालिका खेळणार असून तेव्हा अर्शदीपची गोलंदाजी महत्त्वाची ठरेल. त्यामुळे भारतीय संघ व्यवस्थापक त्याला बंगळुरूच्या सामन्यात खेळण्याची जोखीम घेणार की नाही हे बीसीसीआयच्या वैद्यकीय अहवालावर अवलंबून असेल. (INDvsWI: Will Arshdeep Singh miss the fifth T20I? Sanju Samson provides an update; here’s exactly what happened in the final over in Hyderabad.)