मालकाच्या मुलीसोबत प्रेमसंबंध असल्याचा संशय; विकास बनसोडेला जीव जाईपर्यंत मारलं, शवविच्छेदन अहव

विकास बॅन्सोड खून प्रकरण बीड: बीडच्या आष्टी तालुक्यातील विकास बनसोडे (Vikas Bansode Beed Case) हत्या प्रकरणाचा शवविच्छेदन अहवाल समोर आला आहे. या अहवालातून विकास बनसोडे याच्या मृत्यूचे कारण समोर आले आहे. अति मारहाणीमुळे अंतर्गत रक्तस्त्राव आणि शॉकमध्ये जाऊन विकास बनसोडेचा मृत्यू झाल्याची माहिती समोर आली आहे.

विकास बनसोडेच्या अंगावर भरपूर मारहाण झाली. शरीर काळे-निळे झाले. त्यामुळे अंतर्गत रक्तस्त्राव झाल्याने तो शॉकमध्ये गेला. आणि त्यातच त्याचा दुर्दैवी मृत्यू झाल्याचे अहवालात नमूद झाले आहे. विकास बनसोडे या तरुणाचे आष्टी तालुक्यातील पिंपरी घुमरी येथील भाऊसाहेब क्षीरसागर याच्या मुलीशी प्रेम संबंध असल्याचा संशय होता. 12 मार्चला विकास पिंपरी येथे आला होता. त्यानंतर त्याला ही मारहाण झाली आणि त्यातच त्याचा मृत्यू झाला.

विकास बनसोडे हत्या प्रकरणात आणखी दोन आरोपींना अटक-

बनसोडे हत्या प्रकरणात दहा जणांविरोधात आष्टी पोलीस ठाण्यात गुन्हा दाखल असून त्यातील आठ आरोपींना पकडण्यास पोलिसांना यश आले आहे. उर्वरित दोन आरोपींच्या अटकेसाठी पोलीस पथक रवाना आहे.

नेमकी घटना काय?

विकास बनसोडे याला मस्साजोग गावचे सरपंच संतोष देशमुख (Santosh Deshmukh Murder Case) यांच्याप्रमाणेच अमानुष मारहाण करण्यात आली. मारहाणीमुळे विकासचे संपूर्ण शरीर काळेनिळे पडले होते. विकास बनसोडे हा गेल्या तीन वर्षांपासून भाऊसाहेब क्षीरसागर यांच्याकडे ट्रकचालक म्हणून काम करत होता. काही महिन्यांपूर्वी त्याला कामावरुन काढण्यात आले होते. दोन दिवसांपूर्वी विकास आपल्या मित्रांसह पिंपरी या गावात आला होता. ही गोष्ट समजताच विकासचे अपहरण केले आणि त्याला पत्र्याच्या एका शेडमध्ये डांबून ठेवले. याठिकाणी त्याला दोन दिवस बेदम मारहाण करण्यात आली. आरोपींनी दोरी आणि वायरच्या साहाय्याने विकास बनसोडे याला प्रचंड मारले. त्यामुळे विकासच्या मृत शरीरावर काळेनिळे वळ दिसत होते.

विकासच्या फोनवरुन आई-वडिलांना फोन

विकास बनसोडे याला पत्र्याच्या शेडमध्ये डांबून मारहाण केली जात होती तेव्हा त्याच्याच फोनवरुन आई-वडिलांना फोन करण्यात आला होता. फोनवर विकासच्या आई-वडिलांना, ‘लवकर इथे या, आल्यानंतर सांगतो काय झालं ते, असे सांगण्यात आले.

https://www.youtube.com/watch?v=9lvr-jhl-wg

संबंधित बातमी:

Mumbai Crime News: समलैंगिक संबंध ठेवताना मुंबईतील 55 वर्षीय व्यक्तीचा मृत्यू; पार्टनर मोबाईल घेऊन पळाला, पोलिसांनी शोधून काढला!

अधिक पाहा..