अंजली दमणिया पती अनिश दमानिया वर अमोल मिटकरी: सामाजिक कार्यकर्त्या आणि भ्रष्टाचारविरोधी लढ्यामुळे चर्चेत असलेल्या अंजली दमानिया (Anjali Damania) यांचे पती अनिश दमानिया (Anish Damania) यांची नुकतीच महाराष्ट्र सरकारच्या धोरणात्मक सल्लागार संस्थेतील ‘इन्स्टिट्यूट फॉर ट्रान्सफॉर्मेशन (मित्रा)’ च्या मानद सल्लागारपदी नियुक्ती करण्यात आली आहे. यानंतर राजकीय वर्तुळात चर्चांना उधाण आले आहे. आता राष्ट्रवादी अजित पवार गटाचे आमदार अमोल मिटकरी (Amol Mitkari) यांनी यावरून अंजली दमानियांना खोचक टोला लगावलाय.
नेमकं काय म्हणाले अमोल मिटकरी?
आमदार अमोल मिटकरी यांनी अनिश दमानिया यांच्या नियुक्तीवर एक्सवर पोस्ट करत म्हटलं आहे की, प्रत्येक यशस्वी पुरुषामागे एक स्त्री असते याची प्रचिती परत आली. यावेळी एका स्वयंघोषित समाजसेविकेने आपल्या पतीला केवळ दुसऱ्यांवर आरोप, आगपाखड करण्याच्या निकषावर चक्क शासनाच्या सल्लागारपदी आणून ठेवले आहे, असा खोचक टोला लगावलाय.
प्रत्येक यशस्वी पुरुषामागे एक स्त्री असते याची प्रचिती परत आली.यावेळी एका स्वयंघोषीत समाजसेविकेने आपल्या पतीला केवळ दुसऱ्यांवर आरोप आगपाखड करण्याच्या निकषावर चक्क शासनाच्या सल्लागारपदी आणुन ठेवले आहे 😃#स्वयंघोषितसमाजसेविका
— आ. अमोल गोदावरी रामकृष्ण मिटकरी (@amolmitkari22) 16 सप्टेंबर, 2025
रोहित पवार यांचाही निशाणा
अनिश दमानिया यांच्या नियुक्तीवर राष्ट्रवादी काँग्रेस शरदचंद्र पवार पक्षाचे आमदार रोहित पवार (Rohit Pawar) यांनीदेखील एक्सवर पोस्ट करत उपरोधिक टीका केली. “महाराष्ट्र सरकारची थिंक टँक असलेल्या ‘मित्रा’ या संस्थेवर मानद सल्लागारपदी अनिश दमानिया यांची नेमणूक झाल्याबद्दल अभिनंदन. एकीकडे भ्रष्टाचाराची प्रकरणे काढून अंजली दमानिया सामाजिक क्षेत्रात योगदान देत आहेत. आता अनिश दमानिया यांचे आर्थिक विकासाच्या क्षेत्रात सरकारला मार्गदर्शन लाभणार आहे. दमानिया कुटुंबाचे आर्थिक आणि सामाजिक क्षेत्रातील समन्वय निश्चितच महत्त्वपूर्ण राहील. पुनश्च एकदा अभिनंदन आणि शुभेच्छा,” असे त्यांनी म्हटले आहे.
अंजली दमानियांचे प्रत्युत्तर
दरम्यान, अंजली दमानिया यांनी रोहित पवारांच्या पोस्टला प्रत्युत्तर दिले आहे. “रोहित पवार यांचा समाज माध्यमावरील संदेश वाचल्यावर मला तितकस वाईट वाटले नाही. हे तर अपेक्षित होते. अनिश, हा त्याच्या ऑफिस मधील तिसरा असा व्यक्ती आहे, जो ‘एफआयसीसीआय’चा सभासद झाला. म्हणून त्याला ‘मित्रा’वर मानद सल्लागार म्हणून घेतले आहे. या पदावर काम केल्याबद्दल तो मानधन घेणार नाही. त्याला ना राजकारणाशी घेणे देणे आहे, ना सरकारशी. माझ्यासारखेच त्यालाही देशाला पुढे नेण्यासाठी आपले योगदान द्यायचे आहे. हे वृत्त त्याने आणि मी आपआपल्या समाज माध्यमांवर प्रसारित केले आहे. त्यात लपवण्यासारखे काहीच नाही, मला तर त्याचा खूप अभिमान आहे,” असे त्यांनी म्हटले आहे.
https://www.youtube.com/watch?v=m0md6ukm0cq
आणखी वाचा
आणखी वाचा
Comments are closed.