तुमचा विजय निश्चित, अशोक खरातने चिंचोक्यावर मंत्र लिहून दिला; निवडणुकीत उमेदवारांचं काय झालं?,

अशोक खरात प्रकरण नाशिक क्राईम न्यूज : नाशिकमधील भोंदूबाबा अशोक खरात (Ashok Kharat) याचे अनेक काळे कारनामे बाहेर येत असून महिला लैंगिक शोषणासोबतच आर्थिक फसवणुकीचे देखील गुन्हे आता समोर येत आहे. याचदरम्यान, एक महत्वाची माहिती समोर आली आहे. पालघर नगरपरिषदेच्या निवडणुकीत विजय मिळवण्यासाठी काही उमेदवारांनी एका राजकीय नेत्याच्या मध्यस्थीने अशोक खरातची भेट घेतली होती. यावेळी तुमचा विजय निश्चित आहे, असं अशोक खरातने सांगितले होते. मात्र या सर्व उमेदवारांचा पराभव झाल्याची माहिती समोर आली आहे.

डिसेंबर 2025 मध्ये झालेल्या पालघर नगरपरिषद निवडणुकीदरम्यान, एका राजकीय पदाधिकाऱ्याने काही उमेदवारांची भेट अशोक खरातशी करून दिली होती. यावेळी खरातने एका प्लास्टिकच्या डब्यात तांदूळ, हळद, लिंबू आणि दिव्यावर ठेवलेल्या चिंचोक्यावर ‘माझी शक्ती आदी शक्ती’ असा मंत्र लिहून दिला होता. मात्र यावेळी अशोक खरातने तुमचा विजय निश्चित असल्याचे सांगितले होते. परंतु प्रत्यक्षात या सर्व उमेदावारांचा निवडणुकीत पराभव झाल्याचे समोर आले. (Ashok Kharat Case Nashik)

अशोक खरातची पत्नी कल्पना खरातच्या अटकेसाठी तीन विशेष पथक रवाना झाले आहेत. नाशिक, पुणे आणि अहिल्यानगर जिल्ह्यात कल्पना खरातच्या मागावर SIT चे पथक रवाना झाल्याची माहिती समोर आली आहे. जमीन खरेदीत फसवणूक केल्याप्रकरणी कल्पना खरातवर शिर्डी पोलीस ठाण्यात गुन्हा दाखल झाला आहे. अशोक खरातची SIT कडून आज पुन्हा चौकशी सुरू मात्र पत्नी कल्पना फरार तर मुलगा हर्षवर्धन नॉट रिचेबल आहे. अशोक खरातच्या पत्नीला अटक करण्यासाठी SIT कडून प्रचंड गोपनीय तपास सुरू असल्याची माहिती समोर येत आहे.

Ashok Kharatwar Ankhi Ek Gunha Dakhal- (अशोक खरात प्रकरण नाशिक क्राईम न्यूज)

अशोक खरातवर आणखी एक गुन्हा दाखल झालाआहे. अशोक खरात यासह समता पतसंस्थेच्या राहाता शाखेच्या व्यवस्थापकावर गुन्हा दाखल झाला. 2021 साली समता पतसंस्थेच्या राहाता शाखेत उघडली 100 खाती उघडून या खात्यातून आतापर्यंत 60 कोटीपेक्षा अधीक रकमेची देवाणघेवाण झाल्याची माहिती आहे. या प्रकरणी हा गुन्हा दाखल करण्यात आला. शिर्डी पोलीसांकडून 19 खातेदारांची चौकशी सुरू असताना हा घोटाळा समोर आला आहे. दरम्यान, अशोक खरात प्रकरणाच्या तपासात खरातच्या अनेक मालमत्ता आणि बँक खात्यांबाबत माहिती उघड झाली. अनेकांना जाळ्यात फसवून भोंदू खरातने अमाप माया जमवल्याचं तपासात समोर आलं आहे. याचवरुन भोंदू खरात आता ईडीच्याही निशाण्यावर येण्याची शक्यता आहे.. अशोक खरात प्रकरणाचा आता ईडी तपास करणार असून यामध्ये सहभागी असलेल्या कुणालाही सोडणार नाही असा थेट इशारा मुख्यमंत्री देवेंद्र फडणवीसदिले आहे. (अशोक खरात प्रकरण नाशिक)

संबंधित बातमी:

Anjali Damania On Ashok Kharat Case: रूपाली चाकणकरांचे अशोक खरातला 177 कॉल्स, अंजली दमानियांनी कॉल रेकॉर्ड्स काढले, मंत्र्यांचीही नावं घेतली!

आणखी वाचा