BCCI नमन पुरस्कार 2026 विजेत्यांची यादी : भारतीय क्रिकेट नियामक मंडळाने (BCCI) वार्षिक पुरस्कार 2026 (Naman Awards 2026) घोषणा केली आहे. हा भव्य पुरस्कार सोहळा 15 मार्च 2026 रोजी नवी दिल्लीमध्ये पार पडणार आहे. दरवर्षीप्रमाणे यावर्षीही खेळाडू, माजी खेळाडू, प्रशिक्षक आणि पंचांना विविध श्रेणींमध्ये गौरविण्यात येणार आहे. यंदाच्या पुरस्कार विजेत्यांची घोषणा आधीच करण्यात आली आहे.
जीवनगौरव पुरस्काराचे मानकरी
1983 वर्ल्डकप विजेत्या भारतीय संघाचे सदस्य आणि बीसीसीआयचे माजी अध्यक्ष रॉजर बिन्नी आणि माजी क्रिकेटपटू व प्रशिक्षक राहुल द्रविड यांना सीके नायुडू जीवनगौरव पुरस्कार देण्यात आला होता. तसेच भारताची दिग्गज महिला क्रिकेटपटू मिताली राज हिला देखील जीवनगौरव पुरस्काराने गौरविण्यात येणार आहे.
कोणत्या खेळाडूंना मिळाला पुरस्कार?
बीसीसीआयच्या घोषणेनुसार भारतीय कसोटी आणि वनडे संघाचा कर्णधार शुभमन गिल (Shubman Gill) याला ‘पॉली उमरीगर अवॉर्ड’ देण्यात येणार आहे. पुरुष गटातील सर्वोत्कृष्ट आंतरराष्ट्रीय क्रिकेटपटू म्हणून हा सन्मान दिला जातो. विशेष म्हणजे गिलला हा पुरस्कार सलग दुसऱ्यांदा मिळणार आहे. महिला टीममध्ये स्मृती मानधना (Smriti Mandhana) हिला सर्वोत्कृष्ट आंतरराष्ट्रीय महिला क्रिकेटपटू म्हणून गौरवण्यात येणार आहे. तिच्या कारकिर्दीतील हा पाचवा असा प्रतिष्ठेचा सन्मान असेल.
देशांतर्गत क्रिकेटमध्ये इरा जाधव (Ira Jadhav) हिला जगमोहन दलमिया ट्रॉफी देण्यात येणार आहे, जी देशांतर्गत क्रिकेटमधील सर्वोत्तम महिला क्रिकेटपटूला दिली जाते. तसेच शेफाली वर्मा (Shafali Verma) हिला सीनियर महिला घरेलू वनडे स्पर्धेत सर्वोत्तम खेळाडू म्हणून हीच ट्रॉफी प्रदान केली जाईल.
पुरुष घरेलू क्रिकेटमध्ये आयुष म्हात्रे (Ayush Mhatre) (मुंबई) याला लिमिटेड ओव्हर्स स्पर्धेत सर्वोत्तम ऑलराउंडर म्हणून लाला अमरनाथ पुरस्कार दिला जाईल. तर हर्ष दुबे (Harsh Dubey) (विदर्भ) याला रणजी ट्रॉफीतील सर्वोत्तम ऑलराउंडर म्हणून हाच पुरस्कार मिळणार आहे. याशिवाय, मुंबई क्रिकेट असोसिएशन (MCA) ला पुन्हा एकदा BCCI घरेलू स्पर्धांमधील सर्वोत्तम कामगिरीचा पुरस्कार मिळणार आहे. कारण या हंगामात मुंबईने चार ट्रॉफी जिंकल्या आणि दोन स्पर्धांत उपविजेतेपद मिळवले.
एकाच वेळी 5 विश्वविजेत्या संघांचा गौरव
यंदाच्या नमन अवॉर्ड्स सोहळ्यात आणखी एक ऐतिहासिक क्षण पाहायला मिळणार आहे. एकाच मंचावर पाच आयसीसी विजेते भारतीय संघ गौरवले जाणार आहेत. भारतीय क्रिकेटच्या इतिहासात पहिल्यांदाच इतक्या मोठ्या प्रमाणात विजेत्या संघांचा एकत्र सन्मान होणार आहे.
🚨 बातम्या 🚨
BCCI रॉजर बिन्नी, राहुल द्रविड आणि मिताली राज यांना नमन पुरस्कार 2026 मध्ये जीवनगौरव पुरस्कार देऊन सन्मानित करेल, रविवार, 15 मार्च 2026 रोजी नवी दिल्ली येथे आयोजित करण्यात येणार आहे.
अधिक तपशील ▶️ https://t.co/noBSDbxcW5 pic.twitter.com/WfhfqHBuiI
— BCCI (@BCCI) 14 मार्च 2026
जीवनगौरव पुरस्काराचे मानकरी
- रॉजर बिन्नी
- राहुल द्रविड
- मिताली राज
सर्वोत्तम आंतरराष्ट्रीय क्रिकेटपटू (2024-25)
- महिला – स्मृती मानधना
- पुरुष (पॉली उमरीगर पुरस्कार) – शुभमन गिल
महिला वनडे – सर्वाधिक विकेट्स / धावा
- महिला वनडेतील सर्वाधिक विकेट्स – दीप्ती शर्मा
- महिला वनडेतील सर्वाधिक धावा – स्मृती मानधना
सर्वोत्तम आंतरराष्ट्रीय पदार्पण (2024-25)
- महिला – एन. श्री चरणी
- पुरुष – हर्षित राणा
जगमोहन दालमिया ट्रॉफी
- सर्वोत्तम महिला क्रिकेटपटू (ज्युनियर डोमेस्टिक) – इरा जाधव (मुंबई)
- सर्वोत्तम महिला क्रिकेटपटू (सीनियर डोमेस्टिक, वनडे) – शेफाली वर्मा(हरियाणा)
- सर्वाधिक बळी, विजय मर्चंट ट्रॉफी अंडर-16 (एलिट) – यशवर्धन सिंग चौहान (मध्य प्रदेश)
- सर्वाधिक विकेट्स, विजय मर्चंट ट्रॉफी अंडर-16 (प्लेट) – किशन सरकार (त्रिपुरा)
- सर्वाधिक धावा, विजय मर्चंट ट्रॉफी अंडर-16 (एलीट) – शांतनू सिंह (उत्तर प्रदेश)
- सर्वाधिक धावा, विजय मर्चंट ट्रॉफी अंडर-16 (प्लेट) – प्रीतम राज (बिहार)
एम.ए. चिदंबरम ट्रॉफी
- कूच बिहार ट्रॉफी अंडर-19 (एलीट) – सर्वाधिक विकेट्स: हेमचुदेशन जे (तामिळनाडू)
- कूच बिहार ट्रॉफी अंडर-19 (प्लेट) – सर्वाधिक विकेट्स: अर्काजित रॉय (त्रिपुरा)
- कूच बिहार ट्रॉफी अंडर-19 (एलीट) – सर्वाधिक धावा: नित्या जे पंड्या (बडोदा)
- कूचबिहार ट्रॉफी अंडर-19 (प्लेट) – सर्वाधिक धावा: राघवन राममूर्ती (पाँडेचेरी)
- कर्नल सी.के. नायडू ट्रॉफी अंडर-23 (एलिट) – सर्वाधिक बळी: विकी ओस्तवाल (महाराष्ट्र)
- कर्नल सी.के. नायडू ट्रॉफी अंडर-23 (प्लेट) – सर्वाधिक बळी: दीपज्योती सैकिया (आसाम)
- कर्नल सी.के. नायडू ट्रॉफी अंडर-23 (एलिट) – सर्वाधिक धावा: मॅकनील एचएन (कर्नाटक)
- कर्नल सी.के. नायडू ट्रॉफी अंडर-23 (प्लेट) – सर्वाधिक धावा: आर. जशवंत श्रीराम (पाँडेचेरी)
माधवराव सिंधिया पुरस्कार
- रणजी करंडक (एलिट) – सर्वाधिक बळी: हर्ष दुबे (विदर्भ)
- रणजी ट्रॉफी (प्लेट) – सर्वाधिक विकेट्स: सुचित जे (नागालँड)
- रणजी ट्रॉफी (एलीट) – सर्वाधिक धावा: वाय. व्ही. राठोड (विदर्भ)
- रणजी ट्रॉफी (प्लेट) – सर्वाधिक धावा: स्नेहल कौथंकर (गोवा)
लाला अमरनाथ पुरस्कार
- सर्वोत्तम ऑलराउंडर (डोमेस्टिक लिमिटेड ओव्हर्स) – आयुष म्हात्रे (मुंबई)
- सर्वोत्कृष्ट अष्टपैलू (रणजी करंडक) – हर्ष दुबे (विदर्भ)
बीसीसीआय डोमेस्टिक स्पर्धांमध्ये सर्वोत्तम कामगिरी – मुंबई क्रिकेट असोसिएशन
2023-24 मधील सर्वोत्तम डोमेस्टिक अंपायर – उल्हास गांधे (विदर्भ क्रिकेट असोसिएशन)
हे ही वाचा –
आणखी वाचा
Comments are closed.