मोठी बातमी ! सतीश भोसले उर्फ ‘खोक्या ‘चा जामीन मंजूर, वन्यजीव संरक्षण कायद्याअंतर्गत न्यायालयाच

अंडे:भाजपचा पदाधिकारी आणि आमदार सुरेश धस यांचा जवळचा कार्यकर्ता अशी ओळख असलेला सतीश भोसले उर्फ खोक्या भाईचा जामीन अर्ज मंजूर करण्यात आला आहे . शिरूर कासार येथील प्रथम वर्ग न्याय दंडाधिकाऱ्यांनी हा जामीन अर्ज मंजूर केला आहे. आरोपी सतीश भोसले उर्फ खोक्या याच्याविरुद्ध वन्यजीव संरक्षण कायद्याअंतर्गत शिरूर पोलिस ठाण्यात गुन्हा दाखल झाला होता. सध्या खोक्या बीड कारागृहातील न्यायालयीन कोठडीत आहे.

पोलिसांनी खोक्याच्या घरावर छापा मारल्यानंतर वन्यप्राण्यांच्या शिकारीचे साहित्य, प्राण्यांचे मांस, गांजा आढळून आलं होता. याप्रकरणी अँडव्होकेट राजन धसे यांनी युक्तिवाद केला. त्यानुसार शिरूर कासार येथील प्रथम वर्ग न्यायदंडाधिकारी यांनी त्याचा जामीन अर्ज मंजूर केला आहे.

खोक्या भाईची कशामुळे चर्चा होती?

शिरूर मधील दिलीप ढाकणे आणि त्याचा मुलगा महेश ढाकणे यांना मारहाण केल्याचा व्हिडिओ समाज माध्यमांवर व्हायरल झाल्यानंतर सतीश भोसले उर्फ खोक्याचे दहशत चर्चेचा विषय बनली होती .गुन्हेगारी पार्श्वभूमी असलेल्या सतीश भोसले विरोधात गंभीर गुन्ह्यांच्या नोंदी आहेत .प्राणघातक हल्ला, फसवणूक, खूनाचा गुन्हा असे वेगवेगळ्या पोलीस ठाण्यांमध्ये गुन्हे दाखल असून वन विभागाच्या जागेवर दुमजली इमारत आणि त्या बाजूला आलिशान ऑफिस मधून सतीश भोसले त्याचा कारभार चालवत असल्याचं समोर आलं होतं .त्यानंतर वन विभागाने त्याच्या घरावर ऑफिसवर बुलडोझर चालवल्यानंतर त्याची न्यायालयीन कोठडीत रवानगी झाली होती . काही महिन्यांपूर्वी सतीश भोसले च्या घरावर वनविभागाने कारवाई केली होती .त्यानंतर त्याच्या घरात शिकारीचे साहित्य तसेच वन्यजीवांचे मास आढळून आले होते .

*सतीश भोसले उर्फ खोक्या वर तीन गुन्हे दाखल आहेत. या गुन्ह्यात सध्या तो न्यायालयीन कोठडीत आहे. यातील वन्यजीव संरक्षण कायद्या अंतर्गत दाखल गुन्ह्यात सतीश भोसलेला जामीन मंजूर झाला आहे.

*बुलढाणा जिल्ह्यातील एका व्यक्तीला बॅटने बेदम मारहाण करतानाचा व्हिडिओ समाज माध्यमावर वायरल झाला होता. या प्रकरणात गुन्हा दाखल आहे.

*शिरूर येथील ढाकणे पिता पुत्राला मारहाण केल्याप्रकरणी शिरूर पोलीस ठाण्यात सतीश भोसले वर दुसरा गुन्हा दाखल झाला.

*तर सतीश भोसलेच्या घराच्या तपासणीत वन्य जीवांचे मांस आढळून आल्याने त्याच्यावर वन्यजीव संरक्षण कायद्यांतर्गत गुन्हा नोंदविण्यात आला होता.

*या तीनही प्रकरणात त्याच्यावर गुन्हे दाखल झाले आणि त्याची न्यायालयीन कोठडीत रवानगी झाली होती. न्यायालयाने एका गुन्ह्यात त्याचा जामीन मंजूर केला आहे

कोण आहे सतीश भोसले ?

सतीश भोसले उर्फ खोक्या भाई हा शिरूर कासार तालुक्यातील झापेवाडीचा रहिवासी आहे . मागील पाच वर्षांपासून तो राजकारणात सक्रिय होता .भाजप आमदार सुरेश धस यांचा जवळचा सहकारी व भाजपचा पदाधिकारी अशी त्याची ओळख आहे .सतीश भोसले वर अनेक गंभीर गुन्ह्यांची नोंद आहे .काही महिन्यांपूर्वी समाज माध्यमांवर दहशत पसरवणारे त्याचे व्हिडिओ व्हायरल झाले होते .वनविभागाची कारवाई व घरात सापडलेल्या ऐवजामुळे बीडमध्ये व राज्यभर खोक्या भाईची एकच चर्चा होती .

आणखी वाचा