दोन्ही राष्ट्रवादीची बोलणी फिस्कटली; पुणे पालिकेसाठी शिवसेना, राष्ट्रवादी एकत्रित येणार? धंगेकर

पुणे: पुणे महानगरपालिकेत अजित पवारांची (Ajit Pawar NCP) राष्ट्रवादी शिंदे यांच्या शिवसेनेसोबत युती करण्यास सकारात्मक असल्याची प्रतिक्रिया रवींद्र धंगेकर (Ravindra Dhangekar) यांनी दिली आहे. भाजप (BJP And Shivsena) शिवसेना युती जागा वाटपावरून होत नाही आणि इकडे दोन्ही राष्ट्रवादीचे जागा वाटपावरून अंतिम निश्चित काही निर्णय होत नसल्याने पुणे महानगरपालिकेत नव्याने शिंदेंची शिवसेना आणि अजित पवारांची राष्ट्रवादी लढण्यासाठी चर्चा सुरू करण्यात आली आहे. भाजपाकडून मान नको मात्र कार्यकर्त्यांचा अपमान ही नको कार्यकर्त्यांना संधी मिळावी यासाठी वरिष्ठांना कार्यकर्त्याच्या भावना सांगितल्याची माहिती रवींद्र धंगेकर (Ravindra Dhangekar) यांनी दिली आहे. दुपारपर्यंत शिवसेनेची भूमिका स्पष्ट करण्यात होईल अशी माहिती रवींद्र धंगेकर यांनी दिली आहे.(Ravindra Dhangekar)

Ravindra Dhangekar: प्रत्येक पक्षाच्या कार्यकर्त्याला मान सन्मान मिळाला पाहिजे

तर धंगेकरांनी कालच्या शिवसेनेच्या कार्यकर्त्यांच्या आक्रमकतेवर बोलताना म्हटलं की, काल आमच्या शिवसेनेच्या कार्यकर्त्यांना भावनांचा उद्रेक झाला, त्यांच्या भावनांचा विचार करून पक्षाने त्यांना सन्मान दिला पाहिजे, फक्त आमच्याच पक्षाचे नाही तर प्रत्येक पक्षाच्या कार्यकर्त्याला मान सन्मान मिळाला पाहिजे, या हेतूने काल आमचे शिष्टमंडळ एकनाथ शिंदे यांना भेटले, त्यानंतर उदय सामंत यांना भेटलो, जर पुणे शहरामध्ये कार्यकर्त्यांना न्याय मिळत नसेल तर मग निवडणुका कोणासाठी लढवायच्या हा महत्त्वाचा विषय आहे, त्याचबरोबर भाजपने जो प्रस्ताव आमच्या शिवसेनेला दिला आहे, तो प्रस्ताव आम्हाला मान्य नाही, त्यांनी ज्या जागा आम्हाला ऑफर केल्या आहेत, त्या जागेवर कधी भाजपही निवडून आलं नाही किंवा शिवसेनाही निवडून आलेली नाही, त्या जागा घेऊन आम्ही काय करणार हा आमचा महत्त्वाचा प्रश्न आहे, असंही रवींद्र धंगेकरांनी म्हटलं आहे.

Ravindra Dhangekar: अशा प्रकारची युती करणे घातक आहे

तर आमच्या पक्षाच्या जागा आम्ही ठरवणार, आमच्या पक्षाचे उमेदवार आम्हीच ठरवणार, तर त्याउलट आमचे उमेदवार पण तेच ठरवणार, जागा देखील तेच ठरवणार, असं असेल तर कार्यकर्त्यांच्या भावना खूप तीव्र आहेत, यामध्ये नेत्यांना तोंड द्यावे लागणार आहे, आम्ही काल एकनाथ शिंदेंना सांगितलं आहे, अशा प्रकारची युती करणे घातक आहे, शेवटी जर तुमच्या जागा निवडून येणार नसतील तर, तर तुम्हाला युतीचा फायदा काय आहे, त्यापेक्षा आपण आपला निर्णय कार्यकर्त्यांच्या बाजूने घेतला पाहिजे, आपण सांगितल्याप्रमाणे, कालच मी चर्चेतून ऐकले, राष्ट्रवादी काँग्रेस अजित पवारांच्या पक्षाने शिवसेनेची बोलण्याची तयारी दर्शवली आहे, शेवटी कार्यकर्त्याच्या भावना या ओळखून पक्ष नेतृत्व निर्णय घेईल, पण कार्यकर्त्यांना न्याय मिळाला पाहिजे, सर्वच पक्षाच्या कार्यकर्त्यांना न्याय मिळाला पाहिजे, हे खऱ्या अर्थाने कार्यकर्त्यांची निवडणूक आहे, असंही रवींद्र धोंगेकर यांनी म्हटले आहे.

NCP Pune: पुण्यात दोन्ही राष्ट्रवादीती प्रस्तावित युती फिस्कटली

पुणे महानगरपालिका निवडणुकीमध्ये एकत्रित जाणाऱ्या दोन्ही राष्ट्रवादी कॉंग्रेसची आघाडीची चर्चा काल (शुक्रवारी, ता २६) फिस्कटली. कारण अजित पवारांनी शरद पवारा़ंच्या पक्षाला अवघ्या तीस ते पस्तीस जागा देऊ केल्यात आणि घड्याळ या चिन्हावर लढण्याची अट घातली असल्याची माहिती समोर आली आहे. त्यामुळे शरद पवारांच्या पक्षाचे अंकुश काकडे (Ankush Kakde) आणि विशाल तांबे (Vishal Tambe) हे काल रात्री झालेल्या महाविकास आघाडीच्या बैठकीला हजर होते. त्यामुळे शरद पवारांचा राष्ट्रवादी कॉंग्रेस पक्ष पुन्हा महाविकास आघाडीत सहभागी होण्याचा प्रयत्न करतोय. मात्र अद्याप कोणताही ठाम निर्णय झालेला नाही, अशी माहिती समोर आली होती, अशातच दोन्ही राष्ट्रवादीची पुणे महापालिकेत आघाडी होणार नाही. आम्ही महाविकास आघाडीतून लढणार असल्याची माहिती  अंकुश काकडे (Ankush Kakde) यांनी दिली आहे. घडाळ्याच्या चिन्हावर लढण्याचा अजित पवारांचा प्रस्ताव शरद पवारांना अमान्य असल्याची माहिती  आहे.

आणखी वाचा