विश्वास नांगरे पाटलांनी संघाची शाखा जॉईन करावी; चंद्रकांत पाटलांची खुली ऑफर, म्हणाले, ‘आरएसएस क

Chandrakant Patil on Vishwas Nangre Patil: नागपूरचे नवनयुक्त पोलीस आयुक्त आणि प्रसिद्ध आयपीएस (IPS) अधिकारी विश्वास नांगरे पाटील (Vishwas Nangre Patil) यांच्या राष्ट्रीय स्वयंसेवक संघाच्या (RSS) मुख्यालयातील भेटीमुळे राज्यभरात राजकीय वादाला तोंड फुटले आहे. या मुद्द्यावरून विरोधी पक्षांनी नांगरे पाटलांवर टीकेची झोड उठवली असताना, राज्याचे उच्च व तंत्रशिक्षण मंत्री चंद्रकांत पाटील (Chandrakant Patil) यांनी मात्र त्यांची जोरदार पाठराखण केली आहे. चंद्रकांत पाटील यांनी थेट विश्वास नांगरे पाटील यांना संघाची शाखा जॉईन करण्याची खुली ऑफर दिली आहे.

Chandrakant Patil on Vishwas Nangre Patil: नेमकं काय म्हणाले चंद्रकांत पाटील?

नांगरे पाटील यांच्यावर होणाऱ्या टीकेला उत्तर देताना चंद्रकांत पाटील यांनी त्यांची पाठराखण केली. चंद्रकांत पाटील म्हणाले की, “विश्वास नांगरे पाटील हे आरएसएस मुख्यालयात गेले हे चुकीचे नाही. राष्ट्रीय स्वयंसेवक संघ काय देशद्रोही संघटना नाही. ती देशप्रेम शिकवणारी संघटना आहे. त्यावर बंदी आहे का? असा प्रश्नच चंद्रकांत पाटील यांनी उपस्थित केला. याचबरोबर संघाचे विचार हे अत्यंत मार्गदर्शक आहेत, त्यामुळे विश्वास नांगरे पाटील यांनी संघाची शाखा जॉईन करावी, तिथं संस्कार मिळतात, असे देखील त्यांनी म्हटले. सांगली महापालिका आयुक्त संजिता महापात्र यांनीही राष्ट्रसेविका संघात यावे, तिथे अभ्यास मिळतो, असेही चंद्रकांत पाटील म्हणाले.

Vishwas Nangre Patil: नेमकं काय आहे प्रकरण?

विश्वास नांगरे पाटील यांचा एक व्हिडिओ सोशल मीडियावर मोठ्या प्रमाणात व्हायरल होत असून, त्यावरून राज्याच्या राजकीय वर्तुळात नव्या चर्चेला सुरुवात झाली आहे. या व्हिडिओमध्ये ते एका हिंदू संमेलनात राष्ट्रीय स्वयंसेवक संघ (RSS) आणि त्याचे संस्थापक डॉ. केशव बळीराम हेडगेवार यांच्या कार्याचा उल्लेख करताना आणि त्यांच्या योगदानाचे कौतुक करताना दिसत आहेत. हा व्हिडिओ समोर आल्यानंतर त्यावर विविध स्तरांतून संमिश्र प्रतिक्रिया उमटू लागल्या आहेत. सरकारी सेवेत असलेल्या एका वरिष्ठ अधिकाऱ्याने सार्वजनिक व्यासपीठावर अशा प्रकारची भूमिका मांडणे योग्य नसल्याचे मत अनेक नेटकऱ्यांनी व्यक्त केले आहे.

Congress on Vishwas Nangre Patil: काँग्रेसची नांगरे पाटलांवर टीका

या प्रकरणावर केवळ स्थानिक पातळीवरच नव्हे, तर राज्य पातळीवरही तीव्र पडसाद उमटले आहेत. महाराष्ट्र काँग्रेसने आपल्या अधिकृत सोशल मीडिया हँडलवरून विश्वास नांगरे पाटील यांच्यावर थेट निशाणा साधला आहे. संविधानाची शपथ घेतलेल्या वरिष्ठ पोलीस अधिकाऱ्यांनी राजकीय किंवा वैचारिक भूमिका सार्वजनिकपणे मांडणे हे लोकशाहीच्या तत्त्वांशी विसंगत असल्याचा आरोप काँग्रेसने आपल्या पोस्टमध्ये केला आहे. तसेच पोलीस अधिकाऱ्यांची भूमिका ही कायदा आणि सुव्यवस्था राखण्यापुरती मर्यादित असावी, असेही पक्षाने स्पष्ट केले आहे. नांगरे पाटील यांची नागपूर येथे पोलीस आयुक्त म्हणून झालेली बदली हा याच राजकीय अजेंड्याचा भाग असल्याचा संशय व्यक्त करत काँग्रेसने राज्य सरकारवरही अप्रत्यक्ष प्रहार केला आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Praful Gudadhe on Vishwas Nangre Patil: ‘विश्वास नांगरे पाटील अर्बन नक्षल म्हणून माझा एन्काऊंटर करतील’; नागपूर काँग्रेस शहराध्यक्षांचा गंभीर आरोप