कंबोडियात माझ्यासह आणखी 6 भारतीयांची किडनी काढली; चंद्रपूरातील पीडित शेतकऱ्याचा खळबळजनका दावा

चंद्रपूर : कंबोडिया (Cambodia) येथे माझ्यासोबत आणखी 6 भारतीय लोकांची देखील किडनी काढण्यात आली, असा खळबळपालक दावा चंद्रपूरच्या नागभीड तालुक्यातील मिंथुर येथे राहणाऱ्या रोशन कुडे या बळी शेतकऱ्याने (Chandrapur Farmer)  केला आहे. दरम्यानकुडे यांच्या या नव्या दाव्यामुळे या संपूर्ण प्रकरणामागे मोठं रॅकेट असण्याची शक्यता वर्तविण्यात येत आहे. कंबोडिया येथे किडनी काढण्यासाठी गेलेल्या लोकांमध्ये कुडे यांच्यासोबत राजस्थान, पंजाब, हरियाणा, बिहार आणि उत्तर प्रदेशातील युवकाचा समावेश आहे. पुढे यांच्या सोबत असलेला नाशिक येथील तरुण एअरपोर्टवरून पळून गेल्याची देखील माहिती देखील रोशन कुडे या बळी शेतकऱ्याने दिली (कर्जाच्या परतफेडीसाठी चंद्रपूरच्या शेतकऱ्याने विकली किडनी)

Roshan Kude : राजस्थान, पंजाब, हरियाणा, बिहार आणि उत्तर प्रदेशातील युवकाचा समावेश

कोरोना काळात डबघाईला आलेला दुधाचा व्यवसाय आणि त्यानंतर आलेल्या लंपी आजारामुळे रोशन कुडे सावकाराकडून घेतलेले अवघे एक लाख रुपयांचे कर्ज फेडू शकले नाही. मात्र दुसरीकडे सावकार त्याला पद्धतशीर आपल्या जाळ्यात अडकवत राहिले. व्याजावर व्याज चढवत लाखो रुपयांची रक्कम त्याच्याकडून लाटली आणि अखेर त्याला किडनी विकण्यास भाग पाडलं, असा धक्कादेणारा प्रकार रोशन कुडे या शेतकऱ्यासोबत चंद्रपूर येथे घडला होईल. या घटनेनं संपूर्ण राज्यात एकच खळबळ उडालीय. अशातच आता या प्रकरणाबाबत रोशन कुडे यांनी खळबळhनाक दावा केला आहे. (कर्जाच्या परतफेडीसाठी चंद्रपूरच्या शेतकऱ्याने विकली किडनी)

SIT : आंतरराष्ट्रीय कनेक्शन, मोठे रॅकेट कार्यरत? चौकशीसाठी विशेष तपास पथकाची स्थापना

रोशन कुडे यांच्या या दाव्यामुळे देशभरातील गरजू तरुणांना हेरून कंबोडिया येथे नेऊन त्यांची किडनी काढण्यात येत असल्याची शक्यता वर्तविण्यात येत आहे. मिंथूर येथील शेतकऱ्याच्या किडनी विक्री प्रकरणी जिल्हा पोलीस अधिक्षकांकडून विशेष तपास पथकाचं (SIT) गठन करण्यात आलं आहे. नागभीड तालुक्यातील रोशन कुडे या युवा शेतकऱ्याने कर्ज फेडण्यासाठी स्वतःची किडनी विकल्याचे प्रकरण समोर आल्यानंतर याच्या चौकशीसाठी पोलिसांनी एक विशेष तपास पथकाची ( SIT) स्थापना केली आहे. जिल्हा पातळीवरील हे पथक असून अतिरिक्त पोलिस अधीक्षक ईश्वर कातकडे यांच्या नेतृत्वात आणि पोलिस अधीक्षकांच्या अधिपत्याखाली हे पथक काम करणार आहे. अवयव विक्री प्रकरणाचे आंतरराष्ट्रीय कनेक्शन बघता यात एखादे मोठे रॅकेट कार्यरत आहे का? याचा तपास प्रामुख्याने हे पथक करणार आहे.

आणखी वाचा

आणखी वाचा