श्रेया मोठा गेम झाला रे… ना वैभव, ना अभिषेक, ना कोणता गोलंदाज चालला! आयर्लंडपाठोपाठ इंग्लंडने

इंग्लंड विरुद्ध भारत चौथी T20I : कर्णधार श्रेयस अय्यरच्या नेतृत्वाखाली खेळणाऱ्या भारतीय संघाला सलग दुसऱ्या टी-20 मालिकेत पराभवाचा धक्का सहन करावा लागला आहे. आधी आयर्लंडविरुद्धची टी-20 मालिका 2-0 ने गमावल्यानंतर, आता इंग्लंडविरुद्धच्या पाच सामन्यांच्या टी-20 मालिकेतही भारताला 3-0 असा पराभव स्वीकारावा लागला आहे. ब्रिस्टलच्या काउंटी ग्राऊंडवर खेळवल्या गेलेल्या चौथ्या टी-20 सामन्यात इंग्लंडने भारतावर 9 गडी राखून दणदणीत विजय मिळवला.

कर्णधार श्रेयस अय्यरची वादळी खेळी, बाकी सगळे नापास

सामन्यात नाणेफेक जिंकून प्रथम फलंदाजी करणाऱ्या भारतीय संघाची सुरुवात अत्यंत खराब झाली. सलामीवीर वैभव सूर्यवंशी अवघ्या 15 धावा करून जोफ्रा आर्चरचा बळी ठरला. त्यानंतर आलेला विकेटकीपर फलंदाज इशान किशनही (4) स्वस्तात बाद झाला. लागोपाठ विकेट्स पडल्यामुळे भारतीय संघ दबावाखाली आला. अभिषेक शर्माने (16) काही चांगले फटके मारले, पण तोही आदिल रशीदच्या चेंडूवर झेलबाद झाला. भारताची अवस्था 6.4 षटकांत 3 बाद 48 अशी बिकट झाली होती.

अशा कठीण प्रसंगी कर्णधार श्रेयस अय्यरने दुसरे टोक धरून ठेवले. त्याने शिवम दुबेसोबत (22) चौथ्या विकेटसाठी 53 धावांची महत्त्वाची भागीदारी करत भारतीय डावाला आकार दिला. दुबे बाद झाल्यानंतर तिलक वर्माने (11) एक षटकार मारून चांगली साथ देण्याचा प्रयत्न केला, पण तो मोठी खेळी करू शकला नाही. वॉशिंग्टन सुंदर (5) आणि अक्षर पटेल (1) धावा करून झटपट बाद झाले. परंतु, दुसऱ्या बाजूने श्रेयस अय्यरचा रुद्रावतार पाहायला मिळाला. त्याने अवघ्या 49 चेंडूंमध्ये 4 चौकार आणि 5 गगनचुंबी षटकारांच्या मदतीने नाबाद 80 धावांची खेळी केली. त्याच्या या खेळीमुळेच भारताला १५८ धावांपर्यंत पोहोचता आले.

इंग्लंडकडून जोफ्रा आर्चरने अत्यंत भेदक गोलंदाजी करत 4 षटकांत फक्त 20 धावा देऊन 2 बळी घेतले. जोश टंगलाही 36 धावांत 2 विकेट्स मिळाल्या. विल जॅक्स आणि आदिल रशीद यांनी प्रत्येकी 1-1 बळी घेतला, मात्र आदिल रशीदच्या 4 षटकांत भारतीय फलंदाजांनी 49 धावा दिल्या.

इंग्लंडच्या ‘सॉल्ट’ आणि ‘ब्रूक’चं वादळ

159 धावांच्या आव्हानाचा पाठलाग करताना इंग्लंडच्या फलंदाजांनी भारतीय गोलंदाजीचा पुरता धुव्वा उडवला. इंग्लंडचा सलामीवीर फिल सॉल्ट आणि कर्णधार हॅरी ब्रूक यांनी भारतीय गोलंदाजांची सुरुवातीपासूनच धुलाई केली. या दोघांनी वैयक्तिक उत्कृष्ट खेळी करत सामना पूर्णपणे एकतर्फी केला. इंग्लंडने केवळ 1 गडी गमावून हे लक्ष्य सहज गाठले आणि 9 गडी राखून विजय मिळवला. या विजयामुळे पाच सामन्यांच्या या टी-20 मालिकेत इंग्लंडने 3-0 अशी अजेय आघाडी घेत मालिका आपल्या खिशात घातली आहे.

सलग दुसरी मालिका गमावली!

या पराभवामुळे वर्ल्डकप विजेत्या टीम इंडियाच्या टी-20 संघावर प्रश्नचिन्ह उपस्थित झाले आहे. सलग दुसऱ्या टी-20 मालिकेत भारताला पराभव स्वीकारावा लागला असून, कर्णधार श्रेयस अय्यरच्या नेतृत्वाखाली संघाला अपेक्षित यश मिळत नसल्याचे चित्र दिसत आहे. विशेष म्हणजे, या मालिकेत भारतीय फलंदाजी सातत्याने अपयशी ठरली.

हे ही वाचा –

Vaibhav Sooryavanshi Ind vs Eng 4th T20 : आर्चरच्या ‘ब्रह्मास्त्रा’समोर पुन्हा वैभव सूर्यवंशीचा गेम! एकाच जाळ्यात दुसऱ्यांदा चितपट, चौथ्या टी-20 सामन्यात किती धावा केल्या?