भारत-इंग्लंड शेवटच्या अन् पाचव्या टी-20 मॅचची वेळ बदलली; रात्री 10 वाजता नाही, तर… कधी आणि कु

इंग्लंड विरुद्ध भारत 5वी T20I अपडेट : भारत आणि इंग्लंड यांच्यात सुरू असलेल्या पाच सामन्यांच्या टी-20 मालिकेतील चौथ्या सामन्यात टीम इंडियाला दारुण पराभवाचा सामना करावा लागला. ब्रिस्टल येथे झालेल्या या सामन्यात इंग्लंडने भारतावर 9 विकेट्सने सहज विजय मिळवत मालिका 3-0 अशी आपल्या नावावर केली. आता मालिकेतील पाचवा आणि अखेरचा सामना भारतासाठी प्रतिष्ठेचा ठरणार असून, श्रेयस अय्यरच्या नेतृत्वाखालील संघ विजयासह मालिकेचा शेवट गोड करण्याच्या निर्धाराने मैदानात उतरणार आहे.

पाचवा टी-20 सामना कधी खेळवला जाणार? (ENG vs IND 5th T20I)

भारत आणि इंग्लंड यांच्यातील मालिकेतील पाचवा आणि अंतिम टी-20 सामना 11 जुलै (शनिवार) रोजी खेळवण्यात येणार आहे. हा सामना इंग्लंडमधील साउथॅम्प्टन येथील द रोज बाउल स्टेडियमवर रंगणार असून, मालिकेतील अखेरच्या लढतीकडे क्रिकेट चाहत्यांचे लक्ष लागले आहे.

पुन्हा बदलली सामन्याची वेळ

या मालिकेतील सामन्यांच्या वेळापत्रकात पुन्हा एकदा बदल करण्यात आला आहे. सुरुवातीला सामना भारतीय वेळेनुसार रात्री 10 वाजता सुरू होणार असल्याची माहिती होती. मात्र आता हा सामना भारतीय वेळेनुसार संध्याकाळी 7 वाजता सुरू होईल. तर दोन्ही संघांचे कर्णधार संध्याकाळी 6.30 वाजता नाणेफेकीसाठी मैदानात येतील.

इंग्लंडने मालिका आधीच खिशात घातली

पाच सामन्यांच्या मालिकेत भारताची कामगिरी अत्यंत निराशाजनक ठरली आहे. मालिकेतील पहिला सामना पावसामुळे रद्द झाला. त्यानंतर मँचेस्टरमध्ये झालेल्या दुसऱ्या सामन्यात इंग्लंडने 4 विकेट्सने विजय मिळवला. तिसऱ्या सामन्यात नॉटिंगहॅम येथे भारताला तब्बल 125 धावांनी पराभव स्वीकारावा लागला. त्यानंतर ब्रिस्टलमध्ये झालेल्या चौथ्या सामन्यात इंग्लंडने 9 विकेट्सने सहज विजय मिळवत मालिका 3-0 अशी जिंकली. त्यामुळे अखेरचा सामना केवळ प्रतिष्ठेचा राहिला आहे.

लाईव्ह सामना कुठे पाहता येणार?

भारत विरुद्ध इंग्लंड पाचव्या टी-20 सामन्याचे थेट प्रक्षेपण सोनी स्पोर्ट्स नेटवर्कवर पाहता येणार आहे. Sony Sports 3 वर हिंदी समालोचनासह सामना पाहता येईल. Sony Sports 5 वर इंग्रजी समालोचन उपलब्ध असेल. सामन्याचे लाईव्ह स्ट्रीमिंग JioHotstar अॅप आणि वेबसाइटवर उपलब्ध असेल. याशिवाय DD Sports 1.0 वर फ्री डिश वापरणाऱ्या प्रेक्षकांनाही या सामन्याचा मोफत आनंद घेता येणार आहे. भारतीय संघ मालिका गमावून बसला असला, तरी अखेरच्या सामन्यात विजय मिळवत इंग्लंड दौऱ्याचा शेवट सकारात्मक करण्याचा प्रयत्न करेल. त्यामुळे साउथॅम्प्टनमध्ये रंगणाऱ्या या लढतीकडे सर्व क्रिकेटप्रेमींचे लक्ष लागले आहे.

भारतीय क्रिकेट संघटना: अभिषेक शर्मा, वैभव सूर्यवंशी, इशान किशन (यष्टीरक्षक), श्रेयस अय्यर (कर्णधार), टिळक वर्मा, शिवम दुबे, अक्षर पटेल, हर्षित राणा, प्रिन्स यादव, अर्शदीप सिंग, वरुण चक्रवर्ती, संजू सॅमसन, प्रसिध कृष्णा, वॉशिंग्टन सुंदर, रवी बिश्नोई, सूर्यांश शेडगे.

इंग्लंड क्रिकेट संघ : फिलिप सॉल्ट, जोस बटलर (यष्टिरक्षक), हॅरी ब्रूक (कर्ंधर), जेकब बेथेल, टॉम बंटन, सॅम कुरन, विल जॅक, जोफ्रा आर्चर, लियाम डॉसन, आदिल रशीद, जोश टोंगे, सोनी बेकर, रेहान अहमद, जॉर्डन कॉक्स, साकीब वूड, साकीब वुडन.

हे ही वाचा –

एकीकडे पराभव… दुसरीकडे ऑलिम्पिकचं तिकीट धोक्यात! सलग पराभवांनी टीम इंडियाची वाढवली धाकधूक; पाकिस्तान मारणार मोठी बाजी? जाणून घ्या संपूर्ण समीकरण