गौतम गंभीरला हटवलं जाणार, 'हा' दिग्गज बनणार मुख्य प्रशिक्षक; श्रेयस अय्यरच्या कर्णधारपदाबाबत मोठी भविष्यवाणी

क्रिकेटमध्ये असं रोज-रोज घडत नाही, जेव्हा काही महिन्यांपूर्वी ज्या कर्णधाराच्या नेतृत्वाखाली संघाने टी-२० वर्ल्ड कप जिंकला असेल, त्यालाच संघातून बाहेर काढलं जातं. हे नुकतंच भारतात घडलं आहे, कारण सूर्यकुमार यादवच्या जागी श्रेयस अय्यर नवीन टी-२० कर्णधार बनला आहे. यावर इंग्लंडचा दिग्गज क्रिकेटपटू मायकल वॉनने प्रतिक्रिया देत म्हटलं आहे की, भारतात टॅलेंटची (प्रतिभेची) अजिबात कमतरता नाही. पण जेव्हा त्याला श्रेयस नवीन टी-२० कर्णधार बनल्याची माहिती मिळाली, तेव्हा त्याला वाटलं की रिकी पाँटिंग भारतीय संघाचे प्रशिक्षक बनणार आहेत.

च्याअजिंक्य रहाणेच्या युट्युब चॅनेलवर बोलताना मायकल वॉन म्हणाला, “जेव्हा मी हे ऐकलं तेव्हा मला वाटलं की रिकी पाँटिंग टीम इंडियाचे प्रशिक्षक असतील, कारण त्या दोघांची जोडी कमालीची आहे. तो (श्रेयस) खूप चांगला कर्णधार आहे, उत्कृष्ट खेळाडू आहे आणि यावरून हे स्पष्ट होतं की भारतीय क्रिकेटमध्ये, विशेषतः टी-२० क्रिकेटमध्ये किती खोली आणि ताकद आहे. असं कदाचितच इतर कोणत्याही देशात घडत असेल, जिथे नुकतीच तुम्हाला टी-२० वर्ल्ड कपची ट्रॉफी जिंकून देणाऱ्या कर्णधाराला संघातून वगळलं जातं.”

च्याश्रेयस अय्यर आणि रिकी पाँटिंगची जोडी नेहमीच कमाल करत आली आहे. वर्ष २०२० मध्ये श्रेयस अय्यर दिल्ली कॅपिटल्सचा कर्णधार होता आणि रिकी पाँटिंग प्रशिक्षक होते, त्या हंगामात दिल्लीचा संघ आयपीएलच्या (IPL) फायनलमध्ये पोहोचला होता. त्यानंतर २०२५ च्या हंगामात रिकी पाँटिंग आणि श्रेयस अय्यरची जोडी पुन्हा एकदा एकत्र आली, पण यावेळी दोघेही पंजाब किंग्स संघाचा भाग होते. २०२५ च्या हंगामात पंजाबचा संघ फायनलपर्यंत पोहोचला होता आणि २०२६ च्या हंगामातही पंजाबचा संघ प्लेऑफपर्यंत पोहोचला.

च्याभारतीय कर्णधार म्हणून श्रेयस अय्यरच्या प्रवासाची सुरुवात मात्र खराब झाली आहे. गेल्या शुक्रवारी अय्यरच्या नेतृत्वाखाली भारताला आयर्लंडविरुद्ध ३४ धावांनी पराभवाचा सामना करावा लागला. आंतरराष्ट्रीय क्रिकेटच्या इतिहासात आयर्लंडने टीम इंडियावर विजय मिळवण्याची ही पहिलीच वेळ होती.