IND vs WI: चौथ्या टी-20 मध्ये भारताचा सर्वात वेगवान अर्धशतकाचा विक्रम! संजू सॅमसनचं ‘या’ बाबतीत शतक पूर्ण

भारत आणि वेस्ट इंडिज (T20 series between India vs West Indies) यांच्यात हैदराबादच्या राजीव गांधी आंतरराष्ट्रीय स्टेडियमवर चौथा टी-20 सामना खेळला जात आहे. या सामन्यात वेस्ट इंडिजने शाई होपच्या (Captain of West Indies) आक्रमक शतकाच्या जोरावर 20 षटकांत 3 विकेट्स गमावून 247 धावा केल्या. या लक्ष्याचा पाठलाग करताना भारतीय संघाने सुरुवातीच्या तीन षटकांतच इतिहास रचला. याचदरम्यान संजू सॅमसननेही एक मोठा विक्रम आपल्या नावावर केला.

248 धावांच्या लक्ष्याचा पाठलाग करताना भारताने अवघ्या 3 षटकांत 50 धावा पूर्ण केल्या. टी-20 आंतरराष्ट्रीय क्रिकेटच्या इतिहासात भारतीय संघाने 50 धावा पूर्ण करण्याची ही सर्वात वेगवान वेळ ठरली. यापूर्वी भारताने याच वर्षी न्यूझीलंडविरुद्ध 3.1 षटकांत 50 धावा पूर्ण केल्या होत्या.

संजू सॅमसनने (Sanju Samson) अवघ्या 23 चेंडूंत 56 धावांची आक्रमक खेळी केली. या खेळीत त्याने 6 चौकार आणि 4 षटकार मारले. या खेळीदरम्यान त्याने टी-20 आंतरराष्ट्रीय क्रिकेटमध्ये 100 षटकार पूर्ण करण्याचा टप्पा गाठला.

संजूने भारतीय डावातील 3.4 षटकांत आपले अर्धशतक पूर्ण केले. त्याने अवघ्या 20 चेंडूंत दमदार अर्धशतक झळकावले. टी-20 आंतरराष्ट्रीय क्रिकेटमध्ये सर्वात वेगवान अर्धशतक करण्याच्या विक्रमाची त्याने बरोबरी केली. यापूर्वी गेल्या महिन्यात दिल्ली येथे अफगाणिस्तानविरुद्धच्या सामन्यातही संजूने 20 चेंडूंत अर्धशतक पूर्ण केले होते.

टी-20 आंतरराष्ट्रीय क्रिकेटमध्ये सर्वात वेगवान अर्धशतके

3.4 SIXTK – जेन फ्रायलिंक (नामिबिया) वि. झिम्बाब्वे, बुलावायो, 2025

3.4 षटके – संजू सॅमसन (भारत) विरुद्ध वेस्ट इंडिज, हैदराबाद, 2026

3.6 षटके – कुलदीप घोलिया (पोर्तुगाल) विरुद्ध माल्टा, जिब्राल्टर, 2023

3.6 षटके – पॅट्रिक मातुआतावा (वानुआतू) विरुद्ध मलेशिया, क्वालालंपूर, 2019

टी-20 आंतरराष्ट्रीय सामन्यांमध्ये भारताकडून पॉवरप्लेमध्ये केलेल्या सर्वोच्च वैयक्तिक धावा!

76 (22 चेंडू)* – अभिषेक शर्मा विरुद्ध अफगाणिस्तान, दिल्ली, 2026

58 (21 चेंडू)* – अभिषेक शर्मा विरुद्ध इंग्लंड, मुंबई विश्वचषक, 2025

56 (23 चेंडू)* – ईशान किशन विरुद्ध न्यूझीलंड, रायपूर, 2026

56 (23 चेंडू) – संजू सॅमसन विरुद्ध वेस्ट इंडिज, हैदराबाद, 2026

54 (19 चेंडू) – अभिषेक शर्मा विरुद्ध वेस्ट इंडिज, इंदोर, 2026