उन्हाळा सुरू होताच शरीराशी संबंधित समस्या वाढू लागतात. त्याचप्रमाणे केसांच्या समस्याही वाढू लागतात. कोंडा, केस गळणे, केस तुटणे इत्यादी लक्षणे सुरुवातीच्या दिवसात लक्षात येत नाहीत. पण कालांतराने हा त्रास वाढू लागतो आणि टक्कल पडण्याची भीती मनात निर्माण होते. वातावरणात सतत होणारे बदल, कामाचा वाढता ताण, पोषक तत्वांची कमतरता इत्यादींचा केसांवर लगेच परिणाम होतो. उन्हाळ्यात कुठेही गेल्यावर भरपूर घाम येतो. घामामुळे केस पूर्णपणे ओले होतात. ओले केस योग्य वेळी न सुकवल्यामुळे कोंडा वाढतो. डोक्यातील कोंडा झाल्यानंतर टाळूला खूप खाज येते.(छायाचित्र सौजन्य – istock)
केसगळती आणि टक्कल पडण्याची भीती वाटते? केसांच्या वाढीसाठी केळीची साल अशा प्रकारे वापरा, केस दाट होतील
केसांची योग्य काळजी न घेतल्याने टाळूवर कोंडा वाढू लागतो आणि केस निस्तेज होतात. स्कॅल्प डँड्रफवर वेळीच लक्ष न दिल्यास बुरशीजन्य संसर्ग होण्याची शक्यता असते. कोंडा कमी करण्यासाठी महिला बाजारात मिळणारे वेगवेगळे शाम्पू वापरतात, मात्र त्याऐवजी घरगुती उपायांचा वापर करावा. आज आम्ही तुम्हाला कोंडा कमी करण्यासाठी तुरटीचा वापर कसा करावा हे सविस्तर सांगणार आहोत.
केसांमधील कोंडा कमी करण्यासाठी या प्रकारे तुरटी लावा:
तुरटी हा अतिशय कोरडा पदार्थ आहे. त्यामुळे तुरटी चेहऱ्यावर किंवा केसांवर लावताना थेट कधीही लावू नका. यासाठी एका भांड्यात खोबरेल तेल घ्या आणि त्यात तुरटी पावडर मिसळा. तयार मिश्रण केसांच्या मुळापासून टोकापर्यंत लावा. 15 मिनिटांनंतर केसांना हलक्या हाताने मसाज करा आणि सौम्य शॅम्पूने धुवा. यामुळे कोंडा कमी होण्यास मदत होईल.
उन्हामुळे तुमचा चेहरा जळला आहे का? मग बटाट्याचा रस 'अशा' पद्धतीने वापरा, त्वचेवरील जळजळ कमी होईल
केसांमध्ये खूप कोंडा होत असल्यास रोजच्या शॅम्पूमध्ये तुरटी पावडर मिसळून केस धुवा. यामुळे कोंडा दूर होऊन केस स्वच्छ होण्यास मदत होते. तुरटीच्या मिश्रणाने केसांच्या मुळांना हलक्या हाताने मसाज केल्याने सकारात्मक फरक दिसून येतो. तुरटीमध्ये नैसर्गिक अँटी-बॅक्टेरियल आणि अँटी-फंगल गुणधर्म असतात. यामुळे टाळूवरील बुरशीजन्य संसर्ग कमी होण्यास मदत होईल. तसेच तुमचे केस स्वच्छ होतील. केसांमधील कोंडा कमी करण्यासाठी तेल किंवा इतर कोणताही शॅम्पू चुकीच्या पद्धतीने वापरू नका. यामुळे केस खराब होण्याची दाट शक्यता असते.
Comments are closed.