कृणाल पांड्याकडे नेतृत्वपद; भुवनेश्वर कुमारची रिप्लेसमेंट जाहीर, 34 वर्षांच्या गोलंदाजाची टीम इंडियामध्ये एंट्री

जाहीर झालेल्या एका भारतीय संघात मोठा बदल झाला आहे, ज्यामुळे कृणाल पांड्याची कर्णधारपदी निवड झाली आहे. त्याचबरोबर भुवनेश्वर कुमारच्या बदली खेळाडूचे नावही जाहीर झाले आहे. ‘हॉंगकॉंग सिक्सेस २०२६’ साठी भारताच्या संघात हे बदल झाले आहेत.

या स्पर्धेत भारताचे नेतृत्व भुवनेश्वर करणार होता, मात्र त्याचा भारताच्या न्यूझीलंड दौऱ्यातील टी२० संघात समावेश करण्यात आला. या कारणास्तव तो हॉंगकॉंग सिक्सेस स्पर्धेत खेळणार नाही. त्यामुळे संघाच्या नेतृत्वपदी कृणालला नियुक्त केले, तर गुजरात टायटन्सच्या 34 वर्षीय वेगवान गोलंदाजाचा संघात समावेश करण्यात आला.

भारताचा न्यूझीलंड दौरा २२ ऑक्टोबरपासून सुरू होणार आहे. यामध्ये पहिले टी२० मालिका खेळली जाणार असून शेवटचा टी२० सामना, १ नोव्हेंबर रोजी खेळला जाणार आहे. दुसरीकडे ३० ऑक्टोबरपासून हॉंगकॉंग सिक्सेस स्पर्धा सुरू होणार आहे. यामुळे भुवनेश्वरच्या जागी गुजरात टायटन्सचा वेगवान गोलंदाज कुलवंत खेजरोलिया या हॉंगकॉंग सिक्सेससाठी संघात सामील केले आहे.

कर्णधारपदी नियुक्ती झाल्यानंतर कृणालने त्याच्या सोशल मीडियाच्या अकाउंटवरून एक व्हिडिओ शेअर केला. त्यामध्ये त्याने चाहत्यांना हॉंगकॉंग सिक्सेस स्पर्धेत भारताला पाठिंबा देण्याचे आवाहन केले आहे.

कृणालला नेतृत्वपदाचा अनुभव आहे. त्याने सहा आयपीएल सामन्यांमध्ये संघांचे नेतृत्व केले आहे. त्यामधील तीन सामने जिंकले, तर दोन गमावले.