मुंबई-आग्रा महामार्गावर डंपर, ट्रक अन् ट्रॅव्हल्सचा विचित्र अपघात; बचावकार्य करणाऱ्या टोल कर्मच

मुंबई-आग्रा महामार्गावरील अपघात: मुंबई-आग्रा महामार्गावरील (Mumbai-Agra Highway) धुळे (Dhule) जवळील लळींग घाट परिसरात आज पहाटेच्या सुमारास एक अत्यंत भीषण आणि थरकाप उडवणारा तिहेरी अपघात (Accident) घडला आहे. रेतीचा डंपर, ट्रक आणि एक खाजगी ट्रॅव्हल्स बस यांच्यात झालेल्या या विचित्र अपघातात 6 जणांचा जागीच मृत्यू (Instant Death) झाला आहे. तर तब्बल 26 प्रवासी गंभीर जखमी (Injured) झाले असून त्यांच्यावर रुग्णालयात उपचार सुरू आहेत.

Mumbai-Agra Highway Accident: बचावकार्य सुरू असतानाच ट्रॅव्हल्सने चिरडले

याबाबत मिळालेल्या प्राथमिक माहितीनुसार, आज पहाटेच्या सुमारास लळींग घाटात आधी रेतीने भरलेला डंपर आणि एका ट्रकची समोरासमोर जोरदार धडक झाली. या अपघाताची माहिती मिळताच हायवे पेट्रोलिंग पथक (Patrolling Team) आणि महामार्गावरील टोल कर्मचारी (Toll Staff) तातडीने मदतीसाठी घटनास्थळी धावून आले. हे कर्मचारी अपघातग्रस्त वाहनांमधील जखमी प्रवाशांना बाहेर काढण्याचे मदतकार्य (Rescue Operation) करत होते.

मदतकार्य सुरू असतानाच, मागून येणाऱ्या एका भरधाव खाजगी ट्रॅव्हल्स बसने नियंत्रण सुटल्यामुळे घटनास्थळावरील ट्रक आणि डंपरला अत्यंत भीषण धडक दिली. या धडकेत ट्रॅव्हल्सच्या केबिनमध्ये बसलेले काही प्रवासी आणि तिथे मदत करत असलेला टोल कर्मचारी गंभीर चिरडला गेला. या भीषण अपघातामुले 6 जणांना आपले प्राण गमवावे लागले. सहकारी कर्मचाऱ्याचा असा दुर्दैवी मृत्यू झाल्याने टोल कर्मचारी घटनास्थळी अत्यंत आक्रमक (Aggressive) झाले होते.

Mumbai-Agra Highway Accident: जखमींवर जिल्हा रुग्णालयात उपचार सुरू

या भीषण अपघातातील 26 जखमींना स्थानिक नागरिक आणि पोलिसांच्या मदतीने तातडीने धुळ्यातील भाऊसाहेब हिरे जिल्हा शासकीय रुग्णालयात (District Government Hospital) उपचारासाठी दाखल करण्यात आले आहे. यातील काही जणांची प्रकृती गंभीर असल्याची माहिती मिळत आहे. अपघाताची भीषणता इतकी मोठी होती की, महामार्गावरील वाहतूक काही काळासाठी पूर्णपणे विस्कळीत झाली होती. घटनेची माहिती मिळताच स्थानिक पोलीस आणि प्रशासनाने तात्काळ धाव घेत वाहतूक पुन्हा सुरळीत केली. अपघाताचे नेमके कारण अद्याप समजू शकले नसून, धुळे पोलिसांकडून याप्रकरणी पुढील तपास सुरू आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Ambenali Ghat Scorpio Accident: चेंदामेंदा झालेली स्कॉर्पिओ, पाच फूट अंतरावर मृतदेहांची रास, 1000 फूट खाली आंबेनळी घाटातील भयानक दृश्य

Jalgaon News: शेतात काम करताना तोल गेला अन् रोटरमध्ये सापडून 28 वर्षीय तरुणाचा दुर्दैवी अंत; जळगावात काळीज पिळवटून टाकणारी घटना

आणखी वाचा