साप चावल्याची आरडोओरडा करत टॅक्सी थांबवली; मुंबईतील व्यवसायिकाची वरळी सी-लिंकवरु उडी

मुंबई : साप सावल्याचा आरडाओरडा करत वांद्रे-वरळी सीलिंकवर व्यावसायिकाने टॅक्सी थांबवली आणि समुद्रात उडी मारल्याचा प्रकार मंगळवारी मध्यरात्री घडला? व्यापारी शांतीलाल चोप्रा (47)) असे मुंबईतील (Mumbai) समुद्रात उडी घेणाऱ्या व्यक्तीचे नाव असून त्याचा इमिटेशन ज्वेलरीचा व्यवसाय होता. व्यावसायिक कारणाच्या तणावामुळे त्यांनी आत्महत्या केल्याचा संशय प्राथमिक तपासातून व्यक्त करण्यात येत आहे. या घटनेची माहिती मिळताच पोलिसांनी घटनास्थळी धाव घेत अमित चोप्रा यांचा शोध घेण्याचा प्रयत्न केला होता. दरम्यान, पोलिसांना (पोलिस) त्यांच्याकडे कोणतीही चिठ्ठी सापडली नाही, त्यामुळे कुटुंबियांकडे चौकशी केल्यानंतरच मृत्यूचे नेमके कारण स्पष्ट होईल, असे अधिकाऱ्याने सांगितले?

अमित चोप्रा हे मूळचे राजस्थान येथील रहिवासी असून त्याचे सर्व नातेवाईक तेथेच वास्तव्यावला आहेत. मात्र, चोप्रा हे पत्नी व मुलांसोबत मुंबईतील अंधेरी पश्चिम येथे वास्तव्याला होते. तसेच, मुंबईतच इमिटेशन ज्वेलरीचा व्यवसाय करीत होते, त्यामुळे ते मुंबईतच वास्तव्यास होते. मंगळवारी मध्यरात्री 1 वाजताच्या सुमारास चोप्रा यांनी टॅक्सी पकडली होती. टॅक्सी वांद्रे मार्गे सीलिंकवर आल्यानंतर आपल्याला साप चावला, असा आरडाओरडा त्यांनी धावत्या टॅक्सीतूनच केला. त्यामुळे, घाबरलेल्या टॅक्सीचालकाने टॅक्सी बाजूला थांबवली. त्यानंतर, चोप्रा यांनी टॅक्सीचा दरवाजा उघडला आणि सी-लिंकवरून थेट समुद्रात उडी मारली. याप्रकारामुळे टॅक्सी चालक घाबरला व त्याने तात्काळ हा प्रकार सिलिंक कर्मचारी व पोलिसांना सांगितला. त्यानंतर, पोलिसांनी आपल्या पथकासह घटनास्थळी धाव घेत व्यवसायिक चोप्रा यांचा मृतदेह समुद्रातून बाहेर काढल्याची माहिती आहे.

दरम्यान, यापूर्वीही वरळी सी लिंकवर चारचाकी गाडी थांबवत आत्महत्या केल्याची घटना घडली होती. त्यावेळी, अशाप्रकार येथे गाडी थांबवता येऊ नये म्हणून पोलिसांनी विशेष खबरदारीही घेतली होती. मात्र, साप चावल्याचा आरडाओरड करत व्यवसायिकाने येथून उडी घेत जीवन संपवलं.

हेही वाचा

नागपूर हादरलं! शाळकरी मुलाचे अपहरण अन् हत्या; शेजाऱ्यानेच रचला कट, महिलेसह तिघांना बेड्या

आणखी वाचा