धक्कादायक! नागपुरात दिवसाढवळ्या हत्येचा थरार, पती पत्नीने मिळून केली प्रियरकाची हत्या

नागपूर क्राईम न्यूज : नागपूर जिल्ह्यात धक्कादायक घटना (नागपूर क्राईम न्यूज) घडली आहे. खापरखेडा परिसरात दिवसाढवळ्या हत्येचा थरार झाला आहे. या घटनेचा व्हिडिओ व्हायरल (Video viral)  झाला आहे. खापरखेडा परिसरातील कोराडी रोडवर पती पत्नीन मिळून पत्नीच्या जुन्या प्रियकराची धारदार चाकूने हत्या केली आहे. सागर वानखेडे मृतकाचे नाव असून आरोपी पत्नी सोनाली गजभिये आणि पती राजू गजभिये यांना पोलिसांनी (Police) अटक केली आहे. दरम्यान, या हत्येच्या घटनेनं नागपूर जिल्ह्यात खळबळ उडाली आहे.

नेमकं प्रकरण काय?

सोनाली आणि सागरचे लग्नापूर्वी प्रेमसंबंध होते, मात्र सोनालीने राजू गजभिये हिच्याशी लग्न केले. त्यांना दोन मुले आहेत. परंतु सोनाली आणि सागर लग्नानंतरही संपर्कात होते. राजु गजभिये यांनी खापरखेडा पोलिस ठाण्यात तक्रार केली होती. सागर होळीनिमित्त पुण्याहून गावी आला होता. या दरम्यान त्याने सोनालीला इंस्टाग्रामवर भेटण्यासाठी मॅसेज केला होता. आज सकाळी दहा वाजेदरम्यान सागर आणि सोनाली एकाच बाईकवरून गेले असता सोनालीने रस्त्यात मुद्दाम तिची पर्स खाली टाकली. सागरने बाईक थांबताच सोनालीने सोबत नेलेल्या चाकूने दोन वार केले. त्यानंतर राजू गजभिये पाठलाग करत तिथे पोहोचला त्यानेही सागरवर अनेक वार केले. यामध्ये गंभीर जखमी झालेल्या सागरचा जागीच मृत्यू झाला आहे. आरोपी पती-पत्नीला पोलिसांनी अटक केली आहे. दरम्यान, या हत्येच्या घटनेनं नागपूर जिल्ह्यात खळबळ उडाली आहे. या प्रकरणी कोराडी पोलिस ठाण्यात गुन्हा दाखल झाला आहे. पोलिसांकडून पुढील तपास सुरु करण्यात आला आहे.

बीड बस स्थानक परिसरात तरुणाची दगडाने ठेचून हत्या, दोन मित्रांना पोलिसांनी घेतले ताब्यात

बीड जिल्ह्यात देखील धक्कादायक घटना घडली आहे. बस स्थानकाच्या मागील बाजूस एका पत्र्याच्या आडोश्याला नौशाद नामक तरुणाची दगडाने ठेचून हत्या केल्याची घटना सकाळी उघडकीस आली आहे. घटनेची माहिती मिळाल्यानंतर शिवाजीनगर पोलिसांनी घटनास्थळाचा पंचनामा करून मृतदेह शवविच्छेदनासाठी जिल्हा रुग्णालयात पाठवला आहे. यादरम्यान केलेल्या तपासात पोलिसांनी नौशाद सोबत मध्यरात्रीपर्यंत नशा करत बसलेल्या दोन मित्रांना ताब्यात घेतले आहे. पोलिसांकडून ही हत्या कोणी आणि कुठल्या कारणावरून केली याचा शोध घेतला जात आहे.

महत्वाच्या बातम्या:

Chhatrapati Sambhajinagar: गादीत गुंडाळलेल्या मृतदेहाचं गुढ उलगडलं; प्रेमविवाहाचा वाद, लेकीची हत्या करून आईनेच…, छत्रपती संभाजीनगर मधील घटना

आणखी वाचा