मुंबई : देशाचे पंतप्रधान नरेंद्र मोदी एक दिवसाच्या मुंबई दौऱ्यावर येत असून मोदींच्या दौऱ्यानिमित्त मुंबईतील (Mumbai) वाहतुकीत बदल करण्यात आला आहे. पंतप्रधान उद्या 17 फेब्रुवारी रोजी दुपारी 2.15 वाजता मुंबईत येणार आहेत. त्यानंतर, दुपारी 2.30 वाजता पंतप्रधान नरेंद्र मोदी आणि फ्रान्सचे राष्ट्राध्यक्ष इमॅन्युएल मॅक्रोन यांच्यात लोकभवन (यापूर्वीचे राजभवन) येथे द्विपक्षीय बैठक पार पडणार आहे. त्यानंतर, दुपारी 5 वाजता नरेंद्र मोदी आणि मॅक्रोन यांची हॉटेल ताज येथे विविध कंपन्यांच्या सीईओंसोबत राऊंडटेबल चर्चा होणार आहे. त्याच पार्श्वभूमीवर मुंबईतील वाहतुकीत बदल (Traffic) करण्यात आल्याची माहिती मुंबई पोलिसांनी दिली.
पंतप्रधान नरेंद्र मोदी आणि फ्रान्सचे राष्ट्राध्यक्ष इमॅन्युएल मॅक्रोन यांच्या प्रमुख उपस्थितीत सायंकाळी 6.30 वाजता मुंबईतील ‘गेट वे ऑफ इंडिया’ परिसरात इंडो-फ्रान्स सांस्कृतिक कार्यक्रमाचे आयोजन करण्यात आले आहे. त्यासाठी, व्हीव्हीआयपी नेतेमंडळींची उपस्थिती असणार आहे. त्या पार्श्वभूमीवर दक्षिण मुंबईतील अनेक रस्ते वाहतूकीसाठी बंद राहणार आहेत. मुंबईतील गेट वे ऑफ इंडिया येथे मंगळवारी भारत-फ्रान्स यांचा संयुक्त India-France Year of Innovation हा कार्यक्रम होणार आहे. याच पार्श्वभूमीवर वाहतूकीत बदल करण्यात आले आहेत. दक्षिण मुंबईतील अनेक रस्ते बंद करण्याची घोषणा करण्यात आली आहे. फ्रान्सच्या वाणिज्य दूतवासाच्यावतीने हा कार्यक्रम आयोजित करण्यात आला असून. 14 ते 22 फेब्रुवारीदरम्यान हा कार्यक्रम होत असून याची सुरुवात उद्या मंगळवार 17 फेब्रुवारी होणार आहे.
गेटवे ऑफ इंडिया येथे आयोजित भारत–फ्रान्स ‘इयर ऑफ इनोव्हेशन’ कार्यक्रमाच्या (14 ते 22 फेब्रुवारी 2026; मुख्य कार्यक्रम 17 फेब्रुवारी) पार्श्वभूमीवर लगतच्या रस्त्यांवर वाहतूक कोंडीची शक्यता आहे. त्यामुळे 17 फेब्रुवारी रोजी दुपारी 2 ते रात्री 9 वाजेपर्यंत खालील वाहतूक व्यवस्था लागू राहील, अशी माहिती मुंबई पोलिसांनी दिली.
दक्षिण मुंबईतील हे मार्ग राहतील बंद
छत्रपती शिवाजी महाराज मार्ग, श्यामाप्रसाद मुखर्जी चौक बंद असणार आहे फक्त आपत्कालीन वाहनासाठी हा मार्ग सुरु असेल.
नॉर्थ कोर्ट ते अॅडम स्ट्रीट जंक्शनपर्यंतचा पी. रामचंदानी मार्गदेखील वाहतूकीसाठी बंद असणार आहे.
रिगल जंक्शनकडे येणाऱ्या वाहनांना शहीद भगतसिंग मार्ग, महाकवी भूषण रोड, बीके बोमन बेहराम रोडकडे वळवण्यात आले आहे.
पी. रामचंदानी मार्गावरील वाहतूक अल्वा चौक, रेडिओ क्लब, हाजी नियाज आझम रोड आणि जगन्नाथ पालव चौक मार्गे वळवण्या येईल. अॅडम स्ट्रीट आणि पी. रामचंदानी मार्गावरील टॅक्सी स्टँड आणि बेस्ट बसचे थांबे बंद राहणार आहे.
गेटवे ऑफ इंडिया येथे आयोजित भारत–फ्रान्स ‘इयर ऑफ इनोव्हेशन’ कार्यक्रमाच्या (१४ ते २२ फेब्रुवारी २०२६; मुख्य कार्यक्रम १७ फेब्रुवारी) पार्श्वभूमीवर लगतच्या रस्त्यांवर वाहतूक कोंडीची शक्यता आहे. १७ फेब्रुवारी रोजी दुपारी २. ते रात्री ९. वाजेपर्यंत खालील वाहतूक व्यवस्था लागू राहील. pic.twitter.com/3E688l9DbF
— मुंबई वाहतूक पोलिस (@MTPHereToHelp) 15 फेब्रुवारी 2026
आणखी वाचा
Comments are closed.