रेफरीच्या एका निर्णयाने फुटबॉलच्या इतिहासातील सर्वात मोठा राडा! क्रोएशियाचं स्वप्न चक्काचूर, शे

पोर्तुगालने क्रोएशियाचा २-१ ने पराभव करून विश्वचषक २०२६ मध्ये आगेकूच केली: फिफा वर्ल्ड कप 2026 मधील राउंड ऑफ 32 च्या एका हाय-व्होल्टेज सामन्यात फुटबॉल इतिहासातील एक मोठा व्हार स्निको वाद समोर आला आहे. पोर्तुगाल आणि क्रोएशिया यांच्यातील या सामन्यात असे काही घडले, ज्याने फुटबॉल चाहत्यांना पुरते हादरवून सोडले. सामन्याच्या शेवटच्या सेकंदांमध्ये बरोबरीचा गोल करूनही, क्रोएशियाला स्निको (Snicko) तंत्रज्ञानाच्या एका अत्यंत सूक्ष्म निर्णयामुळे 2-1 ने पराभवाचा सामना करावा लागला. या वादग्रस्त निर्णयामुळे क्रोएशियाचे विश्वचषकातील आव्हान संपुष्टात आले.

103व्या मिनिटाला झाला हाय-व्होल्टेज ड्रामा (Portugal vs Croatia FIFA World Cup 2026)

सामन्यात सुरुवातीला क्रोएशियाच्या इव्हान पेरिसिकने 53 व्या मिनिटाला गोल करत आपल्या टीमला 1-0 अशी आघाडी मिळवून दिली होती. त्यानंतर पोर्तुगालच्या क्रिस्टियानो रोनाल्डोने पेनल्टीचे गोलमध्ये रूपांतर करून सामन्यात 1-1 अशी बरोबरी साधली. सामना एक्स्ट्रा टाईमकडे सरकतोय असे वाटत असतानाच, 94 व्या मिनिटाला पोर्तुगालच्या गोन्सालो रामोसने एक अप्रतिम हेडर मारत गोल केला आणि पोर्तुगालला 2-1 ने पुढे नेले.

एसी मिलानला, गोंकालो रॅमोसने पोर्तुगालला ९४व्या मिनिटात आघाडी मिळवून दिली ज्याने स्वर्गातील डिओगो जोटा आणि लाखो पोर्तुगीज चाहत्यांना लिस्बनमध्ये परत आणले 🇵🇹⚽🔥🥂😎

पोर्तुगाल 2-1 क्रोएशिया. pic.twitter.com/A4rYudLRQx

— #AUGUST25/TEAMVIRGO🐐 (@fadeyiolayinka) ३ जुलै २०२६

परंतु, खरा थरार सामन्याच्या अगदी शेवटच्या सेकंदांमध्ये म्हणजेच 103 व्या मिनिटाला पाहायला मिळाला. क्रोएशियाच्या मारिओ पसालिकच्या पासवर जोसको ग्वार्डिओलने चेंडू थेट नेटमध्ये धाडला. क्रोएशियाच्या गोटात एकच जल्लोष सुरू झाला, कारण सामना आता एक्स्ट्रा टाईममध्ये जाणार असे स्पष्ट दिसत होते.

बॉलला अक्षरशः सेन्सर असतो. क्रोएशियाच्या खेळाडूने त्याला स्पर्श केल्याचे स्पष्टपणे दिसून आले आहे, गोल करणाऱ्याला ऑफसाईड टाकून. हे रॉकेट सायन्स नाही.pic.twitter.com/RZtV6GEx9E https://t.co/smKAneGw1V

— AB⚕ (@AbsoluteBruno) ३ जुलै २०२६

क्रोएशियाचा हा आनंद फार काळ टिकू शकला नाही. फुटबॉलमध्ये वापरण्यात आलेल्या स्निको तंत्रज्ञानाने (जे चेंडूचा अगदी बारीक स्पर्शही शोधून काढते) रिप्लेमध्ये एक धक्कादायक गोष्ट दाखवली. जेव्हा चेंडू बॉक्समध्ये येत होता, तेव्हा क्रोएशियाच्या इगोर माटानोविचच्या डोक्याला चेंडू अगदी हलकासा लागून गेला होता. मानवी डोळ्यांना हा स्पर्श दिसणे निव्वळ अशक्य होते.

सामान्यतः ऑफसाईडच्या निर्णयांसाठी मुख्य रेफरीला स्क्रीनवर बोलावले जात नाही, परंतु रेफरी एस्पेन एस्कास स्वतः मॉनिटरकडे गेले. VAR च्या सखोल तपासणीनंतर त्यांनी क्रोएशियाचा हा बरोबरीचा गोल बेकायदेशीर ठरवला. या निर्णयामुळे पोर्तुगालने थेट राउंड ऑफ 16 मध्ये प्रवेश केला, जिथे आता त्यांचा सामना स्पेनशी होणार आहे.

🇭🇷 पोर्तुगाल विरुद्ध ग्वार्डिओलचा गोल आटोपल्यानंतर क्रोएशियाचे चाहते भडकले.

सर्वत्र कचरा उडत आहे, गर्दीमध्ये शुद्ध संताप आहे.

संपूर्ण स्टेडियम प्रेशर कुकरमध्ये बदलले… यामुळेच आम्हाला आंतरराष्ट्रीय फुटबॉल आवडतो (आणि भीती वाटते).

लेखक: वॅलpic.twitter.com/sI0pxu1FpP

— मारिओ नॉफल (@MarioNawfal) ३ जुलै २०२६

संतप्त चाहत्यांनी मैदानावर फेकल्या बाटल्या (Var Snicko controversy Fan Throw Bottle On Pitch)

या धक्कादायक निर्णयामुळे क्रोएशियाचे चाहते प्रचंड संतप्त झाले. त्यांनी आपला राग व्यक्त करत बीएमओ फील्ड मैदानावर पाण्याच्या बाटल्या फेकण्यास सुरवात केली, ज्यामुळे सामना काही काळ थांबवावा लागला. परिस्थिती नियंत्रणात आणण्यासाठी गोल करणारा खेळाडू पेरिसिकला स्वतः चाहत्यांना शांत करण्यासाठी जावे लागले.

हे ही वाचा –

ICC Women’s T20 World Cup : आधी ढेपाळले, मग नडले अन् शेवटी इंग्लंड थेट फायनलमध्ये; मोठ्या सामन्यात दक्षिण आफ्रिकेचा पुन्हा एकदा ‘चोक’