खुद्द मोदींनी केलं होतं रोहित आर्यच्या ‘लेट्स चेंज’चं कौतुक; तरी 17 मुलांना ओलीस ठेवण्याची वेळ

रोहित आर्य सामना: मुंबईच्या पवई परिसरात गुरुवारी दुपारी एक धक्कादायक घटना घडली. पवईतील (Powai) एका स्टुडिओत 17 मुलांना ओलीस ठेवण्यात आलं, त्यामुळे परिसरात तणावाचे वातावरण निर्माण झाले. घटनेची माहिती मिळताच मुंबई पोलीस (Mumbai Police) आणि कमांडो पथकाने तातडीने कारवाई करत सर्व मुलांची सुखरूप सुटका केली. मात्र, या कारवाईदरम्यान झालेल्या चकमकीत आरोपी रोहित आर्य ठार (Rohit Arya Encounter) झाला.

Rohit Arya Encounter: सरकारी थकबाकीचा दावा

रोहित आर्य हा ‘मुख्यमंत्री माझी शाळा, सुंदर शाळा’ या सरकारी अभियानाचा समन्वयक होता. त्याने ‘पीएलसी स्वच्छता मॉनिटर प्रकल्प’ या उपक्रमांतर्गत राज्यभरातील शाळांमध्ये मुलांना स्वच्छतेबाबत जागरूक करण्याचं काम केलं होतं. या प्रकल्पाद्वारे मुलांना “स्वच्छता दूत” बनवून त्यांच्या पालकांपर्यंत स्वच्छतेचा संदेश पोहोचवण्याचा हेतू होता. या अभियानासाठी शिक्षण विभागाने 2कोटी रुपयांची तरतूद केली होती. मात्र, अभियान राबविल्यानंतरही शिक्षण विभागाकडून पैसे न मिळाल्याचा गंभीर आरोप रोहित आर्यनं केला होता. त्याने सांगितले होते की, विभागाने केवळ आश्वासनं दिली, पण प्रत्यक्षात निधी दिला नाही.

Rohit Arya Encounter: उपोषण आणि आंदोलनाचा इतिहास

रोहित आर्यनं या थकबाकीच्या मागणीसाठी 2024 च्या जुलै-ऑगस्ट महिन्यात उपोषण सुरू केलं होतं. हे उपोषण शिक्षण मंत्री दीपक केसरकर (Deepak Kesarkar) यांच्या निवासस्थानाबाहेर करण्यात आलं होतं. उपोषणादरम्यान त्याची प्रकृती बिघडली आणि त्याला रुग्णालयात दाखल करण्यात आलं होतं. त्याने स्पष्ट आरोप केला होता की, शिक्षण विभागानं त्याचे 2 कोटी रुपये थकवले असून, स्वतःच्या पैशातून प्रकल्प पूर्ण केल्याचं त्याचं म्हणणं होतं.

व्हेरी एरिया एन्काउंटर: मोदींनी लेट्स चेर केले असेल

रोहित आर्य 2013 पासून सामाजिक प्रकल्पांमध्ये सक्रिय होता. त्याने ‘लेट्स चेंज’ नावाने ‘स्वच्छता अभियान’ राबवलं होतं. हा प्रकल्प तेव्हा गुजरातचे मुख्यमंत्री असलेले नरेंद्र मोदी यांना आवडला होता आणि त्यांनी त्याचं कौतुकही केलं होतं. नंतर 2022 मध्ये, शिक्षण मंत्री दीपक केसरकर यांनी महाराष्ट्रात हेच अभियान सुरू केलं.

Rohit Arya Encounter: मुलांना ओलीस ठेऊन थकबाकी वसुलीचा प्रयत्न

गुरुवारी दुपारी रोहित आर्यनं पवईतील एका स्टुडिओमध्ये ऑडिशनसाठी आलेल्या 17 मुलांना ओलीस ठेवले. त्याने सोशल मीडियावर एक व्हिडीओ जारी करून शिक्षण विभागाकडून आपले पैसे मिळवण्यासाठी हा टोकाचा पाऊल उचलल्याचं सांगितलं. या घटनेची माहिती मिळताच पोलिसांनी घटनास्थळी धाव घेतली. पोलिसांनी परिसर रिकामा करून तातडीने कमांडो पथकाच्या मदतीने ऑपरेशन सुरू केलं.

Rohit Arya Encounter: चकमकीत मृत्यू

मुलांची सुटका करताना पोलिसांचा रोहितशी संवाद आणि प्रतिकार झाला. त्यावेळी झालेल्या चकमकीत रोहितच्या छातीच्या डाव्या बाजूला गोळी लागली. जखमी अवस्थेत त्याला जवळच्या रुग्णालयात दाखल करण्यात आलं. मात्र उपचार सुरू असतानाच त्याचा मृत्यू झाला.

राज्य आणि देश-विदेशातील महत्त्वाच्या बातम्या, पाहा व्हिडीओ

आणखी वाचा

Rohit Arya Encounter: पोलिसांनी रोहित आर्यला फोनवर दीपक केसरकरांशी का बोलून दिलं नाही? एपीआयला हिरो व्हायचं होतं म्हणून छातीत गोळी झाडली; अ‍ॅडव्होकेट नितीन सातपुतेंचा आरोप

आणखी वाचा