भारताला शुक्रवारी (9 ऑक्टोबर) रांची येथे खेळल्या गेलेल्या दुसऱ्या टी20 सामन्यात वेस्ट इंडिजने पराभवाचा धक्का दिला. या सामन्यात भारताने प्रथम फलंदाजी करताना 20 षटकांत 5 विकेट्स गमावत 249 धावसंख्या उभारली होती. हे लक्ष्य विंडीजने 18.3 षटकांतच गाठले. यामध्ये भारताचे क्षेत्ररक्षण आणि गोलंदाजी सुमार झाली. हा सामना गमावल्यानंतर भारतीय कर्णधार श्रेयस अय्यरच्या नावावर टी20 क्रिकेटच्या इतिहासातील नकोसा विक्रम नोंदवला गेला आहे.
टी२० क्रिकेटच्या इतिहासात अय्यर हा पहिलाच आणि एकमेव कर्णधार ठरला, ज्याच्या नेतृत्वाखालील संघाने २४० पेक्षा अधिक धावसंख्येच्या बचाव करताना तीन सामने गमावले.
कर्णधार म्हणून अय्यर आयपीएलमध्ये दोनदा २४० पेक्षा अधिक धावांच्या लक्ष्याचा बचाव करण्यात अपयशी ठरले होते. आता भारतीय जर्सीमध्ये तसेच घडले आहे.
आयपीएल २०२४ च्या हंगामात अय्यरच्या नेतृत्वाखाली कोलकाता नाईट रायडर्सला २६१ धावसंख्येचे लक्ष्य वाचवता आले नव्हते, तर २०२५ च्या हंगामात अय्यरच्याच नेतृत्वाखालील पंजाब किंग्जला २४५ धावसंख्येचा बचाव करता आला नव्हता. आता त्याच्या नेतृत्वाखालील भारताला २४९ धावासंख्या उभारूनही पराभवचा सामना करावा लागला आहे.
रांचीचा टी२० सामना गमावल्याचा मोठा परिणाम
रांचीमधील मोठ्या पराभवाचा परिणाम भारतीय क्रिकेटच्या देशांतर्गत इतिहासावर झाला आहे. आपल्या टी२० आंतरराष्ट्रीय इतिहासात प्रथमच, भारतीय संघ २२५ पेक्षा अधिक धावा करूनही सामना हरला आहे. तसेच भारताने पहिल्यांदाच घरच्या मैदानावर खेळल्या गेलेल्या टी२० सामन्यात २५० पेक्षा अधिक धावा दिल्या आहेत.
अय्यरच्या नेतृत्वाच्या कार्यकाळातील नकोसे विक्रम
आंतरराष्ट्रीय सामन्यात आयर्लंडविरुद्ध भारताचा पहिल्यांदाच पराभव.
भारताने आयर्लंडविरुद्धची मालिका पहिल्यांदाच गमावली.
सलग पराभव – पाच, सहा आणि सात टी२० आंतरराष्ट्रीय सामन्यांत भारताला पहिल्यांदाच विजय मिळवता आला नाही.
टी२० आंतरराष्ट्रीयमध्ये १०० हून अधिक धावांच्या फरकाने पहिल्यांदाच पराभव.
टी२० आंतरराष्ट्रीयमधील सर्वात मोठा पराभव (१२५ धावा) नोंदवला.
टी२० आंतरराष्ट्रीयमधील दुसरी सर्वात कमी धावसंख्या (७६/१०) नोंदवली.
१२ वर्षांनंतर इंग्लंडविरुद्धची टी२० आंतरराष्ट्रीय मालिका गमावली.
७ वर्षांनंतर सलग टी२० आंतरराष्ट्रीय मालिका गमावल्या.
ब्रिस्टल येथे आंतरराष्ट्रीय सामना पहिल्यांदाच गमावला.
टी२० आंतरराष्ट्रीयमध्ये २०० हून अधिक धावांची भागीदारी पहिल्यांदाच दिली.
टी२० आंतरराष्ट्रीयमध्ये २५० हून अधिक एकूण धावा पहिल्यांदाच दिल्या.
१६०५ दिवसांनंतर टी२० आंतरराष्ट्रीय मधील अव्वल (क्रमांक १) मानांकन गमावले.
एकाच T20I मालिकेत/स्पर्धेत ४ सामने पहिल्यांदाच गमावले.
२२५ हून अधिक धावांचे लक्ष्य राखण्यात (डिफेंड करण्यात) भारत पहिल्यांदाच अपयशी ठरला.
भारतात खेळताना भारताने आतापर्यंतची सर्वोच्च धावसंख्या प्रतिस्पर्ध्याला दिली. (Shreyas Iyer Worst Captaincy Record, Failed to Defend 249 runs IND vs WI 2nd T20I)
Comments are closed.